നേരിട്ടുള്ള അഭിമുഖവും നിയമനവും -അടുത്ത ആഴ്ചകളിൽ

എഴുകോണ്‍ സര്‍ക്കാര്‍ പോളിടെക്‌നിക്ക് കോളേജില്‍ ലക്ചറര്‍ തസ്തികകളില്‍ താത്കാലിക നിയമനം നടത്തുന്നതിനുള്ള അഭിമുഖം ജൂലൈ 16ന് നടക്കും.

ലക്ചറര്‍ മെക്കാനിക്കല്‍:

യോഗ്യത – ഒന്നാം ക്ലാസ് മെക്കാനിക്കല്‍ എഞ്ചിനീയറിംഗ് ബിരുദം.

ലക്ചറര്‍ കമ്പ്യൂട്ടര്‍ ഹാര്‍ഡ്‌വെയര്‍ എഞ്ചിനീയറിംഗ്:

യോഗ്യത – ഒന്നാം ക്ലാസ് കമ്പ്യൂട്ടര്‍ സയന്‍സ് ആന്റ് എഞ്ചിനീയറിംഗ് ബിരുദം.

താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റുകളുടെ അസലുമായി രാവിലെ 10ന് എത്തണം

............................................................................................................................................
റസിഡന്റ് ട്യൂട്ടര്‍

പട്ടികജാതി വികസന വകുപ്പിന്റെ കീഴില്‍ കണയന്നൂര്‍ താലൂക്ക് ഓഫീസിനു സമീപം പ്രവര്‍ത്തിക്കുന്ന പെണ്‍കുട്ടികള്‍ക്കായുളള പോസ്റ്റ് മെട്രിക് ഹോസ്റ്റലില്‍ റസിഡന്റ് ട്യൂട്ടറെ കരാര്‍ അടിസ്ഥാനത്തില്‍ നിയമിക്കുന്നതിന് പട്ടികജാതി വിഭാഗത്തില്‍പ്പെട്ട വനിതകളായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. ജില്ലയിലെ സര്‍ക്കാര്‍/എയ്ഡഡ് കോളേജുകളിലെയും അദ്ധ്യാപകര്‍ക്കും വിരമിച്ച കോളേജ് അദ്ധ്യപകര്‍ക്കും ബിരുദാനന്തര ബിരുദവും, ബി.എഡും ഉളളവര്‍ക്കും അപേക്ഷിക്കാം.

പ്രതിമാസ ഹോണറേറിയം 7500 രൂപ.

റസിഡന്റ് ട്യൂട്ടര്‍ ഹോസ്റ്റലില്‍ താമസിക്കേണ്ടതും കുട്ടികളുടെ വിദ്യാഭ്യാസ കാര്യങ്ങളിലും സ്ഥാപനത്തിന്റെ ഭരണപരമായ കാര്യങ്ങളിലും ചുമതല വഹിക്കണം. റസിഡന്റ് ട്യൂട്ടര്‍മാര്‍ക്ക് താമസസൗകര്യം ഹോസ്റ്റലില്‍ ഉണ്ടായിരിക്കും. വെളളക്കടലാസില്‍ തയാറാക്കിയ അപേക്ഷ, ജാതി, ജനന തീയതി, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസല്‍/സാക്ഷ്യപ്പെടുത്തിയ പകര്‍പ്പുകള്‍, നിലവില്‍ ജോലി ചെയ്യുന്നവരാണെങ്കില്‍ സ്ഥാപനധോവിയുടെ ശുപാര്‍ശ എന്നിവ സഹിതം അപേക്ഷകര്‍ ജില്ലാ പട്ടികജാതി വികസന ഓഫീസില്‍ ജൂലൈ 17-ന് രാവിലെ 10-ന് കൂടിക്കാഴ്ചയ്ക്ക് നേരിട്ട് ഹാജരാകണം.

കൂടുതല്‍ വിവരങ്ങള്‍ക്ക് ഫോണ്‍ 0484-242225

....................................................

