പുതുച്ചേരി ജലഹര്‍ലാല്‍ ഇന്‍സ്റ്റിറ്റ്യൂട്ട് ഓഫ് പോസ്റ്റ് ഗ്രാജ്വേറ്റ് മെഡിക്കൽ എജ്യുക്കേഷന്‍ ആന്‍ഡ് റിസര്‍ച്ചില്‍ 52 ഒഴിവുകളിലേക്കായി വാക്ക് ഇന്‍ ഇന്റര്‍വ്യൂ സംഘടിപ്പിക്കുന്നു.

അനസ്‌തേഷ്യ ടെക്‌നീഷ്യന്‍, ബയോമെഡിക്കല്‍ എഞ്ചിനീയര്‍, എക്‌സറേ ടെക്‌നീഷ്യന്‍, മെഡിക്കല്‍ ലബോറട്ടറി ടെക്‌നോളജിസ്റ്റ് തസ്തികകളിലാണ് ഒഴിവുള്ളത്. ഇന്റര്‍വ്യൂ മുഖേനയാണ് നിയമനം നടത്തുക. ഇന്റര്‍വ്യൂ ഓഗസ്റ്റ് 20 മുതല്‍ ജിപ്‌മെര്‍ അഡ്മിനിസ്‌ട്രേറ്റീവ് ബ്ലോക്കില്‍ വെച്ച് നടക്കും.

കൊവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായുള്ള താല്‍ക്കാലിക നിയമനമാണ്. ഓരോ തസ്തികയിലേക്കുമുള്ള അഭിമുഖം ഓരോ ദിവസങ്ങളിലായാണ് നടത്തുന്നത്

അനസ്‌തേഷ്യ ടെക്‌നീഷ്യന്‍- ഓഗസ്റ്റ് 20
ബയോമെഡിക്കല്‍ എഞ്ചിനീയര്‍- ഓഗസ്റ്റ് 21
എക്‌സറേ ടെക്‌നീഷ്യന്‍- ഓഗസ്റ്റ് 24
മെഡിക്കല്‍ ലബോറട്ടറി ടെക്‌നോളജിസ്റ്റ്- ഓഗസ്റ്റ് 26 എന്നിങ്ങനെയാണ് അഭിമുഖം സംഘടിപ്പിക്കുന്നത്.

അഭിമുഖത്തില്‍ പങ്കെടുക്കാന്‍ താല്‍പര്യമുള്ളവര്‍ യോഗ്യതയും പ്രവൃത്തിപരിചയവും കാണിക്കുന്ന സര്‍ട്ടിഫിക്കറ്റുകളുമായി ഇന്റര്‍വ്യൂ നടക്കുന്ന ദിവസം രാവിലെ എട്ടു മുതല്‍ 9.30 വരെ നേരിട്ട് ഹാജരാവുക. https://main.jipmer.edu.in/announcement/jobs എന്ന ലിങ്കില്‍ നിന്ന് ലഭിക്കുന്ന അപേക്ഷാഫോം പൂരിപ്പിച്ച് നല്‍കണം.

ജനറല്‍, ഇ.ഡബ്ല്യൂ.എസ്, ഒബിസി വിഭാഗക്കാര്‍ക്ക് 500 രൂപയാണ് ഫീസ്. എസ്.സി, എസ്.ടി വിഭാഗക്കാര്‍ക്ക് 250 രൂപ അടച്ചാല്‍ മതിയാകും. ഭിന്നശേഷിക്കാര്‍ക്ക് ഫീസില്ല. ഫീസ് അടയ്‌ക്കേണ്ടത് ഡിഡി വഴിയാണ്. The Director, JIPMER എന്ന പേരില്‍ എസ്.ബി.ഐയുടെ ജിപ്‌മെര്‍ ബ്രാഞ്ചില്‍ മാറാവുന്ന ഡി.ഡി ആയി ഫീസടയ്ക്കാം.