എയർ ഇന്ത്യയുടെ സബ്സിഡിയറി സ്ഥാപനമായ എയർ ഇന്ത്യ ട്രാൻസ്‌പോർട്ട് സർവീസസ് ലിമിറ്റഡ് കോയമ്പത്തൂർ,വിശാഖപട്ടണം വിമാനത്താവളങ്ങളിലെ വിവിധ തസ്തികകളിലേക്ക് അപേക്ഷകൾ ക്ഷണിച്ചിരുന്നു.
മൂന്നു വർഷത്തേക്കുള്ള കരാർ അടിസ്ഥാനത്തിലാകും നിയമനം ഉണ്ടാകുക.തത്സമയ അഭിമുഖം വഴിയാണ് നിയമനം.കൂടാതെ സ്ക്രീനിംഗ് എഴുത്തുപരീക്ഷ,ഗ്രൂപ്പ് ഡിസ്കഷൻ ,മെഡിക്കൽ പരിശോധന എന്നിവ ഇതിന്റെ ഭാഗമായി ഉണ്ടായിരിക്കുന്നതാണ്.

തസ്തികകളിലേക്ക് കോയമ്പത്തൂരിൽ 76 ഒഴിവുകളും വിശാഖപട്ടണത്ത് 89 ഒഴിവുകളുമാണുള്ളത്.

ഒഴിവുകൾ- കോയമ്പത്തൂർ : കസ്റ്റമർ ഏജൻറ്-42 , സീനിയർ റാംപ് സർവീസസ് ഏജൻറ്-4 ,റാംപ് സർവീസസ് ഏജൻറ്-4 , യൂട്ടിലിറ്റി സർവീസസ് ഏജൻറ്-4 , യൂട്ടിലിറ്റി ഏജൻറ് കം റാംപ് ഡ്രൈവർ - 4 , ഹാൻഡി മാൻ /ഹാൻഡി വുമൺ - 22 .
വിശാഖപട്ടണം : കസ്റ്റമർ ഏജൻറ് - 51, സീനിയർ റാംപ് സർവീസസ് ഏജൻറ്- 2 , യൂട്ടിലിറ്റി ഏജൻറ് കം റാംപ് ഡ്രൈവർ - 5 , ഹാൻഡി മാൻ /ഹാൻഡി വുമൺ - 26. എന്നിങ്ങനെയാണ് ഒഴിവുകൾ.

ഉയർന്ന പ്രായപരിധി 28 വയസാണ്.സംവരണ വിഭാഗക്കാർക്ക് ചട്ടപ്രകാരമുള്ള ഇളവുകൾ ഉണ്ടായിരിക്കുന്നതാണ്.
അപേക്ഷാഫീസ് 500 രൂപ;എസ്.സി. , എസ്.ടി. വിഭാഗത്തിനും വിമുക്ത ഭടർക്കും അപേക്ഷാ ഫീസ് ബാധകമല്ല.

അഭിമുഖം : കസ്റ്റമർ ഏജൻറ് തസ്തികയ്ക്ക് ഓഗസ്റ്റ് 3 നും ഹാൻഡി മാൻ /ഹാൻഡി വുമൺ തസ്തികയ്ക്ക് ഓഗസ്റ്റ് 4 നും മറ്റു തസ്തികകൾക്ക് ഓഗസ്റ്റ് 5 നും ആയിരിക്കും. അതത് സ്ഥലങ്ങളിലാണ് അഭിമുഖം നടത്തുക.പൂരിപ്പിച്ച അപേക്ഷാഫോമും ബന്ധപ്പെട്ട രേഖകളുടെ പകർപ്പും സഹിതമാണ് അഭിമുഖത്തിന് എത്തേണ്ടത്. അപേക്ഷാഫോമും വിശദവിവരങ്ങളും www.airindia.in എന്ന വെബ്സൈറ്റിൽ ലഭ്യമാണ്.

മേൽപ്പറഞ്ഞവ കൂടാതെ ഓഫീസർ തസ്തികകളിലെ 15 ഒഴിവുകളിലേക്കും എയർ ഇന്ത്യ അപേക്ഷ ക്ഷണിച്ചിട്ടുണ്ട്. ഓഫീസർ എച്.ആർ. ആൻഡ് ഐ.ആർ.,ഓഫീസർ അക്കൗണ്ട്സ് എന്നിവയിലേക്കാണ് നിയമനം. ഓഫീസർ എച്.ആർ. ആൻഡ് ഐ.ആർ. ൽ 7 ഒഴിവുകളും അക്കൗണ്ട്സ് ഓഫീസർ തസ്തികയിലേക്ക് 8 ഒഴിവുകളുമാണുള്ളത്. മുംബൈ,ഡൽഹി,കൊൽക്കത്ത, ചെന്നൈ കേന്ദ്രങ്ങളിലുള്ള ഈ ഒഴിവുകളിലേക്ക് ഓഗസ്റ്റ് 3 നകം അപേക്ഷ സമർപ്പിക്കേണ്ടതാണ്.ഇ മെയിൽ വഴിയാണ് അപേക്ഷിക്കേണ്ടത്.

വിശദ വിവരങ്ങൾക്ക് വെബ്സൈറ്റ് സന്ദർശിക്കുക.
www.airindia.in