കാതിലെ ദ്വാരം വലുതാകുകയും കാതു കീറുകയും ചെയ്യുന്നത് സാധാരണയാണ്. ഭാരമുള്ള കമ്മലുകള്‍ സ്ഥിരമായി അണിയുന്നത് കാതു കീറാനും ദ്വാരം വലുതാകാനും കാരണമാകും. ഭാരം കുറഞ്ഞ കമ്മലിടാന്‍ പ്രത്യേകം ശ്രദ്ധിക്കുക. ഭാരമുള്ള കമ്മല്‍ വിശേഷാവസരങ്ങളില്‍ മാത്രം ഉപയോഗിക്കുക. കീറിയ കാതുകള്‍ പശ വച്ച് ഒട്ടിക്കുന്ന രീതി നല്ലതല്ല . വലുതായ ദ്വാരവും കാതിന്റെ കീറിയ ഭാഗവും ചേര്‍ത്ത് തയ്ക്കുക. ഇത് ഉണങ്ങി രണ്ടോ മൂന്നോ ആഴ്ചകള്‍് ശേഷം മറ്റൊരുസ്ഥാനത്ത് കാതു കുത്തുന്നതാണ് യഥാര്‍ഥ രീതി. ഇത് ശരിയായി ചെയ്തില്ലെങ്കില്‍ വീണ്ടും കാതു കീറാന്‍ ഇടയാകും.

അണുവിമുക്തമായ ഉപകരണങ്ങള്‍ ഉപയോഗിച്ച് കാതുകുത്തിയില്ലെങ്കില്‍ എച്ച്‌ഐവി പോലുള്ള രോഗബാധകള്‍ ഉണ്ടാകാം. സെക്കന്‍ഡ് സ്റ്റഡും മറ്റും തരുണാസ്ഥികളില്‍ കുത്തിയ ശേഷം ആന്റിബയോട്ടിക് ക്രീം പുരട്ടുന്നത് നല്ലതാണ്. ചുരുക്കം സന്ദര്‍ഭങ്ങളില്‍ ആന്റിബയോട്ടിക് മരുന്നുകളും വേദനസംഹാരികളും വേണ്ടി വന്നേക്കാം. കാതു കുത്തിയശേഷം ചിലരില്‍ നീരുണ്ടാകാറുണ്ട്. ഉപ്പിട്ട ചെറുചൂടുവെള്ളം തുണി മുക്കി ഒപ്പുന്നത് വേദനയും നീരും മാറാന്‍ നല്ലതാണ്. കീലോയ്ഡ് ഉള്ളവര്‍ക്ക് (മുറിവുകള്‍ ഉണങ്ങിയാല്‍ തടിച്ചുരുണ്ട് വരുന്നത്) കാത് കുത്തുമ്പോഴും കീലോയ്ഡ് വരാം. ഇവര്‍ വിദഗ്ധ ഡോക്ടറെ കൊണ്ട് മാത്രമേ കാതുകുത്താവൂ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha