കനത്ത വിലയിടിവ്; പൈനാപ്പിള് കര്ഷകര് വന്പ്രതിസന്ധിയില്
സംസ്ഥാനത്തെ പൈനാപ്പിള് കര്ഷകര് ഉത്പാദനച്ചെലവ് പോലും ലഭിക്കാതെ കടുത്ത പ്രതിസന്ധിയില്.
ഉത്പാദിപ്പിക്കപ്പെടുന്ന പൈനാപ്പിള് മുഴുവനായും ഉപയോഗിക്കാന് സംവിധാനം ഇല്ലാത്തതും പ്രതിസന്ധിയുടെ ആക്കം കൂട്ടുന്നു. പാട്ടത്തുക, കൂലിച്ചെലവുകള്, വളംവില, വാഹനവാടക തുടങ്ങിയ ഇനങ്ങളില് സമീപനാളുകളില് വന്വര്ദ്ധനവാണ് ഉണ്ടായത്. അഞ്ചു വര്ഷം മുമ്പ് പ്രഖ്യാപിച്ചിരുന്ന അടിസ്ഥാന വിലയായ 17 രൂപ ഉത്പാദനച്ചെലവിന് ആനുപാതികമായി 23 രൂപയെങ്കിലും ആയി ഉയര്ത്തണമെന്ന ആവശ്യം ഏറെനാളായി പൈനാപ്പിള് കര്ഷകര് ഉയര്ത്തുന്നു. ഉയര്ന്ന വില ലഭിക്കുമെന്നു പ്രതീക്ഷിക്കുന്ന പ്രത്യേക കാലം കണക്കാക്കി കര്ഷകര് ഉത്പാദനം ക്രമീകരിക്കുന്നതും കനത്ത വിലയിടിവിന് കാരണമാകുന്നുണ്ട്.
പഴുപ്പു കൂടിയതും നിസാരമായ ചതവുകളുളളതും വലിപ്പമില്ലാത്തതുമായ പൈനാപ്പിള് കര്ഷകരോ വ്യാപാരികളോ ഉപേക്ഷിക്കുകയാണ് പതിവ്. പൈനാപ്പിള് വൈന് പോലെയുളള ഉപോത്പന്നങ്ങള് നിര്മിക്കുന്നത് കാര്ഷിക മേഖലയ്ക്ക് പ്രയോജനമാകുമെന്നും ഈ മേഖലയിലുള്ളവര് ചൂണ്ടിക്കാട്ടുന്നു. ഉത്പാദിപ്പിക്കപ്പെടുന്ന പൈനാപ്പിള് പഴമായോ മറ്റ് ഉപോത്പന്നങ്ങളായോ പൂര്ണമായും ചെലവഴിക്കപ്പെടാന് സര്ക്കാര്തല സംവിധാനം സജ്ജമാകും വരെ പൈനാപ്പിള് ഉത്പാദനം ക്രമവത്്കരിക്കുന്നത് മേഖലയ്ക്ക് ഗുണകരമാകുമെന്ന് പ്രതീക്ഷിക്കുന്നു.
https://www.facebook.com/Malayalivartha