സ്കൂട്ടർ യാത്രികനായ 55-കാരൻ ഥാർ ഇടിച്ച് കൊല്ലപ്പെട്ടു. സന്തോഷ് സിങ് ചൗഹാൻ ആണ് ദാരുണമായി കൊല്ലപ്പെട്ടത്. ഉത്തർപ്രദേശിലെ കാൺപൂരിൽ ആണ് സംഭവം. ഇടിച്ചുകയറിയ വാഹനം നിർത്താതെ സന്തോഷിന്റെ ശരീരവുമായി മീറ്ററുകളോളം മുന്നോട്ട് പാഞ്ഞു. അപകടത്തിന് തൊട്ടുപിന്നാലെ സ്കൂട്ടറിലെ സെൻസർ അയച്ച ഓട്ടോമേറ്റഡ് ക്രാഷ് അലേർട്ട് വഴി ലൊക്കേഷൻ ട്രാക്ക് ചെയ്ത് മകൻ എത്തിയപ്പോഴാണ് ക്രൂരത പുറംലോകമറിയുന്നത്. അപകടമുണ്ടാക്കിയ ശേഷം മറ്റൊരു കാറിൽ കയറി രക്ഷപ്പെട്ട 24-കാരിയായ യുവതി ഇപ്പോൾ പോലീസ് കസ്റ്റഡിയിലാണ്.