എയർ ഇന്ത്യയുടെ കീഴിലുള്ള എയർ ഇന്ത്യ എയർ ട്രാൻസ്‌പോർട് സർവീസസ് ലിമിറ്റഡ്, എയർലൈൻ അലൈഡ് സർവീസസ് ലിമിറ്റഡ് എന്നിവയിൽ വിവിധ തസ്തികകളിലെ 87 ഒഴിവുകളിലേക്ക്് അപേക്ഷ ക്ഷണിച്ചു. വ്യത്യസ്ത വിജ്ഞാപനങ്ങളാണ്.

AIATSL: 63 ഒഴിവ്

എയർ ഇന്ത്യ എയർ ട്രാൻസ്‌പോർട് സർവീസസ് ലിമിറ്റഡ് കൊൽക്കത്ത എയർപോർട്ടിൽ സെക്യൂരിറ്റി ഏജന്റ് തസ്തികയിലെ ഒഴിവുകളിലേക്കു വോക് ഇൻ ഇന്റർവ്യൂ നടത്തുന്നു. മൂന്നു വർഷത്തെ കരാർ നിയമനമാണ്.
ആകെ 63 ഒഴിവുകളാണുള്ളത്. ഇതിൽ 53 ഒഴിവുകൾ പുരുഷൻമാർക്കും പത്തെണ്ണം , സ്ത്രീകൾക്കുമായിരിക്കും.

ഒാഗസ്റ്റ് 24 ന് രാവിലെ 9 മുതൽ 12 വരെ റജിസ്ട്രേഷൻ നടക്കും.

ഇന്റർവ്യൂ സ്ഥലം: Sports Authority of India, Netaji Subhas Eastern Center, Sector-III, Salt Lake City, Kolkata-700 106.

യോഗ്യത:അംഗീകൃത ബേസിക് എവിഎസ്‌ഇസി (12 ദിവസത്തെ ന്യൂ പാറ്റേൺ) സർട്ടിഫിക്കറ്റുള്ളവർ: ഏതെങ്കിലും വിഷയത്തിൽ ത്രിവൽസര ബിരുദം, ഇംഗ്ലിഷിലും ഹിന്ദിയിലും പ്രാദേശിക ഭാഷയിലുമുള്ള പരിജ്‌ഞാനം.

അംഗീകൃത ബിസിഎഎസ് സർട്ടിഫൈഡ് XBIS സ്ക്രീനർ, ബിസിഎഎസ് സർട്ടിഫൈഡ് In-Lineസ്ക്രീനർ എന്നിവയുളളവർക്ക് മുൻഗണന.

പ്രായപരിധി: 31 വയസ്.
എസ്‌സി/എസ്‌ടിക്കാർക്ക് അ ഞ്ചും ഒബിസിക്കാർക്കു മൂന്നു വർഷവും ഉയർന്ന പ്രായപരിധിയിൽ ഇളവു ലഭിക്കും. അംഗീകൃത ബേസിക് എവിഎസ്‌ഇസി സർട്ടിഫിക്കറ്റ് ഉള്ളവർക്ക് പ്രായപരിധിയിൽ നിയമാനുസൃത ഇളവ് അനുവദിക്കും.

തിരഞ്ഞെടുപ്പ്:
അംഗീകൃത ബേസിക് എവിഎസ്‌ഇസി (12 ദിവസത്തെ ന്യൂ പാറ്റേൺ) സർട്ടിഫിക്കറ്റുള്ളവർക്ക് പഴ്സനാലിറ്റി അസെസ്മെന്റ് മുഖേനയാണ് തിരഞ്ഞെടുപ്പ്.

