കേരള സര്വകലാശാലയുടെ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു
കേരള സര്വകലാശാലയുടെ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് http://admissions.keralauniversity.ac.in എന്ന വെബ്സൈറ്റില് പ്രസിദ്ധീകരിച്ചു. അപേക്ഷകര്ക്ക് അപേക്ഷ നമ്പറും പാസ്വേര്ഡും ഉപയോഗിച്ച് ലോഗിന് ചെയ്ത് തങ്ങളുടെ അലോട്ട്മെന്റ് പരിശോധിക്കാം.
ഒന്നാം ഘട്ടത്തില് അലോട്ട്മെന്റ് ലഭിക്കാത്തവരും എന്നാല് രണ്ടാം ഘട്ടത്തില് അലോട്ട്മെന്റ് ലഭിക്കുകയും ചെയ്ത അപേക്ഷകര് ഓണ്ലൈനായോ അല്ലാത്ത പക്ഷം വെബ്സൈറ്റില് ലോഗിന് ചെയ്ത ശേഷം അഡ്മിഷന് ഫീസ് അടയ്ക്കാനുളള ചലാന് പ്രിന്റ് ഔട്ട് എടുത്ത് എസ്.ബി.ഐയുടെ ഏതെങ്കിലും ശാഖയില് ഫീസ് അടയ്ക്കണം.
ഒന്നാം ഘട്ട അലോട്ട്മെന്റില് ഫീസ് അടച്ചവര് വീണ്ടും ഫീസ് അടയ്ക്കേണ്ടതില്ല. അഡ്മിഷന് ഫീസ് ജനറല് വിഭാഗത്തിന് 1525 രൂപയും എസ്.സി/എസ്.ടി വിഭാഗത്തിന് 840 രൂപയുമാണ്. ഫീസ് ബാങ്കില് അടച്ചു കഴിഞ്ഞാല് വെബ്സൈറ്റില് ലോഗിന് ചെയ്ത് അഡ്മിഷന് ഫീസ് ഒടുക്കിയ വിവരം (ജേര്ണല് നമ്പർ ) 23.06.2018നകം രേഖപ്പെടുത്തി തങ്ങളുടെ അലോട്ട്മെന്റ് ഉറപ്പാക്കേണ്ടതാണ്.
അഡ്മിഷന് ഫീസ് ഒടുക്കിയ വിവരം യഥാസമയം ചേര്ക്കാത്ത വിദ്യാര്ത്ഥികളുടെ അലോട്ട്മെന്റ് റദ്ദാകും. ഇങ്ങനെയുള്ളവരെ യാതൊരു കാരണവശാലും തുടര്ന്നുള്ള അലോട്ട്മെന്റുകളില് പരിഗണിക്കുന്നതല്ല. ഒന്ന്, രണ്ട്,മൂന്ന് ഘട്ടം അലോട്ട്മെന്റുകളില് പ്രവേശനം ലഭിച്ചവര് മൂന്നാം അലോട്ട്മെന്റ് പ്രസിദ്ധീകരിച്ചതിന് ശേഷം മാത്രം കോളേജുകളില് ഹാജരായാല് മതിയാകും.
രണ്ടാം ഘട്ട അലോട്ട്മെന്റില് തൃപ്തരാണെങ്കില് അഡ്മിഷന് ഫീസ് ഒടുക്കിയ വിവരം വെബ്സൈറ്റില് ചേര്ത്ത ശേഷം ആവശ്യമെങ്കില് അവരുടെ ഹയര് ഓപ്ഷനുകള് ജൂണ് 25 രാവിലെ 10 മണി വരെ നീക്കം ചെയ്യാം. ഹയര് ഓപ്ഷനുകള് നിലനിര്ത്തുന്ന അപേക്ഷകരെ അടുത്ത (മൂന്നാം) അലോട്ട്മെന്റില് ആ ഓപ്ഷനുകളിലേയ്ക്ക് പരിഗണിക്കുന്നതും ഇങ്ങനെയുള്ളവര് പുതിയ അലോട്ട്മെന്റില് ലഭിക്കുന്ന സീറ്റ് നിര്ബന്ധമായും സ്വീകരിക്കേണ്ടതുമാണ്.
https://www.facebook.com/Malayalivartha
