ഇൻഡോ ടിബറ്റൻ ബോർഡർ പോലീസ് ഫോഴ്‌സിൽ അസിസ്റ്റൻഡ് കമാൻഡ് തസ്തികയിൽ എൻജിനീയറുടെ ഒഴിവിലേക്ക് അപേക്ഷകൾ ക്ഷണിച്ചിരിക്കുന്നു.

ഉദ്യോഗാർത്ഥികൾ ഓൺലൈനായി അപേക്ഷിക്കേണ്ടതാണ്

മൊത്തം 10 ഒഴിവുകളാണുള്ളത്.അതിൽ ജനറൽ വിഭാഗത്തിൽ 7 ഒഴിവുകളും എസ്.ടി. വിഭാഗത്തിന് രണ്ട് ഒഴിവുകളും ഒ.ബി.സി. വിഭാഗത്തിന് ഒരു ഒഴിവുമാണുള്ളത്.

യോഗ്യത : സിവിൽ എൻജിനീയറിങ്ങിൽ ബിരുദമാണ് അടിസ്ഥാന യോഗ്യതയായി കണക്കാക്കപ്പെടുന്നത്.

പ്രായം 2018 സെപ്റ്റംബർ 11 നു 30 കവിയാൻ പാടുള്ളതല്ല.എസ്.സി., എസ്.ടി.ക്കാർക്ക് 5 വർഷവും ഒ.ബി.സിക്കാർക്ക് 3 വർഷവും വിമുക്തഭടർക്ക് ചുരുങ്ങിയത് 3 വർഷവും ഉയർന്ന പ്രായത്തിൽ ഇളവ് അനുവദിക്കുന്നതായിരിക്കും.

ശാരീരിക യോഗ്യത പുരുഷന്മാർക്ക് ഉയരം 165 സെ.മീ. വനിതകൾക്ക് 157 സെ.മീ., നെഞ്ചളവ് പുരുഷന്മാർക്ക് 81 സെ.മീ.നെഞ്ചളവ് വനിതകൾക്ക് ബാധകമല്ല.കൂടാതെ ഉയരത്തിനും പ്രായത്തിനും അനുസൃതമായ ഭാരം ഉണ്ടായിരിക്കണം.
സമീപക്കാഴ്ച 6,9 ഉം ദൂരക്കാഴ്ച 6/6 , 6/12 ഉം ആയിരിക്കണം.

എഴുത്തുപരീക്ഷ ഫിസിക്കൽ എഫിഷ്യന്സി ടെസ്റ്റ് എന്നിവയിലൂടെയാണ് ഉദ്യോഗാർത്ഥികളെ തിരഞ്ഞെടുക്കുക.എഴുത്തുപരീക്ഷയ്ക്കുള്ള സിലബസ് വെബ്സൈറ്റിൽ ലഭിക്കുന്നതായിരിക്കും.

അപേക്ഷാഫീസ് 400 രൂപ ഉദ്യോഗാർത്ഥികൾ ഓൺലൈനായി അടയ്‌ക്കേണ്ടതാണ്.വനിതകൾ എസ്.സി. , എസ്.ടി , വിമുക്തഭടർ എന്നിവർക്ക് ഫീസ് ബാധകമല്ല.

താത്പര്യമുള്ള ഉദ്യോഗാർത്ഥികൾ www.recruitment.itbpolice.nic.in എന്ന വെബ്സൈറ്റിൽ സെപ്തംബർ 11 നു മുൻപ് ഓൺലൈനായി അപേക്ഷിക്കേണ്ടതാണ്.

കൂടുതൽ വിവരങ്ങൾക്ക്
www.recruitment.itbpolice.nic.in