രാജ്യത്ത് പ്ലാസ്റ്റിക് നിരോധനം നടപ്പിലാക്കാൻ ഒരുങ്ങുകയാണ് കേന്ദ്ര സര്‍ക്കാര്‍. 75മൈക്രോണില്‍ കുറഞ്ഞ പ്ലാസ്റ്റിക് നിരോധനം ഏർപ്പെടുത്തും . രണ്ട് ഘട്ടമായിട്ടായിരിക്കും നിരോധനം നടത്തുന്നത് . ആദ്യ ഘട്ടം സെപ്റ്റംബര്‍ 30 ന് തുടങ്ങും.

എന്നാൽ ഈ തീരുമാനം ഏതൊക്കെ ഉല്‍പ്പന്നങ്ങളെ ബാധിക്കുമെന്നത് വളരെ വലിയ സംശയമായി നിലനിൽക്കുന്നു.നിരോധനം കര്‍ശനമാക്കുന്ന ഉല്‍പ്പന്നങ്ങൾ ഏതൊക്കെയാണെന്നും സര്‍ക്കാര്‍ പുറപ്പെടുവിച്ച മാര്‍ഗ നിര്‍ദേശങ്ങൾ എന്തൊക്കെയാണെന്ന് നോക്കാം.

2022 ജൂലൈ മുതല്‍ ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്‍പ്പന്നങ്ങള്‍ക്കെല്ലാം പൂര്‍ണ നിരോധനം ഏർപ്പെടുത്തും . പ്ലാസ്റ്റിക് പ്‌ളേറ്റ്, കപ്പ്, ഗ്‌ളാസ്, ട്രേ, വിവിധ ഉല്‍പ്പന്നങ്ങളുടെ കവറുകള്‍ നിരോധിക്കും.

കേന്ദ്രസര്‍ക്കാര്‍ പുറത്തിറക്കിയ ഏറ്റവും പുതിയ വിജ്ഞാപനത്തില്‍ നിരവധി കാര്യങ്ങൾ പറയുന്നുണ്ട്.വര്‍ഷം ജൂലൈ 1 മുതല്‍ 120 മൈക്രോണില്‍ കുറഞ്ഞ ഉല്‍പ്പന്നങ്ങള്‍ ഉല്‍പാദിപ്പിക്കാനോ ഉപയോഗിക്കാനോ പാടില്ല .

ആദ്യ ഘട്ടത്തില്‍ 50 മൈക്രോണുള്ള പ്ലാസ്റ്റിക് ക്യാരിബാഗുകള്‍ നിരോധിക്കുമെന്നാണ്കേന്ദ്രപരിസ്ഥിതി മന്ത്രാലയം പുറത്തിറക്കിയ വിജ്ഞാപനത്തിൽ ചൂണ്ടിക്കാണിക്കുന്നത് . അടുത്ത വര്‍ഷം ഡിസംബര്‍ 31 മുതല്‍ 120 മൈക്രോണില്‍ത്താഴെയുള്ള പ്ലാസ്റ്റിക് ബാഗുകളും പൂര്‍ണമായും നിരോധിക്കാനുള്ള ഒരുക്കത്തിലാണ് സർക്കാർ .മാത്രമല്ല കുറഞ്ഞ മൈക്രോണിലുള്ള പ്ലാസ്റ്റിക് ഉപയോഗപ്പെടുത്തിയുള്ള ഉല്‍പ്പന്നങ്ങളുടെ നിര്‍മാണം, വിതരണം,വില്‍പ്പന, കയറ്റുമതി, സംഭരണം എന്നിവയ്ക്കും കൂച്ചുവിലങ്ങിടും.

ഐസ്‌ക്രീം പ്ലാസ്റ്റിക് സ്റ്റിക്കുകള്‍, പോളിസ്റ്റെറീന്‍ (തെര്‍മോകോള്‍) ഡെക്കറേഷന്‍, സ്‌ട്രോകള്‍, ബലൂണുകളിലെ പ്ലാസ്റ്റിക് കോര്‍ക്ക്, സ്റ്റിക്കുകള്‍, ഇയര്‍ ബഡ്‌സ്, പ്ലാസ്റ്റിക് പ്ലേറ്റുകള്‍, കപ്പുകള്‍, ഗ്ലാസ്സുകള്‍, ഫോര്‍ക്കുകള്‍, സ്പൂണുകള്‍, കത്തികള്‍, സിഗരറ്റ് പാക്കറ്റിലെ പ്ലാസ്റ്റിക്, കോഫി സ്റ്റിറിംഗ് സ്റ്റിക്, പുഡ്ഡിംഗിലും മറ്റും ഉപയോഗിക്കുന്ന കവറുകള്‍ , സ്‌ട്രോ, ട്രേ, മധുരപലഹാരങ്ങളില്‍ പൊതിയുന്ന കവറുകള്‍, ക്ഷണക്കത്തുകളിലെ പ്ലാസ്റ്റിക്, എന്നിവയോടൊപ്പം 100 മൈക്രോണില്‍ താഴെയുള്ള പ്ലാസ്റ്റിക് - പിവിസി ബാനറുകള്‍ എന്നിവയെല്ലാം നിരോധിക്കപ്പെട്ട വസ്തുക്കളുടെ കൂട്ടത്തിൽ ഉണ്ട്.

പുതിയ നിരോധനങ്ങൾ നിര്‍മാണമേഖലയില്‍ വലിയ മാറ്റങ്ങള്‍ വരുത്തുമെന്ന വലിയ പ്രതീക്ഷ നമുക്ക് മുന്നിലുണ്ട്. എന്നാൽ ചെറുകിട വ്യവസായികളെ ബാധിക്കാത്ത തരത്തിലാകും നിരോധന നടപടികളെന്ന് കേന്ദ്രവനം പരിസ്ഥിതി മന്ത്രാലയം നിർദ്ദേശിച്ചിരിക്കുന്നത് .

മാര്‍ച്ചില്‍ ഈ വിജ്ഞാപനത്തിന്റെ കരട് മന്ത്രാലയം പ്രസിദ്ധീകരിച്ചിരുന്നു.മൈക്രോണ്‍ പരിധി ഉയര്‍ത്തുന്നതോട്കൂടി റീസൈക്കിള്‍ ചെയ്യാവുന്ന പ്ലാസ്റ്റിക്കിന്റെ ഉത്പാദനം കൂട്ടാമെന്നാണ് കണക്ക് കൂട്ടല്‍. ഏതായാലും പുതിയ തീരുമാനം പരിസ്ഥിതിയെ സംബന്ധിച്ച വളരെയധികം പ്രയോജനപ്രദം തന്നെയാണ്.