ബാങ്കിൽ ജോലി ആഗ്രഹിക്കുന്നവരുടെ ശ്രദ്ധക്ക് ....റിസർവ് ബാങ്ക് ഓഫ് ഇന്ത്യ 166 ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
റിസർവ് ബാങ്ക് ഓഫ് ഇന്ത്യ ഓഫീസർ തസ്തികകളിലെ 166 ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
ജനറൽ -127
ഡി.ഇ. പി.ആർ-22
ഡി.എസ്.ഐ.എം-17
എന്നിങ്ങനെയാണ് ഒഴിവുകൾ.
പരസ്യ നമ്പർ: 6A/2017-18
2018 ജൂലൈ 1 ന് 21നും 30 നും മധ്യേ പ്രായമുള്ളവരും.1988 ജൂലൈ 2 നും 1997 ജൂലൈ 1 നും ഇടയിൽ ജനിച്ചവർ ആകണം.
എസ്.സി,എസ്.ടി ക്കാർക്ക് 5 വർഷവും ഒ.ബി.സി ക്കാർക്ക് 3 വർഷവും അംഗപരിമിതർക്കചുരുങ്ങിയത് 10 വർഷവും,വിമുക്തഭടർക്ക് നിയമാനുസൃത ഇളവും ഉണ്ടായിരിക്കുന്നതാണ്.
1.ഓഫീസർ ( ഡി.ആർ.- ജനറൽ)
60 ശതമാനം മാർക്കോടെ ബിരുദം/തത്തുല്യം, പ്ലസ് ടു, എസ്.എസ്.എൽ.സി(എസ്.ടി/എസ്.സി /അംഗപരിമിതർക്ക് 50 ശതമാനം മാർക്ക് മതി)എന്നിവയാണ് യോഗ്യത.
2.ഓഫീസർ (ഡി.ആർ.-ഡി.ഇ. പി.ആർ)
ഇക്കണോമിക്സ്/ ഇക്കാനോമെട്രിക്സ്/ക്വാൻഡിറ്റേറ്റിവ് ഇക്കണോമിക്സ്/ മാത്തമാറ്റിക്കൽ ഇക്കണോമിക്സ്/ഇന്റഗ്രേറ്റഡ് ഇക്കണോമിക്സ്/ഫിനാൻസിൽ 55 ശതമാനം മാർക്കോടെ ബിരുദാനന്തരബിരുദം/തത്തുല്യം. എസ്.സി,എസ്.ടി, അംഗപരിമിതർക്ക് 50 ശതമാനം മാർക്ക്മതി. ഇക്കണോമിക്സിൽ ഡോക്ടറേറ്റ്/അധ്യാപന പരിചയം/ഉന്നത നിലവാരമുള്ള ജേണലുകൾ പ്രസിദ്ധീകരിച്ച ലേഖനങ്ങൾ എന്നിവ അധിക യോഗ്യതയായി പരിഗണിക്കും. എം.ഫിൽ/ഡോക്ടറേറ്റ് എന്നിവയുള്ളവർക്ക് രണ്ടുമുതൽ നാലുവരെ വർഷം ഉയർന്ന പ്രായത്തിൽ ഇളവ് അനുവദിക്കും.
3. ഓഫീസർ (ഡി.ആർ.-ഡി.എസ്.ഐ.എം)
സ്റ്റാറ്റിസ്റ്റിക്സ്/മാത്തമാറ്റിക്കൽ സ്റ്റാറ്റിസ്റ്റിക്സ്/മാത്തമാറ്റിക്കൽ ഇക്കണോമിക്സ്/ഇക്കാനോമെട്രിക്സ്/ഐ.ഐ.ടി ഖരക്പുരിൽനിന്നുള്ള സ്റ്റാറ്റിസ്റ്റിക്സ് ആൻഡ് ഇൻഫർമാറ്റിക്സ് എന്നിവയിലേതിലെങ്കിലും 55 ശതമാനം മാർക്കോടെ ബിരുദാനന്തര ബിരുദം/തത്തുല്യം. അല്ലെങ്കിൽ 55 ശതമാനം മാർക്കോടെ മാത്തമാറ്റിക്സിൽ ബിരുദാനന്തരബിരുദവും,സ്റ്റാറ്റിസ്റ്റിക്സിലോ അനുബന്ധ വിഷയത്തിലോ ഒരു വർഷത്തെ പി.ജി ഡിപ്ലോമയും,അല്ലെങ്ങിയ ഇന്ത്യൻ സ്റ്റാറ്റിസ്റ്റിക്കൽ ഇൻസ്റ്റിറ്റ്യൂട്ടിൽ നിന്ന് 55 ശതമാനം മാർക്കോടെ എം.സ്റ്റാറ്റ് ബിരുദം.അല്ലെങ്കിൽ ഐ.എസ്.ഐ. കോൾക്കാത്തയും ഐ.ഐ.ടി ഖരക്പൂരും ഐ.ഐ.എം.കൽക്കത്ത യും സംയുക്തമായി നൽകുന്ന പി.ജി. ഡിപ്ലോമ ഇൻ ബിസിനസ്സ് അനലറ്റിക്സിൽ 55 ശതമാനം മാർക്കോടെയുള്ള വിജയം.
എസ്.സി,എസ്.ടി,അംഗപരിമിതർ എന്നീ വിഭാഗക്കാർക്ക് 50 ശതമാനം മാർക്ക് മതിയാകും.
നിർദിഷ്ട വിഷയത്തിലുള്ള ഡോക്ടറേറ്റ്, ഗവേഷണപരിചയം,അധ്യാപനപരിചയം എന്നിവ അധിക യോഗ്യതയായി പരിഗണിക്കും.
