ഗള്‍ഫ് മലയാളികള്‍ ഉള്‍പ്പടെയുള്ള നഴ്‌സുമാര്‍ക്ക് യുകെയില്‍ നഴ്‌സായി ജോലി നേടാന്‍ അവസരം.
സെപ്റ്റംബര്‍ 7 നനും 8 നും ദുബായിലെ ഡീയറാ ക്രീകിലുള്ള റാഡിസണ്‍ ബ്ലൂ ഹോട്ടലില്‍ വച്ചായിരിക്കും അഭിമുഖം നടക്കുക.

ഐ ഇഎല്‍ ടി എസ് പരീക്ഷയോ ഒ ഇ റ്റി പരീക്ഷയോ പാസായ നഴ്‌സുമാര്‍ക്കാണ് യുകെയിലെ തന്നെ പേരുകേട്ട കേംബ്രിഡ്ജ് എം എച്ച്‌ എസ് അവസരമൊരുക്കുന്നത്. ഈ രണ്ട് യോഗ്യതാ പരീക്ഷക്ക് തയ്യാറെടുക്കുന്ന നഴ്‌സുമാര്‍ക്കും അപേക്ഷിക്കാവുന്നതാണ്. അഭിമുഖ പരീക്ഷയില്‍ വിജയിച്ചാല്‍ ആറ് മാസത്തിനൂള്ളില്‍ യോഗ്യത നേടിയാല്‍ മതിയാകുമെന്ന് കേംബ്രിഡ്ജ് എന്‍ എച്ച്‌ എസ് അറിയിച്ചിട്ടുണ്ട്. അഭിമുഖത്തില്‍ പങ്കെടുക്കുവാന്‍ താല്പര്യമുള്ള നഴ്‌സുമാര്‍ താഴെ കൊടുത്തിരിക്കുന്ന ഒ എന്‍ ടി ഗ്ലോബല്‍ഈ മെയില്‍ വിലാസത്തില്‍ ബയോഡേറ്റ അയച്ചു കൊടുക്കേണ്ടതാണ്.

ഗള്‍ഫിലോ നാട്ടിലോ ജനറല്‍ സര്‍ജറി വിഭാഗത്തിലോ, മെഡിസിന്‍, ന്യൂറോ സയന്‍സ്, ഓര്‍ത്തോപീഡിക്‌സ്, റീനല്‍ മെഡിസിന്‍,തുടങ്ങിയ ജനറല്‍ വിഭാഗത്തില്‍ ജോലി ചെയ്ത അനൂഭവ പരിചയമുള്ളവര്‍ക്ക് മുന്‍ഗണന ലഭിക്കുന്നതായിരിക്കും.
മറ്റ് വിഭാഗങ്ങളില്‍ അനുഭവ പരിചയമുള്ളവരെയും പരിഗണിക്കും. എന്നാല്‍ അവരുടെ ബയോഡേറ്റ കണ്ടതിന് ശേഷമാകും അഭിമുഖത്തിനായി തിരഞ്ഞെടുക്കുക. ഇന്റര്‍വ്യൂവും ഇംഗ്ലീഷ് പരീക്ഷയും പാസായാല്‍ ആറുമാസം മുതല്‍ എട്ട് മാസത്തിനകം യുകെയില്‍ എത്താം. ഈ സമയത്താണ് യുകെയിലെ നഴ്‌സിങ്ങ് ആന്റ് മിഡൈ്വഫറി കൗണ്‍സില്‍ രജിസ്ട്രേഷനുള്ള അപേക്ഷ സമര്‍പ്പിക്കേണ്ടത്. ഇന്റര്‍വ്യു പാസാകുന്ന നഴ്‌സുമാര്‍ക്ക് ഇതിനുള്ള മാര്‍ഗ്ഗ നിര്‍ദ്ദേശങ്ങള്‍ ഒ എന്‍ ടി ഗ്ലോബലില്‍ നിന്ന് ലഭ്യമാകുന്നതാണ്.

ഇംഗ്ലീഷ് യോഗ്യത നേടിക്കഴിഞ്ഞാല്‍ എന്‍ എം സിയില്‍ രജിസ്ട്രേഷനുള്ള പ്രാരംഭ നടപടികളാണ് ആദ്യം തുടങ്ങുന്നത്. അതിന് ശേഷം കമ്പ്യൂട്ടറൈസ്ഡ് ബേസിക് ടെസ്റ്റ് (CBT) എന്ന പരീക്ഷയ്ക്ക് അപേക്ഷിക്കണം. സിബിറ്റി എന്ന പേരില്‍ അറിയപ്പെടുന്ന ഈ ടെസ്റ്റിനൂള്ള പരിശീലനം ഒ എന്‍ ടി ഗ്ലോബല്‍ ഓണ്‍ലൈന്‍ കോഴ്‌സുവഴി നിങ്ങള്‍ക്ക് ലഭിക്കൂം. ഈ പരീക്ഷക്ക് ശേഷമാണ് ഫുള്‍ അസസ്സ്‌മെന്റിനായുള്ള അപേക്ഷ എന്‍ എം സിക്ക് നല്‍കേണ്ടത്.

ഈ അവസരത്തിലാണ് പ്രാക്റ്റിക്കല്‍ ടെസ്റ്റിനുള്ള അവസരം ലഭിക്കുക. മൂന്ന് തവണ ഇതിനു അവസരമുണ്ട്. അതിന് ശേഷം നിങ്ങള്‍ക്ക് എന്‍ എം സി പിന്‍ നമ്ബര്‍ നല്‍കുകയും 25 ലക്ഷം മുതല്‍ മുപ്പത്തിരണ്ട് ലക്ഷം രൂപവരെ വാര്‍ഷിക ശമ്പളത്തിൽ സ്ഥിര നിയമനം ലഭിക്കുകയും ചെയ്യും

.ഈ അവസരത്തില്‍ നിങ്ങള്‍ക്ക് ഫാമിലി വിസയ്ക്ക് അപേക്ഷിക്കാവുന്നതാണ്.

Interview Venue
Radisson Blu Hotel, Dubai Deira Creek
Baniyas Road, P.O.Box 476, Dubai United Arab Emirates Date: 7th and 8th September 2018