യു.എ.ഇ വിസ നിയമത്തില്‍ വലിയ മാറ്റങ്ങളാണ് കഴിഞ്ഞ ദിവസം വരുത്തിയത്. വിസിറ്റിങ് വിസയിൽ യു എ ഇ യിൽ വന്നു ജോലി അന്വേഷിക്കുന്നവർ ധാരാളമാണ്. എന്നാൽ മൂന്നു മാസത്തിനകം ജോലി കണ്ടെത്താൻ കഴിഞ്ഞില്ലെങ്കിൽ നാട്ടിലേക്ക് തിരിച്ചു പോകേണ്ട അവസ്ഥയാണ് ഇത് വരെ ഉണ്ടായിരുന്നത് . എന്നാൽ പുതുക്കിയ നിയമ പ്രകാരം ആറ് മാസം വരെ ഇങ്ങനെ തുടരാവുന്നതാണ്. 6 മാസത്തേക്ക് വിസയുടെ കാലാവധി പുതുക്കാനുള്ള സൗകര്യമുണ്ട്. കാലാവധി കഴിഞ്ഞവര്‍ പിടിക്കപ്പെട്ടാലും പിഴയില്ലാതെ രക്ഷപ്പെടാം. ബാങ്ക് ഗ്യാരണ്ടി ഇനത്തില്‍ ഇനി വന്‍ തുക നല്‍കേണ്ടതില്ല. താല്‍ക്കാലികമായി നല്‍കുന്ന വിസയ്ക്ക് ഫീസില്ലെന്ന പ്രത്യേകതയുമുണ്ട്. വിദേശികളെ കൂടുതല്‍ ആകര്‍ഷിക്കുക എന്ന ലക്ഷ്യത്തോടയാണ് പരിഷ്‌കാരങ്ങള്‍. മാത്രമല്ല വിദ്യാസമ്പന്നരായ വ്യക്തികള്‍ക്കും ഇളവുകള്‍ പ്രഖ്യാപിച്ചിട്ടുണ്ട്ട്രാൻസിറ്റ് വിസ പുതിയ ചട്ടങ്ങൾ പ്രകാരം വിസ പുതുക്കാൻ രാജ്യത്തിനു പുറത്തു പോയി വരണമെന്ന നിബന്ധന എടുത്തുകളയും. രണ്ടു ദിവസത്തേക്ക് ട്രാൻസിറ്റ് വിസ സൗജന്യമാകും നിയമ വിരുദ്ധമായി ഇവിടെ എത്തിയവർ, വിസാ കാലാവധി കഴിഞ്ഞവർ എന്നിവർക്ക് വിസ മാറുന്നതിനുള്ള അവസരം നൽകും . വിസ കാലാവധി കഴിഞ്ഞ് അനധികൃതമായി രാജ്യത്ത് തങ്ങുന്നവര്‍ക്ക് രണ്ട് വര്‍ഷത്തേക്ക് യുഎഇയിലേക്ക് വരാന്‍ വിലക്കേര്‍പ്പെടുത്തിയിരുന്നു. ഇത് ഇനി ഉണ്ടാവില്ല. പകരം നിലവിലുള്ള പിഴയടച്ച്‌ അവര്‍ക്ക് വീണ്ടും പുതിയ വിസയില്‍ രാജ്യത്തെത്താം ഇതുവരെ തൊഴിലാളിയെ നിയമിക്കുമ്പോൾ 3000 ദിർഹം ഗ്യാരണ്ടിയായി കെട്ടി വെക്കണം എന്ന നിയമം ഉണ്ടായിരുന്നു. എന്നാൽ പുതുക്കിയ നിയമപ്രകാരം അതിന്റെ ആവശ്യമില്ല . പകരം 60 ദിർഹത്തിൻറെ ഇൻഷുറൻസ് പോളിസി എടുക്കണം. തൊഴില്‍ വിസ കാലാവധി കഴിഞ്ഞും,ജോലിയില്‍ തുടരാന്‍ താല്‍പര്യമുള്ളവര്‍ക്ക് ആറ് മാസത്തെ താല്‍ക്കാലിക വിസ അനുവദിക്കും. നിലവിലുള്ള വിസയില്‍ നിന്ന് മറ്റൊരു വിസയിലേക്ക് മാറാന്‍ ഇനി രാജ്യം വിടേണ്ട കാര്യമില്ല, ഇവിടെ തന്നെ വീസ മാറ്റത്തിന് അപേക്ഷിക്കാവുന്നതാണ്മാതാപിതാക്കളുടെ സ്പോൺസർഷിപ്പിൽ യു എ ഇ യിൽ പഠിക്കുന്ന മിടുക്കരായ വിദ്യാർത്ഥികൾക്ക് പഠനശേഷം രണ്ടു വർഷം യു എ യിൽ തന്നെ തങ്ങാനുള്ള അനുമതിയുണ്ട്. മിടുക്കരായ വിദ്യാർത്ഥികൾക്ക് ഇങ്ങനെ 2 വർഷം അധികം യു എ യിൽ നിൽക്കാം . ആ കാലയളവിൽ ഉപരി പഠനത്തിനോ അനുയോജ്യമായ ജോലിയിലോ പ്രവേശിക്കാം എന്നത് വിദ്യാർത്ഥികൾക്കും രക്ഷിതാക്കൾക്കും ഒരു പോലെ സന്തോഷവും ആശ്വാസവും നൽകും. കൂടാതെ രാജ്യത്തെ വിദ്യാഭ്യാസ സ്ഥാപനങ്ങളില്‍ പഠിക്കാന്‍ എത്തുന്നവര്‍ക്ക് രണ്ട് വര്‍ഷത്തെ സ്റ്റൂഡന്റ് വിസ നല്‍കാനും മന്ത്രിസഭായോഗം തീരുമാനിച്ചു. സ്പെഷ്യലിസ്റ്റ്കൾക്ക് 10 വർഷം കാലാവധിയുള്ള താമസ വിസ നൽകാനും യു എ ഇ തീരുമാനിച്ചു യുഎഇയിലെ വിമാനത്താവളങ്ങള്‍ വഴി മറ്റ് രാജ്യങ്ങളിലേക്ക് പോവുന്നവര്‍ക്ക് നാല്‍പ്പത്തിയെട്ട് മണിക്കൂര്‍ നേരത്തേക്ക് സൗജന്യ ട്രാന്‍സിറ്റ് വിസ അനുവദിക്കും. 96 മണിക്കൂര്‍ നേരത്തേക്കാണെങ്കില്‍ വെറും അമ്പത് ദിര്‍ഹം മാത്രം മതിയാകും. ഇപ്പോള്‍ ഈ വിസക്ക് മുന്നൂറ് ദിര്‍ഹം ചിലവുണ്ട്.യുഎഇയിൽ പുതിയ ജോലിക്ക് പ്രവേശിക്കുന്ന ഇന്ത്യയടക്കമുള്ള 9 രാജ്യക്കാർക്ക് സ്വഭാവ സർട്ടിഫിക്കറ്റ് ആവശ്യമില്ല. ഇന്ത്യ, ശ്രീലങ്ക, കെനിയ, ഇന്തോനേഷ്യ, ഈജിപ്‌ത്‌, സെനഗൽ, ടുനീഷ്യ, ബംഗ്ലാദേശ്, നൈജീരിയ എന്നീ രാജ്യങ്ങളിൽ നിന്നുള്ളവർക്കാണ് സ്വഭാവ സർട്ടിഫിക്കറ്റ് ആവശ്യമില്ലാത്തത്
