തൊഴിൽ അന്വേഷിക്കുന്നവർക്ക് പുതുവർഷത്തിൽ ഒരു സന്തോഷവാർത്ത. സ്വകാര്യമേഖലയിൽ ഏഴുലക്ഷം തൊഴിലവസരങ്ങൾ ഉണ്ടാകുമെന്ന്  മൈ ഹയറിംഗ് ക്ലബ്.കോം ആന്‍ഡ് സാന്‍സ്‌ക്രിറ്റ് – നൗക്രി.ഇന്‍ഫോ എംപ്ലോയ്‌മെന്റ് ട്രെന്‍ഡ് സർവ്വേ റിപ്പോർട്ട്. പ്രധാനമായും സ്റ്റാര്‍ട്ടപ്പുകള്‍ ആയിരിക്കും കൂടുതല്‍ തൊഴിലവസരങ്ങള്‍ നല്‍കുകയെന്നും സര്‍വേയില്‍ വ്യക്തമാകുന്നുണ്ട്. 42 പ്രധാന നഗരങ്ങളിലെ 12 വ്യവസായ മേഖലകളില്‍ നിന്നുള്ള 4278 കമ്പനികളെ ഉള്‍പ്പെടുത്തിയാണ് സര്‍വേ നടത്തിയത്.

2020ൽ ശമ്പളത്തിൽ എട്ടു ശതമാനം വർദ്ധനവ് ഉണ്ടാകുമെന്നും സർവേയിൽ പറയുന്നുണ്ട് . ഭൂരിഭാഗം തൊഴിൽ ദാതാക്കളും പുതിയ ആളുകളെ ജോലിക്കെടുക്കുന്നതിനെ കുറിച്ച് ശുഭാപ്തിവിശ്വാസത്തോടെയാണ് സംസാരിച്ചത്. 'എല്ലാ മേഖലകളിലും കൂടുതൽ തൊഴിലവസരങ്ങൾ ഉണ്ടാകുമെന്നാണ് പ്രതീക്ഷിക്കുന്നത്. മൈ ഹയറിംഗ് ക്ലബ്.കോം ആൻഡ് സാൻസ്ക്രിറ്റ് - നൗക്രി.ഇൻഫോ സി ഇ ഒ രാജേഷ് കുമാർ പറഞ്ഞു.

ബംഗളൂരു, മുംബൈ, ഡൽഹി ആൻഡ് എൻ സി ആർ, ചെന്നൈ, കൊൽക്കത്ത, ഹൈദരാബാദ്, അഹ്മദാബാദ്, പുനെ എന്നീ സ്ഥലങ്ങളിലാണ് പുതിയ തൊഴിലവസരങ്ങൾ കൂടുതൽ സൃഷ്ടിക്കപ്പെടുകയെന്നും സർവേയിൽ പറയുന്നു. ഈ സ്ഥലങ്ങളിൽ 5,14,900 തൊഴിലവസരങ്ങളാണ് ഉണ്ടാകുക. ടയർ 2 ,ടയർ 3 സിറ്റികളിലും ധാരാളം ജോലി സാദ്ധ്യതകൾ ഉണ്ടായിരിക്കും

അതേസമയം, 2020ൽ ടെക്നോളജിക്കും ടെക്നിക്കൽ കഴിവിനുമാണ് മറ്റ് കഴിവുകളേക്കാൾ ആവശ്യമുണ്ടാകുക. 2019ൽ 6.2 ലക്ഷം തൊഴിലവസരങ്ങൾ ആയിരുന്നു പ്രതീക്ഷിക്കപ്പെട്ടിരുന്നത്, അതിൽ 5.9 ലക്ഷം തൊഴിലുകൾ നൽകാൻ കഴിഞ്ഞു.

റീടെയിൽ ആൻഡ് ഇ-കൊമേഴ്സ് മേഖലയിൽ ആയിരിക്കും കൂടുതൽ തൊഴിലവസരങ്ങൾ ഉണ്ടാകുക. ഈ വിഭാഗത്തിൽ 1,12000 അവസരങ്ങളും ഐ ടി /ഐ ടി അനുബന്ധ വിഭാഗത്തിൽ 1,05,500, FMCG വിഭാഗത്തിൽ 87,500 , ഉൽപ്പാദന രംഗത്ത് 68,900 ,BFSI 59,700, ആരോഗ്യ രംഗത്ത് 98,300 എന്നിങ്ങനെയാകും തൊഴിലവസരങ്ങൾ എന്നാണു സർവ്വേ സൂചിപ്പിക്കുന്നത് .

ശമ്പളത്തിലും ബോണസിലും 2020ൽ എട്ടു ശതമാനം വർദ്ധനവ് ഉണ്ടാകുമെന്നാണ് പ്രതീക്ഷിക്കുന്നത്. ശമ്പളത്തിൽ എട്ടു ശതമാനവും ബോണസിൽ 10 ശതമാനവും വർദ്ധനവ് ഉണ്ടാകുമെന്നാണ് പ്രതീക്ഷിക്കുന്നത്. തെക്കൻ മേഖലയായിരിക്കും ഏറ്റവും കൂടുതൽ തൊഴിലവസരങ്ങൾ (2, 15, 400) സൃഷ്ടിക്കുക. വടക്ക് (1,95,700),
പടിഞ്ഞാറ് (1,65,700), കിഴക്ക് (1,25,800) എന്നിങ്ങനെയാണ് മറ്റ് മേഖലകളിലെ തൊഴിലവസരങ്ങൾ.
2020 വർഷത്തിൽ നിലവിലുള്ള തൊഴിലാളികളുടെ നൈപുണ്യ വർദ്ധനവിനാണ് കൂടുതൽ പ്രധാനം നൽകുന്നത് .മാറുന്ന കാലത്തിനനുസരിച്ച് തൊഴിൽ മേഖലയിലും ആവശ്യമായ മാറ്റങ്ങൾ വരുത്താൻ ഉതകുന്ന തീരുമാനങ്ങളാകും തൊഴിൽ മേഖലയിൽ ഉണ്ടാകുന്നത് ..ഡാറ്റ സാക്ഷരതയിലും ഈ വർഷം പ്രാധാന്യം നൽകും