അംഗീകൃത ബേസിക് എവിഎസ്‌ഇസി (12 ദിവസത്തെ ന്യൂ പാറ്റേൺ) സർട്ടിഫിക്കറ്റില്ലാത്തവർക്കു ഏതെങ്കിലും വിഷയത്തിൽ ത്രിവൽസര ബിരുദം, ഇംഗ്ലിഷിലും ഹിന്ദിയിലും പ്രാദേശിക ഭാഷയിലുമുള്ള പരിജ്‌ഞാനം, എന്നിവയും എൻസിസി ബി/സി സർട്ടിഫിക്കറ്റ്, ഫയർ ഫൈറ്റിങ് പരിജ്ഞാനം, ഇൻഡസ്ട്രിയൽ സെക്യൂരിറ്റി അറിവ്, ഡിസാസ്റ്റർ മാനേജ്മെന്റ് പരിജ്ഞാനം, അൺ ആംഡ് കോംമ്പാറ്റ്, ലീഗൽ പരിജ്ഞാനം, ആംഡ് ഫോഴ്സ്/ പൊലിസ് പശ്ചാത്തലം, എന്നിവയും യോഗ്യതകളായി കണക്കാക്കും. കംപ്യൂട്ടർ ഡിപ്ലോമ/സർട്ടിഫിക്കറ്റ് കോഴ്സ് എന്നിവയുള്ളവർക്ക് മുൻഗണനയുണ്ട് .

പ്രായപരിധി: 28 വയസ്. എസ്‌സി/എസ്‌ടിക്കാർക്ക് അഞ്ചും ഒബിസിക്കാർക്കു മൂന്നും വർഷവും ഉയർന്ന പ്രായപരിധിയിൽ ഇളവു ലഭിക്കും.

തിരഞ്ഞെടുപ്പ്: അംഗീകൃത ബേസിക് എവിഎസ്‌ഇസി സർട്ടിഫിക്കറ്റില്ലാത്തവർക്ക് ശാരീരിക ക്ഷമതാപരീക്ഷ, എഴുത്തുപരീക്ഷ, പഴ്സനാലിറ്റി അസെസ്മെന്റ് എന്നിവ നടത്തും
15 വർഷം സർവീസുള്ള വിമുക്‌തഭടൻ (ബിരുദമുള്ളവർ) രണ്ടു വർഷത്തിനുള്ളിൽ വിരമിച്ചവരായിരിക്കണം.

ഉയരം: 170 സെമീ.(പുരുഷൻ), 157 സെ.മി.(സ്‌ത്രീ) , ഒബിസി, എസ്‌സി വിഭാഗക്കാർക്ക് 165 സെ.മീ. (പുരുഷൻ), 155 സെ.മി. (സ്‌ത്രീ). എസ്ടി വിഭാഗക്കാർ, 162.5 സെ.മീ. (പുരുഷൻ), 150 സെ.മി. (സ്‌ത്രീ).

ശമ്പളം: 20190 രൂപ+ മറ്റ് ആനുകൂല്യങ്ങൾ.

അപേക്ഷാഫീസ്: 500 രൂപ.

Air India Limited എന്ന പേരിലെടുത്ത കൊൽക്കത്തയിൽ മാറാവുന്ന ഡിമാൻഡ് ഡ്രാഫ്‌റ്റായി ഫീസടയ്‌ക്കാം. ഡിമാൻഡ് ഡ്രാഫ്‌റ്റിന്റെ പിന്നിൽ ഉദ്യോഗാർഥിയുടെ മുഴുവൻ പേരും ജനന തീയതിയും മൊബൈൽ നമ്പറും എഴുതണം. വിമുക്‌തഭടൻ, പട്ടികവിഭാഗം എന്നിവർക്ക് ഫീസില്ല.

ഇന്റർവ്യൂവിന് ഹാജരാകുന്ന സമയത്ത് വെബ്സൈറ്റിൽ നൽകിയിരിക്കുന്ന നിശ്ചിത മാതൃകയിൽ തയാറാക്കിയ അപേക്ഷാ ഫോമിനൊപ്പം ബന്ധപ്പെട്ട സർട്ടിഫിക്കറ്റുകളുടെ അസലും സ്വയം സാക്ഷ്യപ്പെടുത്തിയ പകർപ്പുകളും ഡിമാൻഡ് ഡ്രാഫ്റ്റും, മൂന്ന് പാസ്പോർട്ട് സൈസ് ഫോട്ടോകളും ഹാജരാക്കണം. വിശദവിവരങ്ങൾക്ക് www.airindia.in

AASL:  24 അസിസ്റ്റന്റ് സൂപ്പർവൈസർ

എയർലൈൻ അലൈഡ് സർവീസസ് ലിമിറ്റഡ് അസിസ്റ്റന്റ് സൂപ്പർവൈസർ (സെക്യൂരിറ്റി) തസ്‌തികയിലെ 24 ഒഴിവുകളിലേക്കു വോക് ഇൻ സിലക്ഷൻ നടത്തുന്നു. ഗുജറാത്ത്, മഹാരാഷ്ട്ര എന്നിവിടങ്ങളിലാണ് ഒഴിവുകളുള്ളത്. മൂന്നു വർഷത്തെ കരാർ നിയമനമാണ്.

