ബുര്ജ് ഖലീഫ ഇനി പിങ്ക് നിറമണിയും.
14 OCTOBER 2016 05:39 PM IST
മലയാളി വാര്ത്ത
ബുര്ജ് ഖലീഫ ഇനി പിങ്ക് നിറമണിയും. സ്തനാര്ബുദ ബോധവത്കരണ മാസാചരണത്തിന്റെ ഭാഗമായി ബുര്ജ് ഖലീഫ പിങ്ക് നിറത്തില് പ്രത്യക്ഷപ്പെടും. ഒക്ടോബറില് ഇനിയുള്ള ആഴ്ചകളുടെ അവസാനമാകും ബുര്ജ് ഖലീഫ പിങ്ക് നിറമണിയുക. വ്യാഴം, വെള്ളി, ശനി ദിവസങ്ങളിലായിരിക്കും നിറംമാറ്റം. ഈ ദിവസങ്ങളില് ബുര്ജ് ഖലീഫയിലെത്തുന്ന സന്ദര്ശകരും പിങ്ക് നിറത്തിലുള്ള വേഷങ്ങളില് എത്താന് അഭ്യർത്ഥിക്കുന്നതായും ഇമാര് പ്രോപര്ടീസ് അധികൃതര് അറിയിച്ചു.
അറ്റ് ദ ടോപില് പ്രത്യേക ചോക്ലേറ്റുകള് വിതരണം ചെയ്യും. കൂടാതെ, ഇവിടെ വില്ക്കപ്പെടുന്നവയ്ക്കെല്ലാം ക്യാംപയിൻ ധനസമാഹരണാര്ഥം ഒരു ദര്ഹം വീതം അധികം ഈടാക്കും. സ്തനാര്ബുദ ബോധവത്കരണത്തിന് നേതൃത്വം നല്കുന്ന അല് ജലീല ഫൗണ്ടേഷന് തുക കൈമാറും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
