വിദ്യാര്‍ത്ഥികള്‍ക്ക് 2016-17 അദ്ധ്യയന വര്‍ഷത്തില്‍ നല്‍കുന്ന മെരിറ്റ് കം മീന്‍സ് സ്‌കോളര്‍ഷിപ്പിനുള്ള അപേക്ഷ ക്ഷണിച്ചു.അപേക്ഷകര്‍ ന്യൂന പക്ഷ സമുദായങ്ങളായ ക്രിസ്ത്യന്‍, മുസ്‌ലിം, സിക്ക് പാഴ്‌സി, ബുദ്ധ ജൈന സമുദായങ്ങളൊന്നില്‍പ്പെട്ടവരായിരിക്കണം. അപേക്ഷകര്‍ കേരള സംസ്ഥാനത്തില്‍ ജനിച്ചവരാകണം.
കേന്ദ്ര സര്‍ക്കാര്‍ അംഗീകരിച്ച പട്ടിക പ്രകാരമുള്ള ഏതെങ്കിലും സാങ്കേതിക പ്രൊഫഷണല്‍ കോഴ്‌സിന് പഠിക്കുന്ന ആളും. കുടുംബ വാര്‍ഷിക വരുമാനം 2.50 ലക്ഷം രൂപയില്‍ താഴെയായിരിക്കണം. ഹയര്‍ സെക്കന്ററി ബിരുദ തലത്തില്‍ അന്‍പതു ശതമാനം മാര്‍ക്ക് വാങ്ങിയിരിക്കണം. ഒന്നാം വര്‍ഷം പ്രൊഫഷണല്‍ ഡിഗ്രി തലത്തില്‍ പഠിക്കുന്നവര്‍ക്ക് +2 വിന് കിട്ടിയ മാര്‍ക്കിനെ അടിസ്ഥാനമാക്കിയാണ് സ്‌കോളര്‍ഷിപ്പ് നല്‍കുന്നത്.
അപേക്ഷകന്‍ ഇപ്പോള്‍ പഠിക്കുന്ന കോഴ്‌സിന് മറ്റ് യാതൊരുവിധ സ്‌കോളര്‍ഷിപ്പോ സ്‌റ്റൈപ്പന്റോ സ്വീകരിക്കുവാന്‍ പാടില്ല. അപേക്ഷകന് ഐ. എഫ്. എസ്. സി കോഡ് ഉള്ള ദേശസാര്‍കൃത ബാങ്കുകളില്‍ ഏതെങ്കിലും ഒന്നില്‍ സ്വന്തം പേരില്‍ ബാങ്ക് അക്കൗണ്ടും അധാര്‍ കാര്‍ഡും ഉണ്ടായിരിക്കണം.
സ്‌കോളര്‍ഷിപ്പ് സംബന്ധിച്ച വിശദ വിവരം National Scholarship Webportalആയ www.scholarship.gov.inല്‍ ലഭിക്കും.കൂടാതെ www.minorityaffairs.gov.in എന്ന ന്യൂനപക്ഷ ക്ഷേമ മന്ത്രാലയത്തിന്റെ വെബ്‌സൈറ്റിലും മെരിറ്റ്കംമീന്‍സ് സ്‌കോളര്‍ഷിപ്പിന് അപേക്ഷിക്കാനുള്ള ലിങ്ക് ലഭിക്കും. ഓണ്‍ലൈന്‍ അപേക്ഷകള്‍ മാത്രമേ പരിഗണിക്കുകയുള്ളൂ. കൂടുതല്‍ വിവരങ്ങള്‍ക്ക് 9497723630, 0471 2561411 എന്നീ നമ്പരുകളില്‍ ബന്ധപ്പെടാം.