മുംബൈയിലെ ഭാഭാ അറ്റോമിക് റിസർച് സെന്റർ, എഇആർബി എന്നിവിടങ്ങളിൽ കാറ്റഗറി I,II സ്‌റ്റൈപ്പൻഡറി ട്രെയിനി ഒഴിവുകളിലേക്ക് അപേക്ഷ ക്ഷണിച്ചു. ബാക്ക്‌ലോഗ് ഒഴിവുകളുൾപ്പെടെ 224 ഒഴിവുകളുണ്ട്. സ്ത്രീകൾക്കും അപേക്ഷിക്കാം. ഒാൺലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: ഒാഗസ്റ്റ് 20

സ്റ്റൈപ്പൻഡറി ട്രെയിനി കാറ്റഗറിയിൽ 86 ഒഴിവുകൾ ഉണ്ട് . വിഭാഗങ്ങളും യോഗ്യതകളും താഴെ കൊടുത്തിരിക്കുന്നു.

മെക്കാനിക്കൽ: മെക്കാനിക്കൽ എൻജിനീയറിങ്ങിൽ ഡിപ്ലോമ.

ഇലക്ട്രിക്കൽ: ഇലക്ട്രിക്കൽ എൻജിനീയറിങ്ങിൽ ഡിപ്ലോമ.

മെറ്റലർജി: മെറ്റലർജിക്കൽ എൻജിനീയറിങ്ങിൽ ഡിപ്ലോമ.

കെമിക്കൽ: കെമിക്കല്‍ എൻജിനീയറിങ്ങിൽ ഡിപ്ലോമ.

സിവിൽ: സിവിൽ എൻജിനീയറിങ്ങിൽ ഡിപ്ലോമ.

കംപ്യൂട്ടർ സയൻസ്: കംപ്യൂട്ടർ സയൻസിൽ ഡിപ്ലോമ.

ഇലക്ട്രോണിക്സ് ആൻഡ് ഇൻസ്ട്രമെന്റേഷൻ: ഇലക്ട്രോണിക്സ്/ ഇൻസ്ട്രമെന്റേഷൻ/ ഇലക്ട്രോണിക്സ് ആൻഡ് ഇൻസ്ട്രമെന്റേഷൻ എൻജിനീയറിങ്ങിൽ ഡിപ്ലോമ. മൊത്തം കുറഞ്ഞത് 60% മാർക്കോടെ ഇലക്ട്രോണിക്സ് ആൻഡ് കമ്യൂണിക്കേഷൻ/ ഇൻസ്ട്രമെന്റേഷൻ/ ഇൻസ്ട്രമന്റേഷൻ ടെക്നോളജി/ ഇൻസ്ട്രമെന്റേഷന്‍ ആൻഡ് കൺട്രോൾ എൻജിനീയറിങ്ങിൽ ഡിപ്ലോമയുള്ളവർക്കും അപേക്ഷിക്കാം.

എസ്എസ്‌സിക്കു ശേഷം മൂന്നു വർഷത്തെ ഡിപ്ലോമയും എച്ച്എസ്‌സി/ ബിഎസ്‌സിക്കു ശേഷം ദ്വിവൽസര ഡിപ്ലോമയുമയിരിക്കണം. ഡിപ്ലോമയ്ക്കു മൊത്തം കുറഞ്ഞത് 60% മാർക്ക് നേടിയിരിക്കണം.

കെമിസ്ട്രി: കുറ‍ഞ്ഞത് 60% മാര്‍ക്കോടെ ബിഎസ്‌സി (കെമിസ്ട്രി മുഖ്യ വിഷയമായും ഫിസിക്സ്/മാത്തമാറ്റിക്സ്/ സ്റ്റാറ്റിറ്റിക്സ്/ ബയോളജി എന്നിവ ഉപവിഷയങ്ങളായും ഉണ്ടായിരിക്കണം )

ഫിസിക്സ്: കുറ‍ഞ്ഞത് 60% മാര്‍ക്കോടെ ബിഎസ്‌സി (ഫിസിക്സ് മുഖ്യ വിഷയമായും കെമിസ്ട്രി/മാത്തമാറ്റിക്സ്/ സ്റ്റാറ്റിറ്റിക്സ്/ ഇലക്ട്രോണിക്സ്/ കംപ്യൂട്ടർ സയൻസ് എന്നിവ ഉപവിഷയങ്ങളായും)

 സ്റ്റൈപ്പൻഡറി ട്രെയിനി കാറ്റഗറി-II വിഭാഗത്തിൽ ആകെ 138 ഒഴിവുകൾ ഉണ്ട് . വിവിധ ട്രേഡുകളും യോഗ്യതകളും താഴെക്കൊടുക്കുന്നു.

പ്ലാന്റ് ഓപറേറ്റർ: ഫിസിക്‌സ്, കെമിസ്‌ട്രി, മാത്താറ്റിക്സ് എന്നിവ വിഷയങ്ങളായി കുറഞ്ഞത് മൊത്തം 60% മാർക്കോടെ സയൻസ് സ്‌ട്രീമിലുള്ള എച്ച്‌എസ്‌സി.

ലബോറട്ടറി: ഫിസിക്സ്, കെമിസ്ട്രി, മാത്തമാറ്റിക്സ്, ബയോളജി എന്നിവ വിഷയങ്ങളായി കുറഞ്ഞത് മൊത്തം 60% മാർക്കോടെ സയൻസ് സ്‌ട്രീമിലുള്ള എച്ച്‌എസ്‌സി.

എസി മെക്കാനിക്/ ഫിറ്റർ/വെൽഡർ/ മെഷിനിസ്റ്റ്/ ഇലക്ട്രിക്കൽ/ ഇലക്ട്രോണിക്സ് ആൻഡ് ഇൻസ്ട്രമെന്റേഷൻ/ മെക്കാനിക്കൽ:

കുറഞ്ഞത് മൊത്തം 60% മാർക്കോടെ സയൻസ്, മാത്തമാറ്റിക്സ് പഠിച്ച് എസ്എസ്‌സി, ബന്ധപ്പെട്ട ട്രേഡ്(എസി മെക്കാനിക്/ ഫിറ്റര്‍/വെൽഡർ/ മെഷിനിസ്റ്റ്/ ഇലക്ട്രിക്കൽ/ ഇലക്ട്രോണിക്സ്/ ഇൻസ്ട്രമെന്റേഷൻ/ മെക്കാനിക്കൽ) സർട്ടിഫിക്കറ്റ്. കൂടാതെ, ദ്വിവൽസര എൻടിസി (െഎടിെഎ ജയം) അല്ലെങ്കിൽ രണ്ടു വർഷത്തെ എൻഎസി (അപ്രന്റിസ് ട്രെയിനിങ് സ്കീം)

അല്ലെങ്കിൽ ഒരു വർഷത്തെ എൻടിസിയും (െഎടിെഎ ജയം) ഒരു വർഷത്തെ പ്രായോഗിക പ്രവൃത്തിപരിചയവും (കോഴ്സിനു ശേഷം നേടിയത്) അല്ലെങ്കിൽ ഒരു വർഷത്തെ എൻടിസിയും (െഎടിെഎ ജയം) കുറഞ്ഞത് ഒരു വർഷത്തെ എൻഎസിയും (അപ്രന്റിസ് ട്രെയിനിങ് സ്കീം).

അപേക്ഷിക്കുന്നതിനും വിശദവിവരങ്ങൾക്കും ww.barc.gov.in, www.recruit.barc.gov.in എന്നീ വെബ്സൈറ്റുകൾ സന്ദർശിക്കുക .