ഇന്ത്യൻ സ്‌പേസ് റിസർച് ഓർഗനൈസേഷനു കീഴിലുള്ള തമിഴ്നാട് മഹേന്ദ്രഗിരിയിലെ ഐഎസ്ആർഒ പ്രൊപ്പൽഷൻ കോംപ്ലക്‌സില്‍ ട്രേഡ്/ ടെക്നീഷ്യന്‍ അപ്രന്റിസ് അവസരം. ആകെ 179 ഒഴിവുകളാണുള്ളത് . ഒരു വർഷമാണ് പരിശീലനം. ഓരോ വകുപ്പുകളിലേക്കുമുള്ള ഒഴിവുകൾ ഇങ്ങനെയാണ്

59 ടെക്നീഷ്യൻ അപ്രന്റിസ്
വിഭാഗങ്ങൾ: മെക്കാനിക്കൽ, ഇലക്ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, കെമിക്കൽ, സിവിൽ എൻജിനീയറിങ് വിഭാഗങ്ങളിലേക്കാണ് അപേക്ഷിക്കേണ്ടത്

യോഗ്യത: ബന്ധപ്പെട്ട വിഭാഗത്തിൽ ഒന്നാം ക്ലാസോടെ എൻജിനീയറിങ്/ ടെക്നോളജി ഡിപ്ലോമ. 2017, 2018, 2019 വർഷങ്ങളിൽ ഡിപ്ലോമ യോഗ്യത നേടിയവർ മാത്രം അപേക്ഷിച്ചാൽ മതി.

പ്രായപരിധി (21.12.2019 ന്): 35വയസ്. അർഹരായവർക്ക് ഉയർന്ന പ്രായപരിധിയിൽ ഇളവു ലഭിക്കും
സ്റ്റൈപ്പൻഡ്: 8000 രൂപ.

ഇത് കൂടാതെ 120 ട്രേഡ് അപ്രന്റിസ് ഒഴിവുകളും ഉണ്ട്

വിഭാഗങ്ങൾ: ഫിറ്റർ, വെൽഡർ, ഇലക്ട്രീഷ്യൻ, ടർണർ, മെഷിനിസ്റ്റ്, ഡ്രാഫ്റ്റ്സ്മാൻ (മെക്കാനിക്), ഡ്രാഫ്റ്റ്സ്മാൻ (സിവിൽ), ഇലക്ട്രോണിക് മെക്കാനിക്/ മെക്കാനിക് (റേഡിയോ ആൻഡ് ടെലിവിഷൻ), ഇൻസ്ട്രുമെന്റ് മെക്കാനിക്, റഫ്രിജറേഷൻ ആൻഡ് എസി മെക്കാനിക്, മെക്കാനിക് ഡീസൽ, കാർപെന്റർ, ഇൻസ്ട്രുമെന്റ് മെക്കാനിക് (കെമിക്കൽ പ്ലാന്റ്), പിഎഎസ്എഎ/ സിഒപിഎ.വിഭാഗങ്ങളിലേക്കാണ് തെരഞ്ഞെടുപ്പ്

യോഗ്യത: എസ്എസ്എൽസി ജയം, ബന്ധപ്പെട്ട ട്രേഡിൽ ഐടിഐയും (എൻസിവിടി) എൻടിസിയും.
പ്രായപരിധി (04.01.2020 ന്): 35വയസ്. അർഹരായവർക്ക് ഉയർന്ന പ്രായപരിധിയിൽ ഇളവു ലഭിക്കും
സ്റ്റൈപ്പൻഡ്: 8050 രൂപ. വെൽഡർ, മെക്കാനിക് ഡീസൽ, കാർപെന്റർ, പിഎഎസ്എഎ/ സിഒപിഎ ട്രേഡുകളിൽ 7700 രൂപ.
ഡിസംബർ 21, ജനുവരി 4 തീയതികളിൽ തമിഴ്നാട് മഹേന്ദ്രഗിരിയിലെ ഐഎസ്ആർഒ പ്രൊപ്പൽഷൻ കോംപ്ലക്‌സില്‍ ഇന്റർവ്യൂ നടത്തും