ഇനി സര്ക്കാര് മെഡിക്കല് സീറ്റുകള് മാത്രം
സംസ്ഥാനത്തെ എല്ലാ മെഡിക്കല്, ഡെന്റല് കോളജുകളിലെയും മുഴുവന് എംബിബിഎസ്, ബിഡിഎസ് സീറ്റിലും സംസ്ഥാന സര്ക്കാര് നേരിട്ടു പ്രവേശനം നടത്തണമെന്നു കേന്ദ്ര നിര്ദേശം. ഇതിന്റെ അടിസ്ഥാനത്തില് മുഴുവന് സീറ്റിലും പ്രവേശനപ്പരീക്ഷാ കമ്മിഷണര് പ്രവേശനം നടത്തണമെന്ന് ആവശ്യപ്പെട്ട് ആരോഗ്യ പ്രിന്സിപ്പല് സെക്രട്ടറിക്കും പ്രവേശനപ്പരീക്ഷാ കമ്മിഷണര്ക്കും ജസ്റ്റിസ് ജെ.എം.ജയിംസ് കമ്മിറ്റി കത്തു നല്കി.
ഇത് മാനേജ്മെന്റ് സീറ്റില് പ്രവേശനം നടത്താനുള്ള മാനേജ്മെന്റുകളുടെ അവകാശം പൂര്ണമായും ഇല്ലാതാകും. ഇതുവരെ സ്വന്തം നിലയില് മുഴുവന് മെഡിക്കല് സീറ്റിലും പ്രവേശനം നടത്തിയിരുന്ന കല്പിത സര്വകലാശാലയോടു കേന്ദ്രനിര്ദേശം അനുസരിക്കണമെന്നു ജയിംസ് കമ്മിറ്റി രേഖാമൂലം ആവശ്യപ്പെടും.
കേന്ദ്ര നിയമ മന്ത്രാലയവുമായി ആലോചിച്ചശേഷമാണ് ഈ തീരുമാനമെന്നും എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലും ഇതു നടപ്പാക്കണമെന്നും കത്തില് പറയുന്നു. ഈ വര്ഷം കേരളത്തിലെ സര്ക്കാര്, സ്വാശ്രയ മെഡിക്കല് കോളജുകളിലെ മെറിറ്റ് സീറ്റില് കേരളം നടത്തിയ പ്രവേശന പരീക്ഷയുടെയും മാനേജ്മെന്റ്, എന്ആര്ഐ സീറ്റുകളില് ഏകീകൃത പ്രവേശന പരീക്ഷ(നീറ്റ്)യുടെയും അടിസ്ഥാനത്തിലാണു പ്രവേശനം.
https://www.facebook.com/Malayalivartha
