കു​ട്ടി​ക്കാ​ല​ത്ത് കേ​ട്ട നി​റം​പി​ടി​പ്പി​ച്ച ക​ഥ​ക​ളി​ല്‍ ഒ​ടി​യ​നും, ചാ​ത്ത​നും, മ​റു​ത​യും, കൂ​ടോ​ത്ര​വു​മെ​ല്ലാം ഉ​ണ്ടാ​യി​രു​ന്നു. മന്ത്രവാദങ്ങളും മന്ത്രവാദിയുമൊക്ക കുട്ടികളെ പേടിപ്പിക്കുന്ന മുത്തശ്ശി കഥകളിൽ മാത്രമല്ല. ഇവയൊക്കെ ഇന്നും നിലനിന്നു പോരുന്നു. അത്തരത്തിൽ മന്ത്രവാദത്തിനു പ്രസിദ്ധമായ ഒരിടമാണ് മാ​യോ​ങ്ങ് എന്ന ഗ്രാമം. ഗോ​ഹ​ട്ടി​യി​ല്‍ നി​ന്നും ഏ​ക​ദേ​ശം നാ​ല്‍പ്പ​ത് കി​ലോ​മീ​റ്റ​ര്‍ അ​ക​ലെ​യാ​ണ് മാ​യോ​ങ്ങ്. കി​ഴ​ക്കി​ന്‍റെ വെ​ളി​ച്ചം എ​ന്ന​ര്‍ത്ഥ​മു​ള്ള പ്ര​ഗ്ജ്യോ​തി​ഷ്പൂ​ര്‍ എ​ന്നാ​ണ് നൂ​റ്റാ​ണ്ടു​ക​ള്‍ക്കു മു​ന്‍പ് ഗോ​ഹ​ട്ടി അ​റി​യ​പെ​ട്ടി​രു​ന്ന​ത്. കൃ​ഷി​യി​ട​ങ്ങ​ളും ക​ണ്ണെ​ത്താ​ദൂ​ര​ത്തോ​ള​മു​ള്ള വ​യ​ലു​ക​ളും ഒക്കെ കണ്ടാൽ നമുക് തോന്നും നമ്മൾ കേരളത്തിൽ തന്നെയാണോയെന്നു. കേ​ര​ള​ത്തി​നു ഗോ​ഹ​ട്ടി​യു​ടെ വി​ദൂ​ര​ച്ഛാ​യ​യു​ണ്ട് എന്ന് തോന്നിപ്പിക്കുന്ന തരം കൃഷിയിടങ്ങളാണവിടെ കാണുന്നത്.

ഒരു ഗ്രാ​മം മു​ഴു​വ​ന്‍ ആ​ഭി​ചാ​ര​ക്രി​യ​ക​ള്‍ ചെ​യ്യു​ന്നു, മാ​ന്ത്രി​ക-​താ​ന്ത്രി​ക വി​ദ്യ​കൊ​ണ്ട് അ​വി​ശ്വ​സ​നീ​യ​മാ​യ പ​ല​തും ചെ​യ്യു​ന്നു എന്നൊക്കെ പറഞ്ഞാൽ അത് മയോങ്ങിനെ കുറിച്ചാണെങ്കിൽ അതിൽ അതിശയോക്തി ഇല്ല. ഒരു കാലത്തു ദേ​ശാ​ന്ത​ര​ങ്ങ​ളി​ല്‍ പ്ര​ശ​സ്തി​യാ​ര്‍ജ്ജി​ച്ച, താ​ന്ത്രി​ക-​മാ​ന്ത്രി​ക വി​ദ്യ​ക​ള്‍ കൊ​ണ്ട് പ്ര​കൃ​തി​യെ പോ​ലും നി​ശ്ച​ല​മാ​ക്കാ​ന്‍ ക​ഴി​വു​ണ്ടാ​യി​രു​ന്ന ഒ​രു ജ​ന​ത ഇവിടെ ഉണ്ടായിരുന്നു. എന്നാൽ പുതു തലമുറക്ക് അത്തരം സിദ്ധികൾ ഒന്നും തന്നെ ഇല്ല. ഇന്നവർ താ​ന്ത്രി​ക​വി​ദ്യ എ​ന്നൊ​ന്നും പ​റ​യാ​റി​ല്ല. ബ്ലാ​ക്ക് മാ​ജി​ക്ക് എ​ന്നാ​ണ് പുതു തലമുറ അതിനെ വി​ളി​ക്കു​ന്ന​ത്‌.

പൗരാ​ണി​ക കാ​ല​ഘ​ട്ട​ത്തി​ല്‍ ഭീ​മ​ന്‍റെ​യും-​ഹി​ഡും​ബി​യു​ടെ​യും മ​ക​നാ​യ ഘ​ടോ​ല്‍ക്ക​ച​ന്‍റെ രാ​ജ്യ​മാ​യി​രു​ന്നു മാ​യോ​ങ്ങ് എ​ന്നാ​ണു ഐ​തി​ഹ്യം. കൗ​ര​വ​രെ ത​ന്‍റെ മാ​യി​ക​ക​ഴി​വ് കൊ​ണ്ട് നേ​രി​ട്ട​തു കൊ​ണ്ടാ​ണ് മാ​യോ​ങ്ങ് ജ​ന​ത മ​ന്ത്ര-​ത​ന്ത്ര​ങ്ങ​ളി​ല്‍ കഴിവുള്ളവരായി എ​ന്നാ​ണ് ക​രു​തു​ന്ന​ത്. മാ​യോ​ങ്ങ് എ​ന്ന പേ​രി​നു പി​ന്നി​ല്‍ പ്ര​ച​രി​ക്കു​ന്ന ക​ഥ​ക​ളി​ല്‍ ഒ​ന്ന് മാ​ന്ത്രി​ക-​താ​ന്ത്രി​ക വി​ദ്യ​ക​ള്‍ സ്വാ​യ​ത്ത​മാ​ക്കി​യ​വ​രു​ടെ നാ​ടെ​ന്ന അ​ര്‍ത്ഥ​ത്തി​ല്‍ മാ​യ എ​ന്ന വാ​ക്കി​ല്‍ നി​ന്നാ​ണ് എ​ന്നാ​ണ്.

