സംസ്ഥാന പുരാവസ്തു വകുപ്പിൽ വിവിധ പ്രോജക്റ്റുകളിലേക്ക് താത്കാലിക അടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു.
പുരാവസ്തു പൊതുജന സമ്പർക്കത്തിലുള്ള സംവിധാനം ഏർപ്പെടുത്തുന്നതുമായി ബന്ധപ്പെട്ട എല്ലാ ജില്ലകളിലും ആർക്കിയോളജിക്കൽ കം അമിനിറ്റി സെൻററുകൾ സ്ഥാപിക്കുന്നതിനുള്ള പ്രോജെക്റ്റുകളിലേക്കാണ് നിയമനം ഉണ്ടായിരിക്കുക.

1. ഇൻഫർമേഷൻ കം വർക്ക് അസിസ്റ്റൻഡ്

ഈ തസ്തികയിലേക്ക് ഒരു ഒഴിവാണുള്ളത്. പ്രതിമാസ വേതനം 25000 രൂപ .
ആർക്കിയോളജി /മ്യുസിയോളജി ഹിസ്റ്ററി എന്നിവയിൽ ഏതെങ്കിലും വിഷയത്തിൽ ഏതെങ്കിലും അംഗീകൃത സർവകലാശാലയിൽ നിന്നുള്ള എം.എ.ബിരുദം അല്ലെങ്കിൽ പി.ജി. ഡിപ്ലോമ ഇൻ ആർക്കിയോളജി/ മ്യുസിയോളജി യോഗ്യതയുണ്ടാകണം. ആർക്കിയോളജി വകുപ്പിലോ ആർക്കിയോളജി / ഹിസ്റ്ററിയുമായി ബന്ധപ്പെട്ട സ്ഥാപനങ്ങളിലോ മ്യൂസിയങ്ങളിലോ ഒരു വർഷത്തിൽ കുറയാത്ത സേവന പരിചയം അനിവാര്യമാണ്. ഉയർന്ന പ്രായപരിധി 40 വയസ്സ്.

2. ഓഫീസ് അസിസ്റ്റൻഡ്

ഈ തസ്തികയിലേക്ക് ഒരു ഒഴിവാണുള്ളത്.പ്രതിമാസ വേതനം 19000 രൂപ.
അംഗീകൃത സർവകലാശാലയിൽ നിന്നുള്ള ബിരുദമാണ് യോഗ്യത.അംഗീകൃത സ്ഥാപനത്തിൽ നിന്നുള്ള ഡി.സി.എ. /സി.ഓ.പി.എ. സർട്ടിഫിക്കറ്റ് വേണം.ഓഫീസിൽ അസ്സിസ്റ്റൻഡ് ആയി ഒരു വർഷത്തെ പരിചയം അഭിലഷണീയം.ഉയർന്ന പ്രായപരിധി 40 വയസ്സ്.

3. ഡേ വാച്ചർ

ഈ തസ്തികയിലേക്ക് ഒരു ഒഴിവാണുള്ളത്.പ്രതിമാസ വേതനം 17000 രൂപ.
എസ്. എസ്.എൽ.സി. , സമാന ജോലിയിൽ ഒരു വർഷത്തെ പ്രവൃത്തിപരിചയം ഉണ്ടാകണം.ഉയർന്ന പ്രായപരിധി 40 വയസ്സ്.

4. നൈറ്റ് വാച്ചർ

ഈ തസ്തികയിലേക്ക് ഒരു ഒഴിവാണുള്ളത്.പ്രതിമാസ വേതനം 17000 രൂപ.
എസ്. എസ്.എൽ.സി. , സമാന ജോലിയിൽ ഒരു വർഷത്തെ പ്രവൃത്തിപരിചയം ഉണ്ടാകണം.ഉയർന്ന പ്രായപരിധി 40 വയസ്സ്.

5. ഫുൾടൈം സ്വീപ്പർ

ഈ തസ്തികയിലേക്ക് ഒരു ഒഴിവാണുള്ളത്. പ്രതിമാസ വേതനം 17000 രൂപ.
ഏഴാം ക്ലാസ് പാസ്സായിരിക്കണം . ഉയർന്ന പ്രായപരിധി 50 വയസ്സ്.

പുരാവസ്തു വകുപ്പിന്റെ കീഴിൽ പ്രവർത്തിക്കുന്ന റീജണൽ കൺസർവേഷൻ ലാബിന്റെ പ്രവർത്തനവുമായി
ബന്ധപ്പെട്ട് നടപ്പിലാക്കുന്ന മൊബൈൽ യൂണിറ്റ് ടു സപ്പോർട്ട് കൺസർവേഷൻ പ്രോജക്റ്റിലെ ഒഴിവുകൾ :

കൺസർവേഷൻ അസിസ്റ്റൻറ്

ഈ തസ്തികയിലേക്ക് ഒരു ഒഴിവാണുള്ളത്. പ്രതിമാസ വേതനം 25000 രൂപ.
കെമിസ്ട്രിയിൽ അംഗീകൃത സർവകലാശാല ബിരുദം വേണം. ആർട്ട് & ഒബ്ജക്റ്റ് കണ്സര്വേഷനിൽ മൂന്നാഴ്ചയിൽ കുറയാത്ത പരിശീലനം. സമാന മേഖലയിൽ മൂന്നു വർഷത്തിൽ കുറയാതെയുള്ള പ്രവൃത്തി പരിചയം ഉണ്ടായിരിക്കണം.ഉയർന്ന പ്രായപരിധി 40 വയസ്സ്.

വെള്ള പേപ്പറിൽ തയ്യാറാക്കിയ അപേക്ഷയും,ബയോഡാറ്റയും സ്വയം സാക്ഷ്യപ്പെടുത്തിയ സർട്ടിഫിക്കറ്റുകളുടെ പകർപ്പുകളും ജൂലൈ 28 നു വൈകിട്ട് 5 മണിക്ക് മുൻപ് ; ഡയറക്ടർ ,പുരാവസ്തു വകുപ്പ്,സുന്ദരവിലാസം കൊട്ടാരം ,ഫോർട്ട് പി. ഒ. ,തിരുവനന്തപുരം -23 എന്ന വിലാസത്തിൽ അയക്കുക.കവറിനു മുകളിൽ തസ്തികയുടെ പേര് എഴുതിയിട്ടുണ്ടാകണം.

ഫോൺ : 994783277,9496365625