വി​ദേ​ശി​ക​ൾ​ക്കു വ​ന്നു താ​മ​സി​ക്കാ​ൻ ഏ​റ്റ​വും സു​ര​ക്ഷി​ത​മാ​യ രാ​ജ്യം സ്വി​റ്റ്സ​ർ​ല​ൻ​ഡ് എ​ന്ന് സ​ർ​വേ റി​പ്പോ​ർ​ട്ട്. ഇ​ന്‍റ​ർ​നേ​ഷ​ൻ​സ് എ​ന്ന പ്ര​വാ​സി നെ​റ്റ് വ​ർ​ക്കിം​ഗ് സ​മൂ​ഹ​മാ​ണ് സ​ർ​വേ സം​ഘ​ടി​പ്പി​ച്ച​ത്.

65 രാ​ജ്യ​ങ്ങ​ളി​ലെ വി​ദേ​ശി​ക​ളു​ടെ ജീ​വി​താ​വ​സ്ഥ​ക​ൾ വി​ല​യി​രു​ത്തി​യാ​ണ് റി​പ്പോ​ർ​ട്ട് ത​യാ​റാ​ക്കി​യി​രി​ക്കു​ന്ന​ത്. ജീ​വി​ത​ത്തെ ബാ​ധി​ക്കു​ന്ന നാ​ൽ​പ്പ​തി​ല​ധി​കം ഘ​ട​ക​ങ്ങ​ൾ ഇ​തി​ൽ പ​രി​ഗ​ണി​ച്ചി​ട്ടു​ണ്ട്.

എല്ലാം സര്‍ക്കാരിനാല്‍ നിയന്ത്രിക്കപ്പെട്ട, ഏറ്റവും സുരക്ഷിതവും കൃത്യതയുള്ളതുമായ രാജ്യമാണ് സ്വിറ്റ്‌സര്‍ലന്‍ഡ്. തണുപ്പുകാലത്ത് വീടിന്റെ അകത്തളങ്ങള്‍ ചൂടാക്കാനുള്ള ഗ്യാസ് മുതല്‍ രാത്രികാലങ്ങളിലെ താപനിയന്ത്രണം പോലും സര്‍ക്കാര്‍ വകയാണ്.

ശാന്തവും വൃത്തിയുള്ളതുമായ ഗ്രാമങ്ങള്‍, സ്വപ്നം പോലുള്ള പ്രഭാതങ്ങള്‍, നദീതീരങ്ങള്‍,എന്ന് വേണ്ട മനുഷ്യന് ആരോഗ്യത്തോടെയും സന്തോഷത്തോടെയും ജീവിക്കാനുള്ളതെല്ലാം ഇവിടെയുണ്ട്.

സ്വിറ്റ്‌സര്‍ലന്‍ഡില്‍ പഞ്ചായത്തുകളാണ് ഭരിക്കുന്നത്. ഒരു പഞ്ചായത്തിലെ 50 ശതമാനത്തിലധികം ആളുകള്‍ എന്തെങ്കിലും കാര്യങ്ങള്‍ എഴുതി ആവശ്യപ്പെട്ടാല്‍ അതു അതു നടക്കും. മഹാത്മജി വിഭാവനം ചെയ്ത വികേന്ദ്രീകരണവും പഞ്ചായത്തീരാജും ഏറ്റവും ഭംഗിയായി നടപ്പിലാക്കിയത് എവിടെയാണെന്ന് തോന്നിപോകും.

എല്ലാ പഞ്ചായത്തുകളും അതിന്റെ പരിധിക്കുള്ളില്‍ ഒരു കാട് നിര്‍മ്മിച്ച് നിലനിര്‍ത്തണം എന്നത് നിര്‍ബന്ധമാണ്. രാവിലെ നടക്കുന്നവര്‍ക്ക് ശുദ്ധവായു ലഭിക്കാനും രാജ്യത്തിന്റെ പരിസ്ഥിതി സന്തുലനം കാത്തു സൂക്ഷിക്കാനുമാണ് വനങ്ങൾ നിലനിർത്തുന്നത്.

വിനോദ സഞ്ചാരവും പാലുമാണ് സ്വിറ്റ്‌സര്‍ലാന്‍ഡിന്റെ പ്രധാനവരുമാനം. വീടുകളിലെല്ലാം പശുത്തൊഴുത്തുകള്‍ കാണാം. തൊഴുത്തിനോട് ചേര്‍ന്ന് ഒരു മുറിയുണ്ടാകും. പാല്‍ ശേഖരിച്ച് വെയ്ക്കാനാണിത്. അടുത്ത് ഒരു പെട്ടി. പാല്‍ ആവശ്യമുള്ളവര്‍ക്ക് ഉടമയോട് ചോദിക്കാതെ തന്നെ എടുക്കാം. പണം പെട്ടിയിലിട്ടാല്‍ മതി.വഴിയരികില്‍ മനോഹരമായ പൂപ്പാടങ്ങള്‍ കാണാം. പൂക്കള്‍ ആവശ്യമുള്ളവര്‍ക്ക് പറിക്കാം. എടുക്കുന്ന കുലക്കനുസരിച്ച് വില പെട്ടിയിലിടണം.

സ്വി​റ്റ്സ​ർ​ല​ൻ​ഡി​ൽ താ​മ​സി​ക്കു​ന്ന വി​ദേ​ശി​ക​ളി​ൽ 97 ശ​ത​മാ​നം പേ​രും ഇ​വി​ടം ത​ങ്ങ​ൾ​ക്കു സു​ര​ക്ഷി​ത​മാ​ണെ​ന്നാ​ണ് അ​ഭി​പ്രാ​യ​പ്പെ​ട്ട​ത്. ആ​ഗോ​ള ശ​രാ​ശ​രി​യെ അ​പേ​ക്ഷി​ച്ച് 18 പോ​യി​ന്‍റ് കൂ​ടു​ത​ലാ​ണി​ത്. വ്യ​ക്തി​ഗ​ത സു​ര​ക്ഷ, രാ​ഷ്ട്രീ​യ സു​സ്ഥി​ര​ത, സ​മാ​ധാ​നം എ​ന്നി​വ​യാ​ണ് സ്വി​റ്റ്സ​ർ​ല​ൻ​ഡി​നെ ഏ​റ്റ​വും പ്രി​യ​പ്പെ​ട്ട​താ​ക്കു​ന്ന​ത്.

സ്വിറ്റ്‌സര്‍ലാന്‍ഡുകാര്‍ ശാന്തപ്രകൃതരാണ്. അവര്‍ സമൃദ്ധിയില്‍ ജീവിക്കുന്നു. അധ്വാനവും വിശ്രമവും ഒരു പോലെ ആസ്വദിക്കുന്നു. കേട്ടറിവിനേക്കാൾ മനോഹരമാണ് സ്വിറ്റ്സർലൻഡ് എന്ന യാഥാർഥ്യം