ഡിഫൻസ് റിസർച് ആൻഡ് ഡവലപ്മെന്റ് ഓർഗനൈസേഷനിൽ സീനിയർ ടെക്നിക്കൽ അസിസ്റ്റൻഡ് തസ്തികയിൽ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
മൊത്ത൦ 494 ഒഴിവുകളാണുള്ളത്.

അഗ്രിക്കൾച്ചർ,ഓട്ടോമൊബൈൽ എൻജിനീയറിങ്,ബോട്ടണി,കെമിക്കൽ എൻജിനീയറിങ്,കെമിസ്ട്രി,സിവിൽ എൻജിനീയറിങ്,കമ്പ്യൂട്ടർ സയൻസ്,ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്, ഇലക്ട്രിക്കൽ എൻജിനീയറിങ്,ഇലക്ട്രോണിക്സ് ആൻഡ് ഇൻസ്ട്രമെന്റഷൻ,ജിയോളജി,ഇൻസ്ട്രമെന്റഷൻ, ലൈബ്രറി സയൻസ്,മാത്തമാറ്റിക്സ്,മെക്കാനിക്കൽഎൻജിനീയറിങ്,മെറ്റലർജി,ഫോട്ടോഗ്രാഫി,ഫിസിക്സ്,സൈക്കോളജി,സുവോളജി, എന്നീ വിഷയങ്ങളിലാണ് അവസരം.

പരസ്യ നമ്പർ : CEPTAM-09/STA-B

സീനിയർ ടെക്നിക്കൽ അസിസ്റ്റൻഡ് ബി :
യോഗ്യത : അഗ്രിക്കൾച്ചർ,ബോട്ടണി,കെമിസ്ട്രി,ജിയോളജി,,മാത്തമാറ്റിക്സ്,ഫിസിക്സ്,സൈക്കോളജി,സുവോളജി എന്നീ വിഷയങ്ങളിലെ ഒഴിവുകളിലേക്ക് അപേക്ഷിക്കുന്നവർ അതത് വിഷയത്തിലോ അനുബന്ധ വിഷയത്തിലോ ബി.എസ്‌സി അല്ലെങ്കിൽ

ഓട്ടോമൊബൈൽ എൻജിനീയറിങ്,കെമിക്കൽ എൻജിനീയറിങ്,സിവിൽ എൻജിനീയറിങ്,,ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ്, ഇലക്ട്രിക്കൽ എൻജിനീയറിങ്,ഇലക്ട്രോണിക്സ് ആൻഡ് ഇൻസ്ട്രമെന്റഷൻ,ജിയോളജി,മെക്കാനിക്കൽഎൻജിനീയറിങ്,മെറ്റലർജി എന്നീ വിഷയങ്ങളിലെ ഒഴിവുകളിലേക്ക് അപേക്ഷിക്കുന്നവർ അതാത് വിഷയത്തിലോ അനുബന്ധ വിഷയത്തിലോ 3 വർഷത്തെ എൻജിനീയറിങ് ഡിപ്ലോമ ഉള്ളവരായിരിക്കണം.

കംപ്യുട്ടർ സയൻസ് വിഷയത്തിൽ
കംപ്യുട്ടർ സയൻസ് / എൻജിനീയറിങ്/ടെക്‌നോളജി/ഇൻഫർമേഷൻ ടെക്‌നോളജിയിൽ ബി എസ്‌സി / മൂന്നുവര്ഷ ഡിപ്ലോമ / DOEACC /BCA /MCA എന്നിവ കഴിഞ്ഞവരെ പരിഗണിക്കുന്നതായിരിക്കില്ല

ഇലക്ട്രോണിക്സ് അല്ലെങ്കിൽ ഇലക്ട്രോണിക്സ് ആൻഡ് കമ്മ്യൂണിക്കേഷൻ അല്ലെങ്കിൽ ഇലക്ട്രോണിക്സ് ആൻഡ് ടെലികമ്യൂണിക്കേഷൻ എൻജിനീയറിങ് ,ഇൻസ്ട്രമെന്റഷൻ,ഫോട്ടോഗ്രാഫി എന്നീ വിഷയങ്ങളിലെ ഒഴിവുകളിലേക്ക് അപേക്ഷിക്കുന്നവർ; അതാത് വിഷയത്തിലോ അനുബന്ധ വിഷയത്തിലോ ബിഎസ്‌സി അല്ലെങ്കിൽ മൂന്നുവർഷത്തെ ഡിപ്ലോമ ഉള്ളവരായിരിക്കണം.

