ഗ്രീൻ ഗോൾഡ് ആനിമേഷൻ തങ്ങളുടെ പ്രശസ്‌തമായ 'ചോട്ടാ ഭീം' കഥാപാത്രത്തെ ആസ്‌പദമാക്കി പ്രമുഖ സ്റ്റേഷനറി ബ്രാൻഡായ ഫാബർ-കാസ്റ്റൽ ഇന്ത്യയുമായി ലൈസൻസിംഗ് കരാറിൽ ഒപ്പു വെച്ചു. കുട്ടികൾക്കായി വാട്ടർ കളറുകൾ, ക്രയോണുകൾ, സ്കെച്ച് പെന്നുകൾ തുടങ്ങി വിവിധതരം പഠന-കലാ ഉൽപ്പന്നങ്ങൾ ഈ കൂട്ടുകെട്ടിലൂടെ വിപണിയിലെത്തും.

ഹൈദരാബാദ് ആസ്ഥാനമായുള്ള ഗ്രീൻ ഗോൾഡ് ആനിമേഷൻ, ചോട്ടാ ഭീമിനെ വെറും ഒരു ടെലിവിഷൻ കഥാപാത്രമെന്നതിലുപരി കുട്ടികളുടെ ക്രിയേറ്റീവ് മേഖലകളിലേക്കും എത്തിക്കുക എന്ന ലക്ഷ്യത്തോടെയാണ് ഈ പങ്കാളിത്തം പ്രഖ്യാപിച്ചത്. വരും മാസങ്ങളിൽ കൂടുതൽ ഉൽപ്പന്നങ്ങൾ ഈ ശ്രേണിയിൽ പുറത്തിറക്കുമെന്ന് ഇരു കമ്പനികളും അറിയിച്ചു.