പാലക്കാട് ഐ.ഐ.എം.എസില്‍ ഡയറക്ടര്‍ ഒഴിവ്
പട്ടികജാതി -പട്ടികവര്‍ഗ വികസന വകുപ്പിന്റെ കീഴില്‍ പാലക്കാട് പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഓഫ് ഇന്റഗ്രേറ്റഡ് മെഡിക്കല്‍ സയന്‍സില്‍ ഡയറക്ടര്‍ തസ്തികയിലേക്ക് അപേക്ഷ ക്ഷണിച്ചു.

സര്‍ക്കാര്‍ മെഡിക്കല്‍ കോളേജുകളില്‍ 15 വര്‍ഷത്തില്‍ കുറയാത്ത അധ്യാപന പരിചയം ഉള്ളവര്‍ക്കും സര്‍ക്കാര്‍ സര്‍വീസില്‍ 15 വര്‍ഷത്തില്‍ കുറയാത്ത മാനേജ്‌മെന്റില്‍ വൈദഗ്ധ്യം തെളിയിച്ച മെഡിക്കല്‍ ബിരുദധാരികള്‍ക്കും അപേക്ഷിക്കാം.

നിശ്ചിത മാതൃകയിലുളള അപേക്ഷ ആഗസ്റ്റ് 14 വൈകിട്ട് അഞ്ചിനു മുന്‍പ് ഡെപ്യൂട്ടി സെക്രട്ടറി എസ്.സി/എസ്.ടി ഡിഡി, ഗവണ്‍മെന്റ് സെക്രട്ടേറിയറ്റ്, എം.ജി റോഡ്, തിരുവനന്തപുരം, പിന്‍കോഡ് – 695001 എന്ന വിലാസത്തില്‍ ലഭിക്കണം.

വെബ്‌സൈറ്റ്: www.scdd.kerala.gov.in
........................

കൊല്ലം ജില്ലാ ഇന്‍ഫര്‍മേഷന്‍ ഓഫീസില്‍ പ്രിസം പദ്ധതി പ്രകാരം ഇന്‍ഫര്‍മേഷന്‍ അസിസ്റ്റന്റ് പാനലിലേക്ക് ഒരു വര്‍ഷത്തെ നിയമനത്തിന് കൊല്ലം ജില്ലയിലെ സ്ഥിരതാമസക്കാരില്‍നിന്നും അപേക്ഷ ക്ഷണിച്ചു.

യോഗ്യത: സര്‍വകലാശാലാ ബിരുദവും അംഗീകൃത സ്ഥാപനത്തില്‍ നിന്ന് ജേര്‍ണലിസം ഡിപ്ലോമയും. പി.ആര്‍.ഡിയുടെ മീഡിയ ലിസ്റ്റിലുള്ള മാധ്യമ സ്ഥാപനത്തില്‍ ഒരു വര്‍ഷത്തെ ജോലിപരിചയമുള്ളവര്‍ക്ക് മുന്‍ഗണന ലഭിക്കും. മലയാളം ടൈപ്പ് റൈറ്റിംഗ്, ഇന്റര്‍നെറ്റ് പരിജ്ഞാനം എന്നിവ ഉണ്ടായിരിക്കണം.
ഉയര്‍ന്ന പ്രായപരിധി 38 വയസ്. പ്രതിമാസ പരമാവധി വേതനം 14,000 രൂപ. ഒഴിവുകളുടെ എണ്ണം – ഒന്ന്. അപേക്ഷ സമര്‍പ്പിക്കേണ്ട അവസാന തീയതി ജൂലൈ 15. വിലാസം – ജില്ലാ ഇന്‍ഫര്‍മേഷന്‍ ഓഫീസ്, മൂന്നാം നില, സിവില്‍ സ്റ്റേഷന്‍ കൊല്ലം.

ഇ-മെയില്‍: prdkollam@gmail.com