തിരുവനന്തപുരം, എറണാകുളം, തൃശൂര്‍, കോഴിക്കോട് സര്‍ക്കാര്‍ ലോ കോളേജുകളിലും സംസ്ഥാന സര്‍ക്കാരുമായി സീറ്റ് പങ്കിടുന്ന സ്വകാര്യ സ്വാശ്രയ ലോ കോളേജുകളും നടത്തുന്ന 2016 -17ലെ ഇന്റഗ്രേറ്റഡ് പഞ്ചവല്‍സര എല്‍. എല്‍. ബി പ്രവേശന പരീക്ഷക്ക് അപേക്ഷിക്കാം. ആഗസ്റ്റ് 21ന് തിരുവനന്തപുരം, എറണാകുളം, തൃശൂര്‍, കോഴിക്കോട് എന്നീ കേന്ദ്രങ്ങളില്‍ വച്ചാണ് പരീക്ഷ. 

യോഗ്യത 45 ശതമാനം മാര്‍ക്കോടെ ഹയര്‍ സെക്കന്ററി / തത്തുല്യ പരീക്ഷ പാസായിരിക്കണം, എസ്. ഇ. ബി. സി വിഭാഗക്കാര്‍ക്ക് 42 ശതമാനം മാര്‍ക്കും, പട്ടികജാതി/പട്ടികവര്‍ഗ്ഗ വിഭാഗത്തിന് 40 ശതമാനം മാര്‍ക്കും മതിയാകും. ജനറല്‍/എസ്. ഇ. ബി. സി വിഭാഗക്കാര്‍ ആകെ മാര്‍ക്കിന്റെ 10 ശതമാനവും എസ്. സി/എസ്. ടി വിഭാഗക്കാര്‍ അഞ്ച് ശതമാനവും മാര്‍ക്ക് നേടിയിരിക്കണം. 

ഓഗസ്റ്റ് എട്ടാണ് അപേക്ഷകള്‍ സമര്‍പ്പിക്കേണ്ട അവസാന തീയതി. കൂടുതല്‍ വിവരങ്ങള്‍ www.cee.kerala.gov.in എന്നീ വെബ്‌സൈറ്റില്‍ ലഭ്യമാണ്.