ഇന്റർവ്യൂ

നാസിക് (മഹാരാഷ്ട്ര)- ഒാഗസ്റ്റ് 18 ന് രാവിലെ 10.30 മുതൽ 1 വരെ.

യോഗ്യത:

അംഗീകൃത ബേസിക് എവിഎസ്‌ഇസി (12 ദിവസത്തെ ന്യൂ പാറ്റേൺ) സർട്ടിഫിക്കറ്റുള്ളവർ: ഏതെങ്കിലും വിഷയത്തിൽ ത്രിവൽസര ബിരുദം, ഇംഗ്ലിഷിലും ഹിന്ദിയിലും പ്രാദേശിക ഭാഷയിലുമുള്ള പരിജ്‌ഞാനം.

അംഗീകൃത ബിസിഎഎസ് സർട്ടിഫൈഡ് XBIS സ്ക്രീനർ ഉളളവർക്ക് മുൻഗണന.അല്ലെങ്കിൽ

60% മാർക്കോടെ ഏതെങ്കിലും വിഷയത്തിൽ ത്രിവൽസര ബിരുദം, ഇംഗ്ലിഷിലും ഹിന്ദിയിലും പ്രാദേശിക ഭാഷയിലുമുള്ള പരിജ്‌ഞാനം. അല്ലെങ്കിൽ എൻസിസി ബി സർട്ടിഫിക്കറ്റ്, ഇംഗ്ലിഷിലും ഹിന്ദിയിലും പ്രാദേശിക ഭാഷയിലുമുള്ള പരിജ്‌ഞാനം. ഫയർ ഫൈറ്റിങ് പരിജ്ഞാനം, ഇൻഡസ്ട്രിയൽ സെക്യൂരിറ്റി അറിവ്, ഡിസാസ്റ്റർ മാനേജ്മെന്റ് പരിജ്ഞാനം, അൺ ആംഡ് കോംമ്പാറ്റ്, ലീഗൽ പരിജ്ഞാനം, ആംഡ് ഫോഴ്സ്/ പൊലിസ് പശ്ചാത്തലം, കംപ്യൂട്ടർ ഡിപ്ലോമ/സർട്ടിഫിക്കറ്റ് കോഴ്സ് എന്നിവയുള്ളവർക്ക് മുൻഗണന.

മേൽപ്പറഞ്ഞ യോഗ്യതകളിൽ അംഗീകൃത ബേസിക് എവിഎസ്‌ഇസി (12 ദിവസത്തെ ന്യൂ പാറ്റേൺ) സർട്ടിഫിക്കറ്റുള്ളവർക്കു മുൻഗണന ലഭിക്കും.

ശാരീരിക യോഗ്യത:
പുരുഷന്മാർക്ക് 163 സെമീ.(പുരുഷൻ), സ്ത്രീകൾക്ക് 154.5 സെ.മി.(സ്‌ത്രീ) ഉയരം ഉണ്ടായിരിക്കണം, എസ്‌സി/ എസ്ടി വിഭാഗക്കാർക്ക് 2.5 സെമീ ഇളവ് ലഭിക്കും.

2018 ഒാഗസ്റ്റ് ഒന്നിന് 30 വയസു കവിയാത്തവർക്ക് അപേക്ഷിക്കാവുന്നതാണ്

എസ്‌സി/എസ്‌ടിക്കാർക്ക് അഞ്ചും ഒബിസിക്കാർക്കു മൂന്നു വർഷവും ഉയർന്ന പ്രായപരിധിയിൽ ഇളവു ലഭിക്കും. അംഗീകൃത ബേസിക് എവിഎസ്‌ഇസി സർട്ടിഫിക്കറ്റ് ഉള്ളവർക്കും പ്രായപരിധിയിൽ നിയമാനുസൃത ഇളവ് ലഭിക്കുന്നതാണ് .

21371 രൂപ ശമ്പളവും മറ്റ് ആനുകൂല്യങ്ങളും ഉണ്ടായിരിക്കും. . വിശദവിവരങ്ങൾക്ക് www.airindia.in