സൗദിയില്‍ ബിനാമി ബിസിനസ് നടത്തിയ ഇന്ത്യക്കാരന് രണ്ടുലക്ഷം റിയാല്‍ പിഴ
സൗദിയില്‍ ബിനാമി ബിസിനസ് നടത്തിയ ഇന്ത്യക്കാരന് രണ്ടുലക്ഷം റിയാല്‍ പിഴശിക്ഷ വിധിച്ചു. സ്വദേശിയുടെ സഹായത്തോടെ പ്ലാസ്റ്റിക് ഉത്പന്നങ്ങള്‍ കയറ്റിറക്കുമതി ബിനാമിയായി നടത്തിയതിനാണ് അഡ്മിനിസ്‌ട്രേറ്റിവ് കോടതി ശിക്ഷിച്ചത്.
\ദമാം പ്രവിശ്യയില്‍ പ്ലാസ്റ്റിക്, പേപ്പര്‍ ഉത്പന്നങ്ങള്‍ ഇന്ത്യ, ഇന്‍ഡൊനീഷ്യ, മലേഷ്യ എന്നീ രാജ്യങ്ങളുമായി വ്യാപാരം നടത്തിയിരുന്ന ഖാജ നജ്മുദ്ദീന്‍ ഫാറൂഖിനെയാണ് കോടതി ശിക്ഷിച്ചത്. പിഴ അടച്ചതിനുശേഷം ഇയാളെ നാടുകടത്താനും കോടതി ഉത്തരവിട്ടു. ഇയാള്‍ക്ക് പുതിയ വിസയില്‍ സൗദിയില്‍ മടങ്ങി വരുന്നതിന് വിലക്ക് ഏര്‍പ്പെടുത്താനും ഉത്തരവില്‍ വ്യക്തമാക്കി. ഇയാളുടെ തൊഴിലുടമയും ബിനാമി ബിസിനസിന് കൂട്ടുനിന്ന സ്വദേശി പൗരന്‍ അലി ബിന്‍ ജഅ്ഫര്‍ അല്‍ശഹ്രിയും രണ്ട് ലക്ഷം റിയാല്‍ പിഴ അടക്കണം.
സ്ഥാപനത്തിന്റെ കൊമേഴ്യല്‍ രജിസ്‌ട്രേഷനും മുനിസിപ്പല്‍ ലൈസന്‍സും റദ്ദാക്കാനും കോതെി ഉത്തരവിട്ടു. ഇയാളുടെ സ്‌പോണ്‍സര്‍ അഞ്ച് വര്‍ഷം നിലവിലെ ബിസിനസ് നടത്തുന്നതിനും വിലക്ക് ഏര്‍പ്പെടുത്തി. മൂന്ന് ബാങ്ക് അക്കൗണ്ടുകള്‍ വഴി ഇന്ത്യക്കാരന് ഇടപാടുകള്‍ നടത്തിയത് കണ്ടെത്തിയിരുന്നു. മാസം മൂന്ന് ലക്ഷം റിയാലില്‍ കൂടുതല്‍ ഓരോ അക്കൗണ്ടിലും നിക്ഷേപിച്ചിരുന്നു. ഒരു വര്‍ഷം 37 ലക്ഷം റിയാല്‍ നിക്ഷേപിച്ചതായും അന്വേഷണത്തില്‍ കണ്ടെത്തി. തുടര്‍ന്ന് നടത്തിയ അന്വേഷണത്തില്‍ ബിനാമി ബിസിനസ് ആണ് ഇയാള്‍ നടത്തുന്നതെന്ന് കണ്ടെത്തുകയായിരുന്നു.
https://www.facebook.com/Malayalivartha
