ഫോബ്സ് മാസിക; മികച്ച 100 ബിസിനസ് ചിന്തകരുടെ പട്ടികയില്‍ മൂന്ന് ഇന്ത്യക്കാര്‍
ജീവിച്ചിരുന്ന 100 മഹത് വ്യവസായികളെ ഉള്‍പ്പെടുത്തി ഫോബ്സ് മാസിക തയാറാക്കിയ ബിസിനസ് ചിന്തകരുടെ പട്ടികയില്‍ മൂന്ന് ഇന്ത്യക്കാരും ഇടംനേടി. ആര്‍സെലേര്‍ മിത്തല്‍ ചെയര്‍മാനും സിഇഒയുമായ ലക്ഷ്മി മിത്തല്‍, ടാറ്റ മുന്‍ ചെയര്‍മാന്‍ രത്തന്‍ ടാറ്റ, സണ്‍ മൈക്രോസിസ്റ്റംസ് സഹസ്ഥാപകന്‍ വിനോദ് ഖോസ്ല എന്നിവരാണ് പട്ടികയില്‍ ഇടം നേടിയിരിക്കുന്നത്. യുഎസ് പ്രസിഡന്റ് ഡൊണാള്‍ഡ് ട്രംപും ഫോബ്സിന്റെ ഈ പ്രത്യേക പട്ടികയില്‍ ഇടം പിടിച്ചിട്ടുണ്ട്.
ഫോബ്സ് മാസിക പുറത്തിറക്കിയതിന്റെ 100-ാം വാര്‍ഷികാഘോഷങ്ങളുടെ ഭാഗമായാണ് ഇത്തരത്തിലൊരു പട്ടിക തയ്യറാക്കിയത്. ആമസോണ്‍ സ്ഥാപകന്‍ ജെഫ് ബെസോസ്, വിര്‍ജിന്‍ ഗ്രൂപ്പ് സ്ഥാപകന്‍ റിച്ചാര്‍ഡ് ബ്രാന്‍സണ്‍, ബെര്‍ക്ക്ഷൈര്‍ ഹാതാവെ സിഇഒ വാറണ്‍ ബഫറ്റ്, മൈക്രോസോഫ്റ്റ് സഹസ്ഥാപകന്‍ ബില്‍ ഗേറ്റ്സ്, ന്യൂസ് കോര്‍പ്പ് എക്സിക്യൂട്ടിവ് ചെയര്‍മാന്‍ റുപെര്‍ട്ട് മര്‍ഡോക്, ഫെയ്‌സ്ബുക്ക് സഹസ്ഥാപകന്‍ മാര്‍ക്ക് സുക്കര്‍ബെര്‍ഗ് എന്നിവരാണ് പട്ടികയില്‍ ഉള്‍പ്പെട്ടിട്ടുള്ള മറ്റ് പ്രമുഖര്‍.
https://www.facebook.com/Malayalivartha
