ഇന്ത്യൻ ഓയിൽ കോർപ്പറേഷൻ പാരാദ്വീപ് റിഫൈനറിയിൽ ജൂനിയർ എൻജിനീയറിങ് അസിസ്റ്റൻഡ് IV തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

മൊത്തം 40 ഒഴിവുകളാണുള്ളത്. പ്രൊഡക്ഷൻ ,മെക്കാനിക്കൽ, ഇൻസ്ട്രമെന്റഷൻ ,പി ആൻഡ് യു - ഓ ആൻഡ് എം വിഭാഗങ്ങളിലേക്കാണ് അവസരം ഉണ്ടായിരിക്കുക.

1.പ്രൊഡക്ഷൻ വിഭാഗത്തിലേക്ക് ജൂനിയർ എൻജിനീയറിങ് അസിസ്റ്റൻഡ് :
യോഗ്യത: കുറഞ്ഞത് 50 %മാർക്കോടെ കെമിക്കൽ/ റിഫൈനറി &പെട്രോകെമിക്കൽ എൻജിനീയറിങ്ങിൽ
ത്രിവത്സര ഡിപ്ലോമ അല്ലെങ്കിൽ ഫിസിക്സ്, മാത്‍സ്,കെമിസ്ട്രി,ഇഡസ്ട്രിയൽ കെമിസ്ട്രി
ഇവയിലെഏതെങ്കിലും ഒരു വിഭാഗത്തിൽ ബിഎസ്‌സി ബിരുദം.കൂടാതെ ഒരു വർഷത്തെ പ്രവൃത്തിപരിചയം
അനിവാര്യം.

2.പി ആൻഡ് യു -ഓ ആൻഡ് എം വിഭാഗത്തിലേക്ക് ജൂനിയർ എൻജിനീയറിങ് അസിസ്റ്റൻഡ് -IV :
യോഗ്യത : കുറഞ്ഞത് മൊത്തം 50 % മാർക്കോടെ ഇലക്ട്രിക്കൽ എൻജിനീയറിങ് ത്രിവത്സര ഡിപ്ലോമ.കൂടാതെ
ഒരു വർഷത്തെ യോഗ്യതാനന്തര പ്രവൃത്തിപരിചയം.

3.മെക്കാനിക്കൽ വിഭാഗത്തിലേക്ക് ജൂനിയർ എൻജിനീയറിങ് അസിസ്റ്റൻഡ് -IV / ജൂനിയർ ടെക്നിക്കൽ
അസിസ്റ്റൻഡ്:
യോഗ്യത : കുറഞ്ഞത് മൊത്തം 50 % മാർക്കോടെ മെക്കാനിക്കൽ എൻജിനീയറിങ്ങിൽ ത്രിവത്സര
ഡിപ്ലോമ.അല്ലെങ്കിൽ മെട്രിക്കുലേഷൻ വിജയവും ഫൈറ്റർ ട്രേഡിൽ ഐ.ടി.ഐ. വിജയവും.കൂടാതെ അനുബന്ധ
മേഖലയിൽ കുറഞ്ഞത് ഒരു വർഷത്തെ പ്രവൃത്തിപരിചയം അനിവാര്യം.

4.ഇൻസ്ട്രമെന്റഷൻ വിഭാഗത്തിലേക്ക് ജൂനിയർ എൻജിനീയറിങ് അസിസ്റ്റൻഡ് -IV / ജൂനിയർ ടെക്നിക്കൽ
അസിസ്റ്റൻഡ്:
യോഗ്യത : കുറഞ്ഞത് മൊത്തം 50 % മാർക്കോടെ ഇൻസ്ട്രമെന്റഷൻ അല്ലെങ്കിൽ ഇൻസ്ട്രമെന്റഷൻ ആൻഡ്
ഇലക്ട്രോണിക്സ് അല്ലെങ്കിൽ ഇൻസ്ട്രമെന്റഷൻ കൺട്രോൾ എൻജിനീയറിങ്ങിൽ ത്രിവത്സര ഡിപ്ലോമ.
കൂടാതെ ഒരു വർഷത്തെ പ്രവൃത്തിപരിചയം അനിവാര്യം.

എസ്.സി. / എസ്.ടി./ വിഭാഗക്കാർക്ക് 45% മാർക്ക് മതിയാകും.
പ്രായപരിധി 18 മുതൽ 26 വയസ്സുവരെയാണ്.യോഗ്യത പ്രായം എന്നിവ 2018 ജൂലൈ 31 അടിസ്ഥാനമാക്കി കണക്കാക്കുന്നതായിരിക്കും.ഉയർന്ന പ്രായത്തിൽ എസ്.സി. / എസ്.ടി ക്ക് അഞ്ചും ഒബിസി ക്ക് മൂന്നും വർഷത്തെ ഇളവ് ലഭിക്കും.
എഴുത്തുപരീക്ഷ ,ട്രേഡ് ടെസ്റ്റ് ,ഫിസിക്കൽ ടെസ്റ്റ് എന്നിവ അടിസ്ഥാനമാക്കിയാകും നടത്തുക.
ജനറൽ, ഒ.ബി.സി. വിഭാഗക്കാർക്ക് 150 രൂപയാണ് അപേക്ഷാ ഫീസ്.എസ്.ബി.ഐ. ഇ കളക്ട് വഴി ഫീസ് അടയ്‌ക്കേണ്ടതാണ്.

താത്പര്യമുള്ള ഉദ്യോഗാർത്ഥികൾ www.iocl.com എന്ന വെബ്സൈറ്റ് മുഖേന ഓൺലൈനായി അപേക്ഷ സമർപ്പിക്കാവുന്നതാണ്.ഓൺലൈൻ രജിസ്ട്രേഷനുശേഷം പൂരിപ്പിച്ച അപേക്ഷാ ഫോമിന്റെ പ്രിന്റൗട്ട് എടുത്ത് ബന്ധപ്പെട്ട രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം സാധാരണ തപാലിൽ ഓഗസ്റ്റ് 30 നു മുൻപായി ലഭിക്കത്തക്കവിധം താഴെ പറയുന്ന വിലാസത്തിൽ അയക്കുക.

വിലാസം: The Advertiser, General Post Office (GPO), Post Box. No. 145, Bhuvaneswar - 751 001

കൂടുതൽ വിവരങ്ങൾക്ക്
www.iocl.com