തുടര്ച്ചയായി റേഷന് വാങ്ങാത്തവരുടെ കാര്ഡുകള് മരവിപ്പിക്കാന് സിവില് സപ്ലൈയിസ് വകുപ്പ്
തുടര്ച്ചയായി രണ്ട് മാസം റേഷന് സാധനങ്ങള് വാങ്ങാത്തവരുടെ റേഷന് കാര്ഡ് മരവിപ്പിക്കാന് നടപടിയുമായി സിവില് സപ്ലൈസ് വകുപ്പ് മുന്നോട്ടു പോയതോടെ റേഷന് കടകളില് വന്തിരക്ക്. കേരളത്തില് എവിടേയുമുള്ള റേഷന് കടയില് നിന്നും ഉത്പന്നങ്ങള് വാങ്ങാന് സാധിക്കുന്ന പോര്ട്ടബിലിറ്റി സംവിധാനത്തെ കുറിച്ച് കൂടുതല് ഉപഭോക്താക്കള്ക്കും അറിയില്ല. ഇതോടെ വിദൂര സ്ഥലങ്ങളിലുള്ളവരും റേഷന് കടകളില് എത്തി തങ്ങള്ക്ക് അനുവദനീയമായ വസ്തുക്കള് വാങ്ങുന്നു. ഇതും റേഷന് കടകളിലെ തിരക്ക് വര്ദ്ധിക്കുന്നതിന് കാരണമാവുന്നു.
2018 നവംബര്, ഡിസംബര് മാസങ്ങളില് റേഷന് വാങ്ങാത്തവരുടെ വിവരങ്ങള് താലൂക്ക് സപ്ലൈ ഓഫീസര്മാരും റേഷനിങ് ഇന്സ്പെക്ടര്മാരും ശേഖരിച്ചു തുടങ്ങി. തുടര്ച്ചയായ രണ്ട് മാസം റേഷന് സാധനങ്ങള് വാങ്ങാത്തവരുടെ കാര്ഡുകള് ആറ് മാസത്തേക്കായിരിക്കും മരവിപ്പിക്കുക. ഇപോസ് മെഷീന് ഉപയോഗിച്ചാണ് ഇപ്പോള് റേഷന് വിതരണം. ഇതോടെ റേഷന് കാര്ഡ് ഉടമ, അല്ലെങ്കില് കാര്ഡിലെ മറ്റേതെങ്കിലും അംഗത്തിന്റേയോ വിരലടയാളം വേണം. ഈ കാരണത്താല് റേഷന് വാങ്ങാന് സാധിക്കാത്തവരുടെ കാര്ഡും മരവിപ്പിച്ചവയില് ഉള്പ്പെടും.
https://www.facebook.com/Malayalivartha
