സംസ്ഥാനത്ത് ഇന്ന് സ്വർണവിലയിൽ മാറ്റമില്ല. 1,09,680 രൂപയാണ് ഒരു പവൻ സ്വർണത്തിന്റെ വില. ഗ്രാമിന് 13,710 രൂപ നൽകണം. നികുതിയും പണിക്കൂലിയും കൂടി ചേരുമ്പോൾ വില ഇനിയും വർദ്ധിക്കും.

ഡോളർ ശക്തിയാർജ്ജിച്ചതും അമേരിക്കൻ ട്രഷറി ബോണ്ട് യീൽഡ് ഉയർന്നതും അടക്കമുള്ള വിഷയങ്ങളാണ് വിപണിയെ സ്വാധീനിക്കുന്നത്. കൂടാതെ പലിശനിരക്ക് വർധിപ്പിക്കുന്നത് സംബന്ധിച്ച് അമേരിക്കൻ കേന്ദ്രബാങ്ക് നേതൃത്വത്തിൽ നിലനിൽക്കുന്ന അഭിപ്രായഭിന്നതകളും സ്വർണവിലയിൽ പ്രതിഫലിക്കുന്നുണ്ട്.

ഒരുവിഭാഗം പലിശനിരക്ക് വർധിപ്പിക്കണമെന്ന് വാദിക്കുമ്പോൾ പലിശനിരക്കിൽ മാറ്റം വരുത്തരുതെന്നാണ് മറുപക്ഷത്തിന്റെ അഭിപ്രായം. ഇതിന് പുറമേ എണ്ണവിലയും സ്വർണവിലയെ സ്വാധീനിക്കുന്നു.

അതേസമയം ജനുവരി 29ന് രേഖപ്പെടുത്തിയ 1,31,160 രൂപയാണ് സ്വർണ വിലയിലെ റെക്കോർഡ്.