തലശേരിയിലെ മലബാർ കാൻസർ സെന്ററിലെ വിവിധ വിഭാഗങ്ങളിൽ പോസ്റ്റ് ഡിഗ്രി ട്രെയിനികളാകാൻ അവസരം. ഫാർമസി,സ്റ്റെറിലൈസേഷൻ ടെക്‌നോളജി ഫോർ സി.എസ്.സി.എസ്.ഡി.,പേഷ്യൻറ് കെയർ അസിസ്റ്റൻഡ് വിഭാഗങ്ങളിലാണ് ഒഴിവുകൾ ഉള്ളത്.
മൂന്നു വിഭാഗത്തിലാണ് പരമാവധി 30 പേരെയാണ് തിരഞ്ഞെടുക്കുക

1. ഫാർമസി :
ഈ തസ്തികയിലേക്ക് 5 ഒഴിവുകളാണുള്ളത് .
യോഗ്യത : ബി.ഫാം.
സ്റ്റയിപെൻഡ് 12000 രൂപ ഉണ്ടായിരിക്കുന്നതാണ്.

2. സ്റ്റെറിലൈസേഷൻ ടെക്‌നോളജി ഫോർ സി.എസ്.സി.എസ്.ഡി.:
ഈ തസ്തികയിലേക്ക് 5 ഒഴിവുകളാണുള്ളത് .
യോഗ്യത : ഓപ്പറേഷൻ തീയറ്റർ ടെക്‌നോളജി/ എസ.സി.എസ.ഡി. ടെക്‌നോളജിയിൽ ഡിപ്ലോമ .അല്ലെങ്കിൽ ഓപ്പറേഷൻ തീയറ്റർ ടെക്‌നോളജി/ അനസ്‌തേഷ്യ ടെക്‌നോളജി / ഓപ്പറേഷൻ തീയറ്റർ - അനസ്‌തേഷ്യ ടെക്‌നോളജിയിൽ ബി.എസ്‌.സി.
സ്റ്റയ്പ്പൻഡ് 12000 രൂപ ഉണ്ടായിരിക്കുന്നതാണ്.

3. പേഷ്യൻറ് കെയർ അസിസ്റ്റൻഡ് :
ഈ തസ്തികയിലേക്ക് മൊത്തം 20 ഒഴിവുകളാണുള്ളത്.
യോഗ്യത : പ്ലസ്‌ടു വും നഴ്സിംഗ് അസിസ്റ്റൻഡ് സർട്ടിഫിക്കറ്റ് കോഴ്‌സ് / നഴ്സിംഗ് എയ്ഡ് ട്രെയിനിങ് കോഴ്സ് സർട്ടിഫിക്കറ്റ് / ഓക്സിലറി നേഴ്സ് മിഡ്‌വൈഫറി സർട്ടിഫിക്കറ്റും.
സ്റ്റയ്പ്പൻഡ് 10000 രൂപ ഉണ്ടായിരിക്കുന്നതാണ്.

വിശദ വിവരങ്ങൾക്ക് www.mcc.kerala.gov.in എന്ന വെബ്സൈറ്റ് സന്ദർശിക്കുക.
പ്രായം യോഗ്യത പരിചയം തുടങ്ങിയവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ ജൂലൈ 27 നു മുൻപ് കിട്ടത്തക്ക വിധം അയക്കുക.
വിലാസം : The Director
Malabar Cancer Centre
Muzhikkara P.O
Thalassery , Kerala - 670103

ഇത് കൂടാതെ മലബാർ കാൻസർ സെന്ററിൽ മറ്റ് ചില തസ്തികകളിലേക്കും അപേക്ഷകൾ ക്ഷണിച്ചിട്ടുണ്ട്. ജനറൽ റിക്രൂട്ട്മെന്റ് വിജ്ഞാപനവും എൻ.സി.എ. വിജ്ഞാപനവും ഇതിൽ ഉൾപ്പെടും.

മെഡിക്കൽ റെക്കോഡ്സ് അസിസ്റ്റൻഡ് ,ടെക്നിക്കൽ ക്ലിനിക്കൽ ലാബ് , നഴ്സിംഗ് സൂപ്രണ്ട് , എന്നീ തസ്തികകളിലേക്കാണ് ജനറൽ റിക്രൂട്ട്മെന്റ് . എൻ.സി.എ. വിജ്ഞാപനത്തിൽ നഴ്സിംഗ് അസിസ്റ്റൻഡ് (എൽ.സി. / എ.ഐ./ വിശ്വകർമ, മുസ്ലിം വിഭാഗക്കാർ ) ,സ്റ്റാഫ് നഴ്‌സ്‌ (ഹിന്ദു നാടാർ ) എന്നിവയാണുള്ളത്. ഓൺലൈനായി അപേക്ഷിക്കണം.

താത്പര്യമുള്ള ഉദ്യോഗാർത്ഥികൾ ഓഗസ്റ്റ് 10 നു മുൻപ് അപേക്ഷ സമർപ്പിക്കുക.
വിശദ വിവരങ്ങൾക്കും അപേക്ഷിക്കുന്നതിനും www.mcc.kerala.gov.in എന്ന വെബ്സൈറ്റ് സന്ദർശിക്കുക.