കൊച്ചിൻ ഷിപ്പ്യാഡിൽ കരാർ അടിസ്ഥാനത്തിൽ പ്രൊജക്ട് ഓഫീസർമാരെ നിയമിക്കുന്നതിന് അപേക്ഷകൾ ക്ഷണിച്ചിരിക്കുന്നു.

സീനിയർ പ്രോജക്ട് ഓഫീസർ തസ്തികയിൽ ആകെ 20 ഒഴിവുകളും പ്രോജക്ട് ഓഫീസർ തസ്തികയിൽ ആകെ 22 ഒഴിവുകളുമാണുള്ളത്.

അതിൽ തന്നെ സീനിയർ പ്രോജക്ട് ഓഫീസർ തസ്തികയിൽ മെക്കാനിക്കലിലേക്ക് 12 ഒഴിവുകളും ഇലക്ട്രിക്കലിലേക്ക് 4 ഒഴിവുകളും ഇലക്ട്രോണിക്സിലേക്ക് 2 ഒഴിവുകളും സിവിലിലേക്ക് 2 ഒഴിവുകളുമാണുള്ളത്.

അനുബന്ധ ട്രേഡിൽ 60 ശതമാനം മാർക്കോടെ എൻജിനീയറിങ് ബിരുദം നാലുവർഷത്തിൽ കുറയാത്ത പ്രവൃത്തിപരിചയം എന്നീ യോഗ്യതകൾ ഉണ്ടായിരിക്കേണ്ടതാണ്. ഈ തസ്തികയിലേക്കുള്ള പ്രായപരിധി 2018 ഏപ്രിൽ 30 നു 35 വയസ്സിൽ താഴെ ആയിരിക്കണം.

പോജക്ട് ഓഫീസർ തസ്തികയിൽ മെക്കാനിക്കലിലേക്ക് 10 ഒഴിവുകളും ഇലക്ട്രിക്കലിലേക്ക് 6 ഒഴിവുകളും ഇലക്ട്രോണിക്സിലേക്ക് 3 ഒഴിവുകളും സിവിലിൽ 2 ഒഴിവുകളും ഇൻസ്ട്രുമെന്റഷനിൽ ഒരു ഒഴിവുമാണുള്ളത്.
അനുബന്ധ ട്രേഡിൽ 60 ശതമാനം മാർക്കോടെയുള്ള എൻജിനീയറിങ് ബിരുദം,രണ്ടു വർഷത്തെ പ്രവൃത്തിപരിചയം എന്നീ യോഗ്യതകൾ ഉണ്ടായിരിക്കേണ്ടതാണ് .
ഈ തസ്തികയിലേക്കുള്ള പ്രായപരിധി 2018 ഏപ്രിൽ 30 നു 30 വയസ്സിൽ താഴെ ആയിരിക്കണം

ഉയർന്ന പ്രായപരിധിയിൽ എസ്.സി ,എസ്.ടി വിഭാഗക്കാർക്ക് 5 വർഷത്തെയും ഒ.ബി.സി ക്കാർക്ക് 3 വർഷത്തെയും അംഗപരിമിതർക്ക് 10 വർഷത്തെയും ഇളവ് ഉണ്ടായിരിക്കുന്നതാണ്.

സീനിയർ പ്രോജക്ട് ഓഫീസർമാരെ 3 വർഷത്തേക്കാണ് നിയമിക്കുക. ആദ്യത്തെ വർഷം പ്രതിമാസം 38,000 രൂപയും രണ്ടാം വർഷം പ്രതിമാസം 39,000 രൂപയും മൂന്നാം വർഷം പ്രതിമാസം 40,000 രൂപയും ആയിരിക്കും ശമ്പളമായി ലഭിക്കുക .
പ്രോജക്ട് ഓഫീസർമാരെ രണ്ട് വർഷത്തേക്കാണ് നിയമിക്കുക. ആദ്യത്തെ വർഷം പ്രതിമാസം 30,000 രൂപയും രണ്ടാമത്തെ വർഷം പ്രതിമാസം 31,000 രൂപയും ആയിരിക്കും ശമ്പളം.

താത്പര്യമുള്ള ഉദ്യോഗാർത്ഥികൾ അപേക്ഷാ ഫീസായ 200 രൂപ ഓൺലൈനായി അടയ്‌ക്കേണ്ടതാണ്. എസ്.ടി, എസ്.സി. വിഭാഗക്കാർക്കും അംഗപരിമിതർക്കും അപേക്ഷാ ഫീസ് ബാധകമല്ല.

ഉദ്യോഗാർത്ഥികൾ www.cochinshipyard.com എന്ന വെബ്സൈറ്റിലൂടെ ഓൺലൈനായി രജിസ്റ്റർ ചെയ്യേണ്ടതാണ് തുടർന്ന് അപേക്ഷയുടെ പ്രിന്റ് ഔട്ട് അനുബന്ധ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം
The Chief General Mananger (HR)
Cochin Shipyard Ltd
Perumanoor P O
Kochi - 682 015
എന്ന വിലാസത്തിൽ അയച്ചു നൽകണം.

അപേക്ഷാ കവറിന് പുറത്തു രജിസ്‌ട്രേഷൻ നമ്പർ രേഖപ്പെടുത്താൻ മറക്കരുത്. (Application to the post of Senior Project Officer (discipline )/ Project Officer (Discipline ) on contract basis , Registration Number ...........)

ഓൺലൈൻ രജിസ്‌ട്രേഷനുള്ള അവസാന തീയതി ഏപ്രിൽ 30 ആണ് ഹാർഡ് കോപ്പി സ്വീകരിക്കുന്ന അവസാന തീയതി മേയ് 4.