2-4 വർഷത്തെ വയസ്സിളവിനും പരിഗണിക്കും. മാർക്ക് കണക്കാക്കുന്നത് എല്ലാവർഷത്തെയും/സെമസ്റ്ററിന്റെയും മാർക്ക് മൊത്തമായി പരിഗണിച്ചാണ്.
റിസർവ് ബാങ്ക് ഓഫീസർ ഗ്രേഡ് ബി തസ്തികയ്ക്ക് നേരത്തെ ആറു തവണ അപേക്ഷിച്ച ഒന്നാം ഘട്ട പരീക്ഷ എഴുതിയവർ ഇനി അപേക്ഷിക്കാൻ അർഹരല്ല.
എസ്.സി.,എസ്.ടി., ഒ.ബി.സി. അംഗപരിമിതർ എന്നിവർക്ക് അവർക്ക് സംവരണം ചെയ്തിരിക്കുന്ന ഒഴിവുകളിലേക്ക് പരിഗണിക്കാൻ ഈ നിബന്ധന ബാധകമല്ല.
രണ്ട് ഘട്ട പരീക്ഷ ഇന്റർവ്യൂ എന്നിവയിലൂടെയാണ് തിരഞ്ഞെടുപ്പ്.
മൂന്ന് തസ്തികകളിലേക്കുള്ള ആദ്യ ഘട്ട ഓൺലൈൻ പരീക്ഷ ഓഗസ്റ് 16ന് നടക്കും.200 മാർക്കിന്റെ ഒബ്ജക്ടിവ് രീതിയിലുള്ളതാകും ഇത്.
ജനറൽ അവയർനസ്,ഇംഗ്ലീഷ് ഭാഷ,ക്വാണ്ടിറ്റേറ്റിവ് ആപ്റ്റിറ്റ്യുഡ്,റീസണിങ് എന്നിവയിൽ നിന്നായിരിക്കും ചോദ്യങ്ങൾ.
സമയ ദൈർഘ്യം രണ്ടുമണിക്കൂർ ആണ്. ഒന്നാം ഘട്ട പരീക്ഷ ജയിക്കുന്നവർക്കാണ് രണ്ടാം ഘട്ട പരീക്ഷ.വിശദമായ സിലബസ് വെബ്സൈറ്റിൽ ലഭിക്കും.
ഒന്നാം ഘട്ട ഓൺലൈൻ പരീക്ഷയ്ക്ക് ;തിരുവനന്തപുരം, കൊല്ലം,ആലപ്പുഴ,കോട്ടയം,കൊച്ചി,തൃശൂർ,പാലക്കാട്,മലപ്പുറം,കോഴിക്കോട്,കണ്ണൂർ എന്നിവിടങ്ങളാണ് കേരളത്തിലെ കേന്ദ്രങ്ങൾ. രണ്ടാം ഘട്ട പരീക്ഷയ്ക്ക് കൊച്ചിയും തിരുവനന്തപുരവും മാത്രമായിരിക്കും കേരളത്തിലെ കേന്ദ്രങ്ങൾ.
പരീക്ഷാ പരിശീലനം ആവശ്യമുള്ള എസ്.സി.,എസ്.ടി, ഒ.ബി.സി ,അംഗപരിമിതർ എന്നീ വിഭാഗക്കാർക്ക് റിസർവ് ബാങ്ക് സൗജന്യമായി കമ്പൈൻഡ് പ്രീ എകസാമിനേഷൻ ട്രെയിനിങ് സൗകര്യമൊരുക്കും.
കൂടുതൽ വിവരങ്ങൾ ആർ.ബി.ഐ. വെബ്സൈറ്റിൽ വിജ്ഞാപനത്തോടൊപ്പം നൽകിയിട്ടുണ്ട്.
അപേക്ഷാ ഫീസ് 850 രൂപയാണ്.
എസ്.സി,എസ്.ടി , അംഗപരിമിതർ എന്നിവർക്ക് 100 രൂപയുമാണ്.
ഫീസ് ഓൺലൈനായി അടയ്ക്കണം.ഇതിനുള്ള സൗകര്യം അപേക്ഷാസമായത് വെബ്സൈറ്റിൽ ലഭിക്കും.
അപേക്ഷ ; www.rbi.org.in>opportunities@RBI>Current Vacancies>Vacancies എന്ന വെബ്സൈറ്റ് ലിങ്കിൽ ഓൺലൈനായി അപേക്ഷ സമർപ്പിക്കണം.ഓൺലൈൻ അപേക്ഷയിൽ ഉദ്യോഗാർത്ഥിയുടെ പാസ്സ്പോർട്ട് സൈസ് ഫോട്ടോ (4.5×3.5 സെ. മീ) , ഒപ്പ്,ഇടത് തള്ളവിരൽ അടയാളം(ഇടത് തല്ല വിരൽ ഇല്ലാത്തവർ വലത്) എന്നിവ സ്കാൻ ചെയ്ത് അപ്ലോഡ് ചെയ്യാനായി തയ്യാറാക്കി വയ്ക്കണം. കൂടാതെ
I,_______(Name of the candidate) hereby declare that all the information submittedby me in the application form is correct,true and valid.I will present the supporting documents as and when required. എന്ന് സ്വന്തം കയ്യക്ഷരത്തിൽ എഴുതി സ്കാൻ ചെയ്ത് അപ്ലോഡ് ചെയ്യുകയും വേണം.
താത്പര്യമുള്ള ഉദ്യോഗാർത്ഥികൾ ജൂലൈ 23 നു മുൻപ് ഓൺലൈൻ അപേക്ഷ സമർപ്പിക്കുക.
കൂടുതൽ വിവരങ്ങൾക് വെബ്സൈറ്റ് സന്ദർശിക്കുക.
https://www.facebook.com/Malayalivartha