സംസ്ഥാനത്ത് സ്വര്‍ണവിലയില്‍ നേരിയ ഇടിവ്... പവന് 120 രൂപ കുറഞ്ഞു. കഴിഞ്ഞ രണ്ട് ദിവസം കൊണ്ട് മാത്രം 640 രൂപയുടെ വര്‍ദ്ധനവാണ് സ്വര്‍ണത്തിനുണ്ടായത്.

എന്നാല്‍ ഇന്നത്തെ വില ചെറിയൊരു ആശ്വാസമായിരിക്കുകയാണ്. ഇന്ന് പവന് 120 രൂപയാണ് കുറഞ്ഞത്. ഇതോടെ വീണ്ടും സ്വര്‍ണം 44000 രൂപയ്ക്ക് താഴെ എത്തി. ഇന്ന് വിപണിയിലെ പവന്‍ വില 43,880 രൂപയാണ്.

22 കാരറ്റ് സ്വര്‍ണത്തിന് ഗ്രാമിന് 15 രൂപയാണ് കുറഞ്ഞത്. ഇതോടെ ഗ്രാം വില 5485യായി. അതേസമയം വെള്ളി വിലയില്‍ ഇന്ന് മാറ്റമില്ല. സാധാരണ വെള്ളി ഗ്രാമിന് 76ല്‍ തുടരുന്നു. ഹാള്‍മാര്‍ക്ക് വെള്ളി ഗ്രാമിന് 90 രൂപയാണ് വില.