രാഷ്ട്രീയ കെമിക്കൽസ് ആൻഡ് ഫെർട്ടിലൈസേഴ്‌സ്(ആർ.സി.എഫ്) ലിമിറ്റഡിൽ ഓപ്പറേറ്റർ ട്രെയിനി - 50 ഒഴിവ്
11 JULY 2018 12:00 PM IST
മലയാളി വാര്‍ത്ത
ഒരു കേന്ദ്ര സർക്കാർ ജോലിയാണോ നിങ്ങളുടെ ലക്ഷ്യം? എങ്കിൽ ഇതാ രാഷ്ട്രീയ കെമിക്കൽസിൽ 50 ഓപ്പറേറ്റർ ട്രെയിനി ഒഴിവുകൾ..
കേന്ദ്ര സർക്കാർ സ്ഥാപനമായ രാഷ്ട്രീയ കെമിക്കൽസ് ആൻഡ് ഫെർട്ടിലൈസേഴ്‌സ്(രാഷ്ട്രീയ കെമിക്കൽസ് ആൻഡ് ഫെർട്ടിലൈസേഴ്‌സ്(ആർ.സി.എഫ്) ലിമിറ്റഡിൽ ഓപ്പറേറ്റർ ട്രെയിനി - 50 ഒഴിവ് ) ലിമിറ്റഡ് ഓപ്പറേറ്റർ ട്രൈനികൾക്കായി അപേക്ഷകൾ ക്ഷണിച്ചിരിക്കുന്നു. മഹാരാഷ്ട്രയിലെ റായ്ഗഡ് ജില്ലയിലെ താൽ, മുംബൈയിലെ ചെമ്പൂർ/ട്രോംബെ എന്നിവുഡ്ആങ്ങളിൽ പ്രവർത്തിക്കുന്ന ഉത്പാദക യൂണിറ്റുകളിൽ 25 വീതമായി ആകെ 50 ഒഴിവുകൾ ആണ് ഉള്ളത്. ജനറൽ - 29 ഒ.ബി.സി - 13 എസ്.സി - 4 എസ്.ടി - 4 50 ശതമാനം മാർക്കോടെ കെമിസ്ട്രി ബിരുദം, ബിരുദതലത്തിൽ ഫിസിക്സ് ഒരു വിഷയമായി പഠിച്ചിരിക്കണം.അല്ലെങ്കിൽ 50 ശതമാനം മാർക്കോടെ കെമിക്കൽ എൻജിനീയറിങ് ഡിപ്ലോമ എന്നീ യോഗ്യതകൾ ഉണ്ടായിരിക്കണം. എസ്.സി,എസ്.ടി വിഭാഗക്കാർക്ക് 45 ശതമാനം മാർക്ക് മതിയാകും. പ്രായം 01.06.2018 ന് 27 വയസ്സിൽ കൂടരുത്. എസ്.സി,എസ്.ടി വിഭാഗക്കാർക്ക് അഞ്ചും ഒ.ബി.സിക്കാർക്ക് മൂന്നും വർഷ പ്രായ ഇളവ് ലഭിക്കും. എഴുത്തുപരീക്ഷ,ട്രേഡ് ടെസ്റ്റ്,വൈദ്യപരിശോധന എന്നിവയ്‌ക്കു ശേഷമായിരിക്കും യോഗ്യരായവരെ തിരഞ്ഞെടുക്കുക. മുംബൈ ആയിരിക്കും പരീക്ഷാകേന്ദ്രം. തിരഞ്ഞെടുക്കപ്പെടുന്നവർക്ക് ഒരു വർഷത്തെ പരിശീലനവും ഉണ്ടാകും.പരിശീലന കാലയളവിൽ 9000 രൂപ പ്രതിമാസ സ്റൈഫൻഡ്‌ ലഭിക്കും. താമസ സൗകര്യവും കമ്പനി ഏർപ്പെടുത്തും. പരിശീലനം വിജയകരമായി പൂർത്തിയക്കുന്നവർക്ക് 9300-21500 രൂപ ശമ്പളസ്കെയിലിൽ സ്ഥിരനിയമനം നൽകും. തുടക്കത്തിൽ 28430 രൂപ ശമ്പളം ലഭിക്കും. www.rcfltd.com എന്ന വെബ്സൈറ്റിലൂടെ ഓൺലൈനായാണ് അപേക്ഷിക്കേണ്ടത്. ജനറൽ/ഒ.ബി.സി. വിഭാഗക്കാരായ അപേക്ഷകർ 500 രൂപ രജിസ്ട്രേഷൻ ഫീസ് അടയ്ക്കണം. ഓൺലൈൻ ആയിവേണം ഫീസ് അടയ്ക്കാൻ. ഓൺലൈൻ അപേക്ഷയ്ക്കൊപ്പം 20 കെ.ബി - 50 കെ.