മുല്ലപ്പൂ എല്ലാവരും തലയില്‍ ചൂടാനും പൂജകള്‍ക്കുമൊക്കം ഉപയോഗിക്കാറാണ്‌ പതിവ്‌ . എന്നാലിതാ നമ്മുടെ ദാഹം ശമിപ്പിക്കാനും ഇത്‌ ഉപയോഗിക്കാം. എങ്ങനെയെന്നു നോക്കാം.
സുഗന്ധമുള്ള മുല്ലപ്പൂവ്‌ 25 എണ്ണം
പഞ്ചസാര 2 കപ്പ്‌
ഏലക്കായ്‌ 10 എണ്ണം
ചന്ദനപ്പൊടി 1 ടീസ്‌പൂണ്‍
വെള്ളം 8 കപ്പ്‌
തയ്യാറാക്കുന്ന വിധം
ഏലക്കായ്‌ ചതച്ചതും ചന്ദനപ്പൊടിയും കൂടി തുണിയില്‍ കെട്ടി ഒരു കിഴിയാക്കുക. വെള്ളം തിളപ്പിച്ച്‌ അതില്‍ ഈ കിഴിയും പഞ്ചസാരയും ഇടുക. എന്നിട്ട്‌ വീണ്ടും തിളപ്പിക്കണം. കുറച്ചു കഴിഞ്ഞ്‌ വെള്ളത്തില്‍ മുല്ലപ്പൂ ഇടുക. ഇനി തീ ചെറുതായി കത്തിക്കണം. ഏതാണ്ട്‌ തേനിന്റെ പാകമാകുമ്പോള്‍ വാങ്ങി വച്ച്‌ അരിപ്പയില്‍ അരിക്കുക. ചൂടാറിയശേഷം കുപ്പിയിലാക്കി ആവശ്യം വരുമ്പോള്‍ തണുത്ത വെള്ളം ചേര്‍ത്ത്‌ കഴിക്കാം.