ദു​ര്‍ഗാ​ദേ​വി​യു​ടെ അ​ന്‍പ​ത്തി ഒ​ന്ന് ശ​ക്തി​പീ​ഠ​ങ്ങ​ളി​ല്‍ ഒ​ന്നാ​ണ് കാ​മാ​ഖ്യാ ക്ഷേ​ത്രം. താ​ന്ത്രി​കാ​ചാ​ര​ത്തി​ന്‍റെ കേ​ന്ദ്രം കൂ​ടി​യാ​ണ് കാ​മാ​ഖ്യ ക്ഷേ​ത്രം. ചു​വ​ന്ന പൂ​ക്ക​ളും, ചു​വ​ന്ന ചാ​ന്തു​മാ​ണ് ഇ​വി​ടെ പൂ​ജ​ക്ക്‌ ഉ​പ​യോ​ഗി​ക്കു​ന്ന​ത്. മന്ത്ര തന്ത്രങ്ങളുടെ കയ്യെഴുത്തു പ്രതി ഇവിടുത്തെ ആർകിടെയോളോജിക്കൽ മ്യൂസിയത്തിൽ സൂക്ഷിച്ചിട്ടുണ്ട്. നി​റ​ഞ്ഞൊ​ഴു​കാ​റു​ള്ള ബ്ര​ഹ്മ​പു​ത്ര​യെ ത​ട​ഞ്ഞു നി​ര്‍ത്തി​യാ​ണ് താ​ന്ത്രി​ക​വി​ദ്യ അ​ഭ്യ​സി​ച്ച​വ​ര്‍ ഞ​ങ്ങ​ളു​ടെ പൂ​ര്‍വി​ക​രെ താ​ന്ത്രി​ക വി​ദ്യ​യി​ലേ​ക്കു ആ​ക​ര്‍ഷി​ച്ച​ത് എന്നാണ് ഐതിഹ്യം. പ​ക്ഷേ വൈ​ഷ​ണ​വ​മ​ത​ത്തി​ന് മാ​യോ​ങ്ങി​ല്‍ പ്രാ​ധാ​ന്യം ല​ഭി​ച്ച​പ്പോ​ള്‍ താ​ന്ത്രി​ക-​മാ​ന്ത്രി​ക വി​ദ്യ​ക​ള്‍ക്ക് ശ്ര​ദ്ധ​കി​ട്ടാ​തെ​യാ​യി.

അ​സു​ഖ​ങ്ങ​ള്‍ ഭേ​ദ​പെ​ടു​ത്ത​ല്‍, വി​ഷം തീ​ണ്ടു​ന്ന​വ​രെ ര​ക്ഷ​പെ​ടു​ത്ത​ല്‍ തു​ട​ങ്ങി ഏ​റെ​ക്കു​റെ ഇ​ന്ന​ത്തെ ഡോ​ക്ട​ര്‍മാ​ര്‍ ചെ​യ്യു​ന്ന​തെ​ല്ലാം ഇ​വ​ര്‍ മാന്ത്രിക വിദ്യയിലൂടെ ചെ​യ്തി​രു​ന്നു. സ്വയ രക്ഷയ്കായും ഇവർ മന്ത്രങ്ങൾ ഉപയോഗിച്ചിരുന്നു. ഇതിനു മാത്രമല്ല മ​ല്‍ശ്രാം മ​ന്ത്ര ഉ​പ​യോ​ഗി​ച്ച് നൂ​റു​മ​ട​ങ്ങ്‌ ശ​ക്തി​നേ​ടാം, യു​റ​ന്‍ മ​ന്ത്ര ഉ​പ​യോ​ഗി​ച്ച് വേ​ഗ​ത വ​ര്‍ദ്ധി​പ്പി​ക്കാം, പ​റ​ക്കാ​ന്‍ വ​രെ സാ​ധി​ക്കും. ലു​ക്കി മ​ന്ത്ര ഉ​പ​യോ​ഗി​ച്ച് അ​പ്ര​ത്യ​ക്ഷ​രാ​കാം. എന്നാൽ ത​ല​മു​റ ത​ല​മു​റ​യാ​യി കൈ​മാ​റി​വ​ന്ന വി​ദ്യ​ക​ള്‍ പി​ന്നീ​ടു​ള്ള ത​ല​മു​റ വേ​ണ്ട​വി​ധം പ​ഠി​ക്കാ​തെ, ആ​ചാ​ര​ങ്ങ​ള്‍ പാ​ലി​ക്കാ​തെ കൈ​വി​ട്ടു​ക​ള​ഞ്ഞു.