നന്നായി ഉറങ്ങാൻ
ഉറക്കം നമ്മുടെ ആരോഗ്യത്തെ നിയന്ത്രിക്കുന്ന ഒരു ഘടകമാണെന്ന് എല്ലാവർക്കും അറിയാം.പ്രായപൂര്ത്തിയായവര് പ്രതിദിനം ഏഴ് മണിക്കൂറും കൗമാരപ്രായക്കാര് പത്ത് മണിക്കൂറും ഉറങ്ങണമെന്നാണ് ആരോഗ്യവിദഗ്ധര് പറയുന്നത്. വേണ്ടത്ര ഉറങ്ങിയിലെലങ്കില് ക്ഷീണം മാത്രമല്ല ഹൃദയാഘാതം, പക്ഷാഘാതം, പ്രമേഹം, പൊണ്ണത്തടി, ലൈംഗികതാല്പ്പര്യമില്ലായ്മ, ഉയര്ന്ന രക്തസമ്മര്ദം, മാനസിക പിരിമുറുക്കം, ശ്രദ്ധയില്ലായ്മ മൂലമുള്ള അപകടങ്ങള് എന്നിവയ്ക്കെല്ലാം കാരണമാകും.
കിടക്കുന്നതിനു ഒരു മണിക്കൂര് മുമ്പ് എല്ലാ ജോലികളും തീര്ക്കുക. ടിവിയും മൊബൈല് ഫോണുമൊക്ക പോലും ആ ഒരു മണിക്കൂറില് ഉപയോഗിക്കാതിരിക്കുക. അത്യാവശ്യ വിളികള് വരാനില്ലാത്ത പക്ഷം മൊബൈല് ഫോണ് സൈലന്റ് മോഡിലാക്കി അലമാരയില് സൂക്ഷിക്കുക. പ്രകാശം ചൊരിയുന്ന ചാര്ജറുകള് ബെഡ്റൂമില് ഉപയോഗിക്കാതിരിക്കുക.ഉറക്കക്കുറവുള്ളവര് രാത്രിയില് കിടക്കാന് വൈകരുത്. കഴിവതും നേരത്തെ കിടക്കുന്നത് ശീലമാക്കുക. എല്ലാ ദിസവും ഒരേ സമയത്ത് ഉറങ്ങാന് പോകുക.
ഫാന് കറങ്ങുന്ന ശബ്ദം കേട്ടില്ലെങ്കില് ഉറക്കം വരില്ല ചിലര്ക്ക്. അതുപോലെ എന്തെങ്കിലുമൊരു ശബ്ദം ഉറങ്ങുമ്പോള് കേള്ക്കാന് അവര് ആഗ്രഹിക്കുന്നു. അത്തരക്കാര്ക്ക് ഉപയോഗിക്കാന് വൈറ്റ് നോയ്സ് എന്നൊരു സംഗതിയുണ്ട്. വൈറ്റ് നോയ്സ് മെഷീനുകള് ഓണ്ലൈന് ഷോപ്പിങ് സൈറ്റുകളില് ലഭ്യമാണ്. സ്മാര്ട്ട്ഫോണില് ഇന്സ്റ്റാല് ചെയ്യാവുന്ന വൈറ്റ് നോയ്സ് ആപ്ലിക്കേഷനുകളും ലഭ്യമാണ്.
https://www.facebook.com/Malayalivartha