ലൈബ്രറി സയൻസ് വിഷയത്തിൽ അപേക്ഷിക്കുന്നവർ ;സയൻസിൽ ബിരുദവും ലൈബ്രറി സയൻസിൽ ഒരു വർഷത്തെ ഡിപ്ലോമയും ഉള്ളവർ ആയിരിക്കണം.

പ്രായപരിധി 18 മുതൽ 28 വയസ്സ് വരെ; 2018 ഓഗസ്റ്റ് 29 കണക്കാക്കി പ്രായപരിധി നിശ്ചയിക്കും.
എസ്.സി. , എസ്.ടി., ഒബിസി , അംഗപരിമിതർ , വിമുക്തഭടർ എന്നിവർക്ക് നിയമാനുസൃത വയസ്സിളവ് നൽകുന്നതായിരിക്കും.

ടയർ I,II എന്നിങ്ങനെ രണ്ടു ഘട്ടങ്ങളിലായാകും പരീക്ഷ ഉണ്ടായിരിക്കുക. രണ്ടും കംപ്യുട്ടർ അധിഷ്ഠിത പരീക്ഷ ആയിരിക്കും.ടയർ I എല്ലാ വിഷയക്കാർക്കുമുള്ള പൊതു പരീക്ഷയാണ്.ഇത് ജയിക്കുന്നവരെയാണ് രണ്ടാം ഘട്ടത്തിലേക്ക് പരിഗണിക്കുക.സിലബസ് വെബ്സൈറ്റിൽ നിന്നും ലഭിക്കുന്നതായിരിക്കും.
തിരഞ്ഞെടുപ്പിനുള്ള ടയർ I പരീക്ഷയ്ക്ക് തിരുവനന്തപുരവും കൊച്ചിയുമാകും പരീക്ഷാകേന്ദ്രങ്ങൾ.പരീക്ഷാകേന്ദ്രങ്ങളുടെ മുഴുവൻ പട്ടിക വെബ്സൈറ്റിൽ വിജ്ഞാപനത്തോടൊപ്പം ലഭിക്കുന്നതാണ്.

അപേക്ഷാഫീസ് 100 രൂപയായിരിക്കും.ഇത് ഓൺലൈൻ വഴിയാണ് അടയ്‌ക്കേണ്ടത്. ഇതിനുള്ള ലിങ്ക് ഡി.ആർ.ഡി.ഒ.വെബ്സൈറ്റിൽ ലഭിക്കുന്നതായിരിക്കും.ഒന്നിലേറെ വിഷയത്തിലെ ഒഴിവുകളിലേക്ക് അപേക്ഷിക്കുന്നവർ ഓരോന്നിനും വേറെ വേറെ ഫീസ് അടിക്കേണ്ടതാണ്.
വനിതകൾ എസ്.സി. , എസ്.ടി. ,അംഗപരിമിതർ,വിമുക്തഭടർ എന്നിവർക്ക് ഫീസ് ബാധകമല്ല.

താത്പര്യമുള്ള ഉദ്യോഗാർത്ഥികൾ https://www.drdo.gov.in/drdo/ceptam/ceptamnoticeboard.html എന്ന വെബ്‌സൈറ്റ് വഴി ഓൺലൈനായി അപേക്ഷ സമർപ്പിക്കേണ്ടതാണ്.അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 29.

കൂടുതൽ വിവരങ്ങൾക്ക്
https://www.drdo.gov.in/drdo/ceptam/ceptamnoticeboard.html