ഒരു മാലയിട്ടിരുന്ന സ്ഥാനത്ത് രണ്ടുമാല, അതും വളരെ നീളത്തിലുള്ളത്. അതാണു ന്യൂജന്‍ ട്രെന്‍ഡ്. ടീനേജേഴ്‌സിനെ ലക്ഷ്യമിട്ട് ഇറങ്ങിയ ഡബിള്‍ സ്പ്രിങ്ങ് ചെയിനുകള്‍ വിപണി കീഴടക്കുകയാണ്.
അലുമിനിയം സ്പ്രിങ്ങിലാണ് നീളത്തിലുള്ള ഈ മാല നിര്‍മിച്ചിരിക്കുന്നത്. രണ്ടു മാലകള്‍ ചേര്‍ത്തെടുത്തിട്ടു അതിന്റെ അടിഭാഗം ഒന്നിച്ചു കൂട്ടിക്കെട്ടിയിടുന്ന സ്റ്റൈലിലാണ് സ്പ്രിങ്ങ് ചെയിനുകള്‍. രണ്ടു മാലകള്‍ക്കും വ്യത്യസ്ത നിറങ്ങളായിരിക്കും. മാലകള്‍ ചേര്‍ന്നുവരുന്ന അടിഭാഗത്ത് സ്വര്‍ണനിറമുള്ള ചെറിയ മുത്തുകള്‍ പിടിപ്പിച്ചിട്ടുണ്ടാകും. ഈ മുത്തുകള്‍ ഒന്നുചേര്‍ന്നു കിടക്കുമ്പോള്‍ ലോക്കറ്റ് ആണെന്നേ തോന്നൂ.
ജീന്‍സ്, സാരി, ചുരിദാര്‍ തുടങ്ങി ഏതു വസ്ത്രത്തോടൊപ്പവും ഈ മാല അണിയാമെന്നതുകൊണ്ട് ടീനേജേഴ്‌സിനും സ്പ്രിങ്ങ് ചെയിനോടുള്ള താല്‍പര്യവും ഏറെയാണ്. 

മള്‍ട്ടി കളര്‍ ആയതിനാല്‍ ഡ്രസ് മാച്ച് അനുസരിച്ചു ധരിക്കാം. പിങ്കും ഗോള്‍ഡനും, പിങ്കും വൈറ്റും, ഗോള്‍ഡനും ബ്ലാക്കും, ഗോള്‍ഡനും മഞ്ഞയും, ഗോള്‍ഡനും റെഡും, ഗോള്‍ഡനും ബ്ലൂവും. എന്നിങ്ങനെയുള്ള കളര്‍ കോമ്പിനേഷനുകളാണ് ഫാസ്റ്റ് മൂവിങ്ങ്. 200 രൂപ മുതലാണ് ഇവയുടെ വില.