ഈ ആഴ്ചയിലെ പ്രധാന തൊഴിൽ/ വിദ്യാഭ്യാസ അറിയിപ്പുകൾ
പരീക്ഷാ വിജ്ഞാപനം പ്രസിദ്ധീകരിച്ചു
ജൂലൈയില് നടക്കുന്ന കെ.ജി.ടി. (കൊമേഴ്സ് ഗ്രൂപ്പ്) പരീക്ഷ സംബന്ധിച്ച വിജ്ഞാപനം പരീക്ഷാഭവന് വെബ്സൈറ്റില് പ്രസിദ്ധീകരിച്ചു. ജൂലൈ രണ്ട് മുതല് 16 വരെ ഓണ്ലൈനായി അപേക്ഷിക്കാം. കൂടുതല് വിവരങ്ങള്ക്ക്
ഫെസിലിറ്റേറ്റർ നിയമനം
ജില്ലാ പഞ്ചായത്ത് പട്ടികവർഗ സങ്കേതങ്ങളിൽ നടപ്പാക്കുന്ന വനജ്യോതി രാത്രികാല പഠനക്ലാസ് പദ്ധതിക്കായി പാർട്ട് ടൈം ട്യൂട്ടർ കം ഫെസിലിറ്റേറ്ററെ താൽക്കാലികമായി നിയമിക്കുന്നു. പട്ടികവർഗ യുവതീ യുവാക്കൾക്ക് അപേക്ഷിക്കാം. പ്രായം 18-35. യോഗ്യത: ബി.എഡ്./ടി.ടി.സി. യോഗ്യരായവർ ഇല്ലെങ്കിൽ പ്ലസ് ടു, ബിരുദം, ബിരുദാനന്തരബിരുദമുള്ളവരെ പരിഗണിക്കും. ബയോഡേറ്റ, ജാതി, യോഗ്യത സർട്ടിഫിക്കറ്റുകൾ എന്നിവ സഹിതം ജൂലൈ 10ന് വൈകിട്ട് അഞ്ചിനകം അപേക്ഷ നെടുമങ്ങാട് ഐ.റ്റി.ഡി.പി. ഓഫീസിൽ നൽകണം.
കുറ്റിച്ചൽ പൊത്തോട്, കള്ളിക്കാട് വഌവെട്ടി, അമ്പൂരി തെച്ചല, കാരിക്കുഴി, പാങ്ങോട് വാഴോട്ടുകാല, പെരിങ്ങമ്മല പോട്ടോമാവ്, നന്ദിയോട് നീർപ്പാറ, പച്ചമല, വിതുര തച്ചരുകാല, ആലുംമൂട്, മണിതൂക്കി, തൊളിക്കോട് പൊൻപാറ, വിതുര മൊട്ടമൂട്, കല്ലുപാറ, ചെമ്പിക്കുന്ന്, കുറ്റിച്ചൽ കൈതോട് എന്നിവിടങ്ങളിലാണ് സങ്കേതങ്ങൾ പ്രവർത്തിക്കുന്നത്.
വിജ്ഞാൻവാടി മേൽനോട്ടം; അപേക്ഷ ക്ഷണിച്ചു
തിരുവനന്തപുരം കോർപറേഷനിൽ പട്ടികജാതി വകുപ്പിനു കീഴിൽ ഇളംപള്ളി, രാജാജി നഗർ, എം.എസ്. നഗർ, ചെല്ലമംഗലം എന്നിവിടങ്ങളിൽ പ്രവർത്തിക്കുന്ന വജ്ഞാൻവാടികളുടെ മേൽനോട്ട ചുമതല വഹിക്കുന്നതിന് പ്രദേശവാസികളായ പട്ടികജാതി വിഭാഗത്തിൽപ്പെട്ട യുവതീ യുവാക്കളിൽ നിന്ന് അപേക്ഷ ക്ഷണിച്ചു. കമ്പ്യൂട്ടർ പരിജ്ഞാനം വേണം. 5,000 രൂപ ഹോണറേറിയം ലഭിക്കും. വെള്ളപേപ്പറിൽ തയ്യാറാക്കിയ അപേക്ഷ യോഗ്യത സർട്ടിഫിക്കറ്റുകൾ സഹിതം ജൂലൈ 15 നകം തിരുവനന്തപുരം നഗരസഭാ പട്ടികജാതി വികസന ഓഫീസർക്ക് നൽകണം.
സൗജന്യ തൊഴിൽ പരിശീലനം.
ഡിഗ്രിക്ക് 55% മാർക്കിനുമുകളിലുള്ളവർക്ക് കേന്ദ്രഗവണ്മെന്റ് എൻ.എസ്.ഡി.സി.യും മുത്തൂറ്റ് ഫിൻകോർപ്പും സംയുക്തമായി സൗജന്യ തൊഴിൽ പരിശീലനം നൽകുന്നു. സർട്ടിഫിക്കറ്റും തുടർന്ന് ജോലിയും നേടുന്നതിനു സഹായകമായ ഈ തൊഴിൽ പരിശീലന പരിപാടിയിൽ പങ്കെടുക്കാൻ താൽപ്പര്യമുള്ളവർ താത്പര്യമുള്ളവർ തൊടുപുഴ ട്രോണിക്സ് ഇൻസ്റ്റിറ്റ്യൂട്ട് ഓഫ് എൻജിനീയറിങ് ഓഫീസുമായി ബന്ധപ്പെടുക..
https://www.facebook.com/Malayalivartha