സംസ്ഥാനത്ത് സ്വര്‍ണവിലയില്‍ വീണ്ടും കുറവ്. പവന്റെ വില 160 രൂപ കുറഞ്ഞ് 36,560 രൂപയായി. ഗ്രാമിന്റെ വില 20 രൂപ കുറഞ്ഞ് 4570 രൂപയുമായി. 36,720 രൂപയായിരുന്നു കഴിഞ്ഞദിവസം പവന്റെ വില.

ആഗോള വിപണിയില്‍ സ്വര്‍ണവിലയില്‍ കാര്യമായമാറ്റമില്ല. സ്പോട് ഗോള്‍ഡ് വില 1,896 ഡോളര്‍ നിലവാരത്തിലാണ്. ആഗോള സമ്പദ്ഘടന മുന്നേറ്റം പ്രകടിപ്പിച്ചു തുടങ്ങിയതും ഡോളര്‍ മുന്നേറിയതുമാണ് സ്വര്‍ണവിലയെ പിടിച്ചുനിര്‍ത്തിയത്.

രാജ്യത്തെ കമ്മോഡിറ്റി വിപണിയായ എംസിഎക്സില്‍ പത്ത് ഗ്രാം 24 കാരറ്റ് സ്വര്‍ണത്തിന്റെ വില 0.25ശതമാനം കുറഞ്ഞ് 48,460 നിലവാരത്തിലെത്തി.