ഓഹരി വിപണിയില്‍ നേട്ടത്തോടെ തുടക്കം....സെന്‍സെക്‌സ് 1,000 പോയിന്റിലധികം അഥവാ 1.45 ശതമാനം ഉയര്‍ന്ന് 61,491.88ലും വ്യാപാരം

പ്രധാന സൂചികകളായ നിഫ്റ്റി 250 പോയിന്റ് ഉയര്‍ന്ന് 18,300 ലെവലിന് മുകളില്‍ വ്യാപാരം ആരംഭിച്ചു. സെന്‍സെക്‌സ് 52 ആഴ്ചയിലെ ഏറ്റവും ഉയര്‍ന്ന നിലവാരത്തിലാണ് ഉള്ളത്. ആദ്യ വ്യാപാരത്തില്‍ സെന്‍സെക്സില്‍ ഇന്‍ഫോസിസ്, വിപ്രോ, ടെക് മഹീന്ദ്ര, ടാറ്റ സ്റ്റീല്‍, എച്ച്‌സിഎല്‍ ടെക്‌നോളജീസ്, ഇന്‍ഡസ്ഇന്‍ഡ് ബാങ്ക് എന്നീ ഓഹരികള്‍ ഉയര്‍ന്നു.

നിഫ്റ്റി മിഡ്ക്യാപ്, നിഫ്റ്റി സ്മോള്‍ക്യാപ്പ് സൂചികകള്‍ ഒരു ശതമാനത്തിലധികം ഉയര്‍ന്നതോടെ ബ്രോഡര്‍ മാര്‍ക്കറ്റുകളും ഉയര്‍ന്നു. എല്ലാ മേഖലകള്‍ ഇന്ന് നേട്ടത്തിലാണ് വ്യാപാരം ആരംഭിച്ചത്.

നിഫ്റ്റി ഐടി സൂചികയാണ് ഏറ്റവും കൂടുതല്‍ നേട്ടമുണ്ടാക്കിയത്. മൂന്ന് ശതമാനത്തിലധികം നിഫ്റ്റി ഐടി സൂചിക ഉയര്‍ന്നു. 23-23 സാമ്പത്തിക വര്‍ഷത്തില്‍ കമ്പനിയുടെ അറ്റ നഷ്ടം 251 കോടി രൂപയായി കുറഞ്ഞതിനെത്തുടര്‍ന്ന് വ്യക്തിഗത ഓഹരികളില്‍, സോമാറ്റോയുടെ ഓഹരികള്‍ 7 ശതമാനത്തിലധികം ഉയര്‍ന്നു.



അതേസമയം, അദാനി ഗ്രീനിന്റെ ഓഹരികള്‍ 2 ശതമാനത്തിലധികം നേട്ടമുണ്ടാക്കി. കമ്പനിയുടെ ഏകീകൃത ലാഭം 49 ശതമാനം ഉയര്‍ന്ന് 149 കോടി രൂപയിലെത്തി.യു എസ് ഡോളറിനെതിരെ ഇന്ത്യന്‍ രൂപയുടെ മൂല്യം 7 ആഴ്ചയിലെ ഏറ്റവും ഉയര്‍ന്ന നിലയിലെത്തി. ഡോളറിനെതിരെ ഇന്ത്യന്‍ രൂപ 80.71 എന്ന നിരക്കിലാണ് ഇന്ന് വ്യാപാരം ആരംഭിച്ചത്.