നൂറ് ദിവസംകൊണ്ട് 50,000 തൊഴിൽ അവസരങ്ങൾ സൃഷ്ടിക്കുന്നതിനായുള്ള പദ്ധതി
കേരളത്തിന്റെ തൊഴിൽ മേഖലയ്ക്ക് കരുത്തു പകരുന്ന വാഗ്ദാനവുമായി മുഖ്യമന്ത്രി പിണറായി വിജയൻ..നൂറ് ദിവസം കൊണ്ട് 50,000 തൊഴിൽ അവസരങ്ങൾ സൃഷ്ടിക്കുമെന്നാണ് മുഖ്യമന്ത്രി പറഞ്ഞത് .. .കോവിഡ് മഹാമാരി മൂലം സംസ്ഥാനത്ത് തൊഴിലില്ലായ്മ വളരെ അധികം വർധിച്ചിട്ടുണ്ട് . ഇത് പരിഹരിക്കുന്നതിന്റെ ഭാഗമായി സംയോജിത പദ്ധതി നടപ്പിലാക്കുമെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു.
നൂറ് ദിവസംകൊണ്ട് 50,000 തൊഴിൽ അവസരങ്ങൾ സൃഷ്ടിക്കുന്നതിനായുള്ള പദ്ധതികളാണ് ആവിഷ്കരിക്കുന്നത് . ആയിരം ആളുകൾക്ക് അഞ്ച് എന്ന നിലയിൽ ഓരോ പഞ്ചായത്തിലും മുൻസിപാലിറ്റിയിലും കാർഷികേതര മേഖലകളിലും തൊഴിൽ അവസരങ്ങൾ സൃഷ്ടിക്കും.
95,000 തൊഴിൽ അവസരങ്ങൾ സൃഷ്ടിക്കാൻ ലക്ഷ്യമിടുന്നുണ്ട്. വിവിധ സ്കീമുകളുടെ പൂർത്തീകരണത്തിന്റെ ഭാഗമായി ഇതിനു കാലതാമസമുണ്ടാകും. അതിനാൽ എത്ര ചുരുങ്ങിയാലും 50,000 തൊഴിൽ അവസരങ്ങൾ ഡിസംബറിനുള്ളിൽ തന്നെ സൃഷ്ടിക്കുമെന്ന് മുഖ്യമന്ത്രി ഉറപ്പ് നൽകി.
കൊവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിൽ 1000 നിയമനം നൽകാൻ തീരുമാനിച്ചിട്ടുണ്ട്. പട്ടിക വർഗ വിഭാഗത്തിൽപ്പെട്ടവർക്ക് ബീറ്റ് ഫോറസ്റ്റ് വിഭാഗത്തിൽ ജോലി നൽകും.. എല്ലാ ഒഴിവുകളും അറിയിക്കാൻ പിഎസ്സിക്ക് നിർദേശം നൽകിയിട്ടുണ്ട്. പിഎസ്സി വഴി 5000 പേർക്കെങ്കിലും നിയമനം നൽകുകയാണ് ലക്ഷ്യം. പിഎസ്സി നിയമനങ്ങളിൽ സർക്കാർ സർവകാല റെക്കോർഡ് നേടിയെന്നും മുഖ്യമന്ത്രി പറഞ്ഞു.
എല്ലാ രണ്ടാഴ്ചയിലും തൊഴില് ലഭിച്ചവരുടെ മേല്വിലാസം പരസ്യപ്പെടുത്തും. സര്ക്കാര്-അര്ധ സർക്കാർ-പൊതുമേഖലാ സ്ഥാപനങ്ങളില് 18,600, ഹയര് സെക്കൻഡറിയിൽ 425 തസ്തികയും സൃഷ്ടിക്കും. എയ്ഡഡ് സ്കൂളുകളില് 6,911 തസ്തിക നിയമനം റെഗുലറൈസ് ചെയ്യും. സ്കൂള് തുറക്കാത്തത് കൊണ്ട് ജോലിക്ക് ചേരാത്ത 1,632 പേരുണ്ട്. വിദ്യാഭ്യാസ മേഖലയില് 10,968 പേര്ക്ക് ജോലി നല്കും.
യുപി സർക്കാർ പ്രതിരോധത്തിൽ; ഹത്രാസ് പീഡനക്കേസിൽ റിപ്പോർട്ട് തേടി മനുഷ്യാവകാശ കമ്മിഷനും വനിത കമ്മിഷനും മെഡിക്കല് കോളേജില് 700, ആരോഗ്യവകുപ്പില് 500 തസ്തിക സൃഷ്ടിക്കും. പട്ടികവര്ഗക്കാരില് 500 പേരെ ഫോറസ്റ്റില് ബീറ്റ് ഓഫീസര്മാരായി നിയമിക്കും. സര്ക്കാര് സര്വീസിലും പിഎസ്സിക്ക് വിട്ട പൊതുമേഖലാ അര്ധ സര്ക്കാര് സ്ഥാപനത്തിലും പിഎസ്സി വഴി നിയമനം ലഭിക്കും. എല്ലാ ഒഴിവും അടിയന്തിരമായി റിപ്പോര്ട്ട് ചെയ്യാൻ പിഎസ്സിക്ക് നിർദേശം. പിഎസ്സി വഴി 100 ദിവസത്തിനുള്ളില് അയ്യായിരം പേര്ക്ക് നിയമനം ലക്ഷ്യം. പുതുതായി സൃഷ്ടിച്ച തസ്തികകളിലും എണ്ണത്തിലും പിഎസ്സി നിയമനത്തിലും സര്വകാല റെക്കോര്ഡ് നേടി.
സഹകരണ വകുപ്പിലും സ്ഥാപനങ്ങളിലുമായി 500 സ്ഥിരം താൽക്കാലിക നിയമനം നടത്തും. കെഎസ്എഫ്ഇയില് കൂടുതല് നിയമനം. സെപ്റ്റംബർ-നവംബര് കാലത്ത് ആയിരം പേര്ക്ക് നിയമനം നല്കും. അടുത്ത നൂറ് ദിവസത്തില് പൊതുമേഖലാ സ്ഥാപനങ്ങളില് 3,977 പേര്ക്ക് നിയമനം ലഭിക്കുകയോ തസ്തിക സൃഷ്ടിക്കുകയോ ചെയ്യുമെന്നും മുഖ്യമന്ത്രി അറിയിച്ചു.
https://www.facebook.com/Malayalivartha