ഉദ്യോഗാർത്ഥികൾക്കൊരു സന്തോഷവാർത്ത
12 JULY 2018 04:36 PM IST
മലയാളി വാര്ത്ത
തിരുവിതാംകൂർ ദേവസ്വം ബോർഡിൽ എൽ.ഡി ക്ലാർക്ക്/സബ് ഗ്രൂപ്പ് ഓഫീസർ ഗ്രേഡ്-2 തസ്തികയിലെ ഒഴിവുകൾ നിയമിക്കപ്പെടുന്നതിനു ഹിന്ദു മതത്തിൽപെട്ട ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചിരിക്കുന്നു.
1.കാറ്റഗറി നമ്പർ - 16/2018, എൽ.ടി ക്ലാർക്ക്/ സബ് ഗ്രൂപ്പ് ഓഫീസർ ഗ്രേഡ് -2 മൊത്തം 64 ഒഴിവുകളാണുള്ളത്. എസ്.എസ്.എൽ.സി അല്ലെങ്കിൽ തത്തുല്യ യോഗ്യത ഉണ്ടായിരിക്കണം. പ്രതിമാസ ശമ്പള നിരക്ക് 19000 മുതൽ 43600 വരെ ഉണ്ടായിരിക്കുന്നതാണ്. അപേക്ഷാ ഫീസ് 300 രൂപയാണ്. പട്ടികജാതി പട്ടിക വർഗ്ഗക്കാർക്ക് 200 രൂപ അടച്ചാൽ മതിയാകും. പ്രായപരിധി 18 നും 36 നും മധ്യേ ആയിരിക്കണം.ഉദ്യോഗാർത്ഥികൾ 02.01.1982 നും 01.01.2000 നും ഇടയിൽ ജനിച്ചവർ ആകണം. പട്ടികജാതി പട്ടിക വർഗ്ഗക്കാർക്കും മറ്റു പിന്നോക്ക സമുദായക്കാർക്കും നിയമാനുസൃത വയസ്സിളവ് ഉണ്ടായിരിക്കുന്നതാണ്. അപേക്ഷ സമർപ്പിക്കുന്നതിനും വിശദ വിവരങ്ങൾക്കും, www.kdrb.kerala.gov.in എന്ന ഔദ്യോഗിക വെബ്സൈറ്റ് സന്ദർശിക്കുക. ________________________________________ കെ. എഫ്. സി യിലേക്ക് നിയമനം. കേരള ഫിനാൻഷ്യൽ കോർപ്പറേഷൻ ഒഴിവുകളിലേക്ക് കോൺട്രാക്ട് അടിസ്ഥാനത്തിൽ ഉദ്യോഗാർത്ഥികളെ നിയമിക്കുന്നു. 1.മാർക്കറ്റിങ് എക്സിക്യൂട്ടീവ് നോട്ടിഫിക്കേഷൻ നമ്പർ KFC/1/2018-19 മാർക്കറ്റിങ് ഓഫ് ഫിനാൻഷ്യൽ പ്രോഡക്ട്/സർവീസസിൽ ബിരുദവും രണ്ടു വർഷത്തെ പ്രവൃത്തി പരിചയവുമാണ് യോഗ്യതകൾ. 30 വയസ്സിൽ കുറവുള്ള ഉദ്യോഗാർഥികൾക്ക് അപേക്ഷിക്കാവുന്നതാണ്. 2. മാർക്കറ്റിങ് ഓഫീസേഴ്സ് നോട്ടിഫിക്കേഷൻ നമ്പർ KFC/03/2018-19 റിട്ടേഡ് ബാങ്ക് എംപ്ലോയീസിന് അപേക്ഷിക്കാവുന്നതാണ്. പ്രായപരിധി 62 വയസ്. 1,2 തസ്തികകളിൽ അപേക്ഷിക്കുവാനുള്ള അവസാന തീയതി 25.07.2018 വൈകിട്ട് 5.00 മണി വരെയാണ്. 3.ഇന്റർണൽ ഓഡിറ്റേഴ്സ് നോട്ടിഫിക്കേഷൻ നമ്പർ KFC/2/2018-19 മൊത്തം 3 ഒഴിവുകളാണുള്ളത് . കോൺട്രാക്ട് അടിസ്ഥാനത്തിൽ ഒരു വർഷത്തേക്കാണ് നിയമനം. ഈ തസ്തികയിലേക്ക് അപേക്ഷ സമർപ്പിക്കേണ്ട അവസാന തീയതി 13.07.2018 ആണ്. താത്പര്യമുള്ള ഉദ്യോഗാർത്ഥികൾ ഓൺലൈനായി അപേക്ഷ സമർപ്പിക്കുക. കൂടുതൽ വിവരങ്ങൾക്ക് www.kfc.org എന്ന വെബ്സൈറ്റ് സന്ദർശിക്കുക. _______________________________________അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
