യു.പി.എസ്.സി: 35 ഒഴിവുകളി വിവിധ കേന്ദ്ര സര്‍ക്കാര്‍ വകുപ്പുകളിലേക്ക് ഇപ്പോള്‍ അപേക്ഷിക്കാം

യൂണിയന്‍ പബ്ലിക് സര്‍വീസ് കമ്മീഷന്‍ വിവിധ കേന്ദ്ര സര്‍ക്കാര്‍ വകുപ്പുകളിലെ തസ്തികകളിലേക്ക് അപേക്ഷ ക്ഷണിച്ചു. ഒഴിവുള്ള 35 പോസ്റ്റുകളിലേക്കാണ് യു.പി.എസ്.സി അപേക്ഷ ക്ഷണിച്ചിരിക്കുന്നത്. ഓഗസ്റ്റ് 22 ന് രജിസ്‌ട്രേഷന്‍ ആരഭിച്ചു. സെപ്റ്റംബര്‍ 10 വരെ ഓണ്‍ലൈനായി അപേക്ഷ സമര്‍പ്പിക്കാം. അപേക്ഷിക്കാന്‍ യു.പി.എസ്.സിയുടെ ഔദ്യോഗിക വെബ്‌സൈറ്റായ https://upsconline.nic.in സന്ദര്‍ശിക്കുക.

അസിസ്റ്റന്റ് പ്രൊഫസര്‍- 24 , റിസേര്‍ച്ച് ഓഫീസര്‍-1 , സീനിയര്‍ സയന്റിഫിക് ഓഫീസര്‍-3 , ജനറല്‍ ഡ്യൂട്ടി മെഡിക്കല്‍ ഓഫീസര്‍- 7 എന്നിങ്ങനെയാണ് ഒഴിവുകൾ

യോഗ്യത
അസിസ്റ്റന്റ് പ്രൊഫസര്‍ തസ്തികയിലേക്ക് എം.ബി.ബി.എസ്, ന്യൂറോളജിയില്‍ പി.ജി, ലെക്ചര്‍ഷിപ്പില്‍ പരിചയം ആണ് യോഗ്യത

റിസേര്‍ച്ച് ഓഫീസര്‍ തസ്തികയിലേക്ക് അപേക്ഷിക്കുന്നവർ ആന്ത്രോപോളജിയില്‍ എം.ഡി, സോഷ്യല്‍ റിസര്‍ച്ചില്‍ മൂന്ന് വര്‍ഷത്തില്‍ കുറയാത്ത പ്രവൃത്തി പരിചയം എന്നിവ ഉള്ളവരായിരിക്കണം
.
സീനിയര്‍ സയന്റിഫിക് ഓഫീസര്‍ തസ്തികയിലേക്ക് സൈക്കോളജിയിലോ ക്രിമിനോളജയിലോ എംഡി, ബന്ധപ്പെട്ട മേഖലയില്‍ മൂന്ന് വര്‍ഷത്തില്‍ കുറയാത്ത പ്രവൃത്തി പരിചയം എന്നിവ ഉള്ളവർക്ക് അപേക്ഷിക്കാം .

ജനറല്‍ ഡ്യൂട്ടി മെഡിക്കല്‍ ഓഫീസര്‍ തസ്തികയിൽ അപേക്ഷിക്കുന്നവർക്ക് ഹോമിയോപതിയില്‍ ഡിഗ്രി ഉണ്ടായിരിക്കണം