ബി വലുപ്പമുള്ള പാസ്സ്പോർട്ട് സൈസ് കളർഫോട്ടോയും 10-20 കെ.ബി വലുപ്പമുള്ള കൈയൊപ്പിന്റെ പകർപ്പും അപ്‌ലോഡ് ചെയ്യണം. 50 കെ.ബി.യിൽ കൂടുതലുള്ള ഫോട്ടോകൾ ഉപയോഗിക്കരുത്. ഓൺലൈനിൽ അപേക്ഷാനടപടികൾ പൂർത്തിയാക്കിയാൽ ലഭിക്കുന്ന യൂണിക് ആപ്ലിക്കേഷൻ നമ്പർ എഴുതിവയ്ക്കണം.പൂരിപ്പിച്ച അപേക്ഷയുടെ പ്രിന്റ് ഔട്ട് എടുത്ത സൂക്ഷിക്കണം. ഓൺലൈൻ ടെസ്റ്റിനുവരുമ്പോൾ അപേക്ഷാഫോറത്തിന്റെ പ്രിന്റ് ഔട്ട്,അപേക്ഷാ ഫീസ് അടച്ചതിന്റെ റസിപ്റ്റ്, യോഗ്യതാ പരീക്ഷകളുടെ മാർക്ക് ലിസ്റ്റ്, സംവരണ വിഭാഗക്കാർ ജാതിസർട്ടിഫിക്കറ്റ് എന്നിവ കൊണ്ടുവരേണ്ടതാണ്. ഓൺലൈനിൽ അപേക്ഷിക്കുന്ന സമയത്ത് സംശയങ്ങൾ ഉണ്ടായാൽ operator2018@rcfltd.com എന്ന ഇമെയിൽ ഐഡിയിൽ ബന്ധപ്പെടാവുന്നതാണ്.താത്പര്യമുള്ളവർ ജൂലൈ 14 നു മുൻപായി അപേക്ഷിക്കുക. 2. ആദ്യ അവസരത്തിൽ സി.എ പാസ്സായോ? എങ്കിൽ നിങ്ങൾക്കുമാകാം സീനിയർ അക്കൗണ്ട്സ് ഓഫീസർ ന്യുഡൽഹി ആസ്ഥാനമായി സഹകരണമേഖലയിൽ പ്രവർത്തിക്കുന്ന ഇന്ത്യൻ ഫാർമേഴ്‌സ് ഫെർട്ടിലൈസർ കോ ഓപ്പറേറ്റീവ് ലിമിറ്റഡിൽ ഫിനാൻഷ്യൽ മാനേജ്മെന്റ് ട്രെയിനി/സീനിയർ അക്കൗണ്ട്സ് ഓഫീസർ ഒഴിവുകളിലേക്ക് നിങ്ങൾക്കും അപേക്ഷിക്കാം ഒരു വർഷത്തെ പരിശീലനം വിജയകരമായി പൂർത്തിയാക്കുന്നവർക്ക് സ്ഥിരനിയമനം നൽകും. ശമ്പളം 40,000 മുതൽ 65,500 രൂപ വരെ ആയിരിക്കും. യോഗ്യത : 60 ശതമാനം മാർക്കോടെ കൊമേഴ്സ് ബിരുദമുള്ള ചാർട്ടേഡ് അക്കൗണ്ടന്റ് ആയിരിക്കണം,ആദ്യ അവസരത്തിൽ തന്നെ സി.എ ജയിച്ചവർക്ക് മുൻഗണന. കമ്പനി സെക്രട്ടറി യോഗ്യത അധിക യോഗ്യതയായി പരിഗണിക്കുന്നതായിരിക്കും മാത്രമല്ല 3 വർഷത്തെ പ്രവൃത്തി പരിചയമുള്ളവരെ സീനിയർ അക്കൗണ്ട്സ് ഓഫീസർ ആയി നിയമിക്കും. പ്രായപരിധി 2018 ആഗസ്റ്റ് 1 നു 30 കവിയരുത്. എസ്.സി,എസ്.ടി.ക്കാർക്ക് 5 വർഷവും. ഒ.ബി.സി.ക്കാർക്ക് 3 വർഷവും ഉയർന്ന പ്രായത്തിൽ ഇളവ് അനുവദിക്കും. താത്പര്യമുള്ളവർ ജൂലൈ 15 നു മുൻപായി ഓൺലൈൻ അപേക്ഷ സമർപ്പിക്കുക. കൂടുതൽ വിവരങ്ങൾക് വെബ്‌സൈറ്റ് സന്ദർശിക്കുക. www.iffco.coop
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
