ഇന്നലെ മുഴുവൻ തിളക്കം ഇന്ന് മൊത്തം ഇളക്കം; സ്വർണ്ണ വില ഇന്ന് കുറഞ്ഞു
രണ്ടാം നരേന്ദ്ര മോദി സർക്കാരിൻറെ ആദ്യ ബജറ്റ് പ്രഖ്യാപനവുമായി ബന്ധപ്പെട്ടു സ്വർണ്ണത്തിന്റെ വില കുത്തനെ കൂടിയിരുന്നു. ഇന്നലെ രാവിലെ 25, 200 രൂപയില് ആരംഭിച്ച സ്വര്ണ്ണ വ്യാപാരം ബജറ്റ് പ്രഖ്യാപിച്ചതിന് പിന്നാലെ ഉച്ചയോടെ 25, 680 രൂപയായി ഉയർന്നു. എന്നാൽ സ്വർണത്തിന്റെ ഇന്നത്തെ വില ഒരുപാടു കുറഞ്ഞിരിക്കുന്നു. ഗ്രാമിന് 3,190 രൂപയും പവന് 25520 രൂപയുമാണ് സംസ്ഥാനത്തെ ഇന്നത്തെ സ്വര്ണ്ണ നിരക്ക്.
ഇന്നലെ കേന്ദ്ര ബജറ്റില് തീരുവ ഉയര്ത്തുവാന് സര്ക്കാര് തീരുമാനിച്ചിരുന്നു. അതിന് പിന്നാലെയാണ് സ്വര്ണ്ണത്തിന്റെ വില കുതിച്ചുയര്ന്നത്. എന്നാൽ അതേ വേഗത്തിൽ തന്നെ ഇന്ന് വില ഇടിഞ്ഞിരിക്കുന്നു. ഗ്രാമിനു 20 രൂപയും പവന് 160 രൂപയുമാണ് കുറഞ്ഞത്. ആഗോള വിപണിയിലും സ്വര്ണവിലയില് ഇന്ന് കുറവ് വന്നിട്ടുണ്ട്. അന്താരാഷ്ട്ര വിപണിയില് സ്വര്ണത്തിന് ട്രോയ് ഔണ്സിന് (31.1 ഗ്രാം) 1,399.15 ഡോളറാണ് ഇന്നത്തെ നിരക്ക്.
https://www.facebook.com/Malayalivartha