നാവികസേനയുടെ ടെക്നിക്കൽ /എക്സിക്യൂട്ടീവ് /എൻ.എ.ഐ.സി.ബ്രാഞ്ചുകളിൽ ഷോർട്ട് സർവീസ് കമ്മിഷൻഡ് ഓഫീസർമാരാകാൻ എൻജിനീയറിങ് ബിരുദധാരികൾക്ക് അവസരം.

വിവിധ ബ്രാഞ്ചുകളിൽ നിന്നായി ആകെ 118 ഒഴിവുകളാണുള്ളത്.തസ്തികകളിലേക്ക് എൻജിനീയറിങ് അവസാന വർഷക്കാർക്കും അപേക്ഷിക്കാവുന്നതാണ്.
തിരഞ്ഞെടുക്കപെടുന്നവർക്കുള്ള പരിശീലനം 2019 ജൂണിൽ ഏഴിമലയിലെ ഇന്ത്യൻ നേവൽ അക്കാദമിയിൽ ആരംഭിക്കുന്നതായിരിക്കും.

യോഗ്യത: ബന്ധപ്പെട്ട വിഭാഗങ്ങളിൽ ഒന്നിൽ 60 ശതമാനം മാർക്കിൽ കുറയാതെ നേടിയ എൻജിനീയറിങ് ബിരുദക്കാർക്കും അവസാനവർഷക്കാർക്കും അപേക്ഷിക്കാവുന്നതാണ്.എക്സിക്യൂട്ടീവ് ബ്രാഞ്ചിൽ നേവൽ അർമന്റ് ഇൻസ്‌പെക്ഷൻ കേഡറിലേക്കും ടെക്നിക്കൽ ബ്രാഞ്ചിൽ നേവൽ ആർക്കിടെക്ച്ചർ വിഭാഗത്തിലേക്കും സ്ത്രീകൾക്ക് അപേക്ഷിക്കാവുന്നതാണ്.

പുരുഷന്മാർക്ക് മിനിമം ഉയരം 157 സെന്റിമീറ്ററും സ്ത്രീകൾക്ക് മിനിമം ഉയരം 152 സെന്റിമീറ്ററും ഉണ്ടായിരിക്കണം.

02.07.1994 നും 01.01.2000 നും ഇടയിൽ ജനിച്ചവർക്ക് തസ്തികകളിലേക്ക് അപേക്ഷിക്കാവുന്നതാണ്.(രണ്ടു തീയതികളും ഉൾപ്പെടെ )

പ്രതിമാസ ശമ്പളം 56100 മുതൽ 110700 രൂപവരെ ലഭിക്കുന്നതാണ് കൂടാതെ മറ്റ് ആനുകൂല്യങ്ങളും ഉണ്ടായിരിക്കും.സബ് ലെഫ്റ്റനന്റ് റാങ്കിലായിരിക്കും നിയമനം ഉണ്ടാകുക. കമാണ്ടർ പദവി വരെ ഉയരാവുന്ന തസ്തികയാണിത്.
2018 നവംബർ മുതൽ 2019 മാർച്ച് വരെ ബെംഗളൂരു , ഭോപ്പാൽ, കോയമ്പത്തൂർ ,വിശാഖപട്ടണം എന്നിവിടങ്ങളിലായാണ് ഇന്റർവ്യൂ ഉണ്ടായിരിക്കുക.കൂടാതെ വൈദ്യപരിശോധനയും ഉണ്ടായിരിക്കുന്നതാണ്.

ഉദ്യോഗാർത്ഥികൾ www.joinindiannavy.gov.in എന്ന വെബ്‌സൈറ്റ് വഴി ഓൺലൈൻ ആയാണ് അപേക്ഷിക്കേണ്ടത്. ഓൺലൈൻ അപേക്ഷയിൽ ഇതുവരെയുള്ള എല്ലാ സെമസ്റ്ററുകളുടെ മാർക്ക് ലിസ്റ്റുകളും മാറ്റ് യോഗ്യതാ സർട്ടിഫിക്കറ്റുകളും പാസ്പോർട്ട് സൈസ് ഫോട്ടോയും അപ്‌ലോഡ് ചെയ്യണം.ഒന്നിലധികം ബ്രാഞ്ചിലേക്ക് അപേക്ഷിക്കാൻ അർഹതയുള്ളർ അക്കാര്യം ഓൺലൈൻ അപേക്ഷയിൽ വ്യക്തമാക്കണം.ഇതിനായി വേറെ അപേക്ഷ അയയ്ക്കരുത്.

താത്പര്യമുള്ള ഉദ്യോഗാർത്ഥികൾ ഓഗസ്റ്റ് 24 ന് മുൻപ് ഓൺലൈനായി അപേക്ഷ സമർപ്പിക്കുക.

വിജ്ഞാപനത്തെ കുറിച്ചുള്ള വിശദ വിവരങ്ങൾക്ക്
www.joinindiannavy.gov.in