ഇന്ത്യൻ ആർമിയുടെ തമിഴ് നാട് വിഭാഗം ടെക്നിക്കൽ , നഴ്സിംഗ് , ജനറൽ ഡ്യൂട്ടി , ട്രേഡ് & ക്ലാർക്ക് എന്നീ വിഭാഗങ്ങളിലേക്ക് റിക്രൂട്മെന്റ് റാലി നടത്തുന്നു .
ആകർഷകമായ ശമ്പളവും മറ്റ് സേവന വേതന വ്യവസ്ഥകളും വാഗ്‌ദാനം ചെയ്തിട്ടുണ്ട്. പത്താം ക്ലാസും പ്ലസ്ടുവും മാത്രം വിദ്യാഭ്യാസയോഗ്യതയുള്ള യുവാക്കള്‍ക്ക് ഇതുപോലൊരു സുവര്‍ണാവസരം എപ്പോഴും കിട്ടിയെന്നു വരില്ല. തയ്യാറെടുപ്പ് അത്ര നിസ്സാരമായി കരുതരുത് എന്ന് മാത്രം.
ഓൺലൈൻ രജിസ്‌ട്രേഷൻ ആയതിനാൽ മതിയായ സർട്ടിഫിക്കറ്റുകൾ അപ്‌ലോഡ് ചെയ്യാൻ മറക്കരുത്.

ഓൺലൈൻ രജിസ്‌ട്രേഷൻ നടപടികൾ തുടങ്ങി ക്കഴിഞ്ഞു. ആഗസ്റ്റ് ആറിന് മുൻപായി മതിയായ രേഖകൾ ഓൺലൈനായി അപ്‌ലോഡ് ചെയ്യേണ്ടതുണ്ട്.

പത്താം ക്ലാസും പ്ലസ് ടുവുമാണ് അടിസ്ഥാന യോഗ്യത. മതിയായ ശാരീരികക്ഷമത ഉണ്ടായിരിക്കണം. കോയമ്പത്തൂർ , ധർമപുരി , ഡിണ്ടിഗൽ , ഈറോഡ് , നാമക്കൽ , നീലഗിരിസ് , തിരുപ്പൂർ , കൃഷ്ണഗിരി , മധുരൈ , തേനി സേലം എന്നിവിടങ്ങളിലായിരിക്കും പോസ്റ്റിങ്ങ് .
17 വയസ്സിനും 21 വയസ്സിനും മദ്ധ്യേ ഉള്ളവർക്ക് അപേക്ഷിക്കാവുന്നതാണ്

തൃപ്തികരമായ ഓൺലൈൻ രെജിസ്ട്രേഷൻ വിവരങ്ങൾ നൽകിയവർക്ക് അഡ്മിറ്റ് കാർഡ് ഓഗസ്റ്റ് പത്തിന് അയക്കാൻ തുടങ്ങും . എഴുത്തു പരീക്ഷ, ശാരീരിക ക്ഷമതാ ടെസ്റ്റ് , ഇന്റർവ്യൂ എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്