സ്‌കൂള്‍ സമയമാറ്റത്തില്‍ പുനരാലോചനയില്ലെന്ന് ആവര്‍ത്തിച്ച് മന്ത്രി
സ്‌കൂള്‍ സമയമാറ്റത്തില്‍ പുനരാലോചനയില്ലെന്ന് ആവര്‍ത്തിച്ച് മന്ത്രി വി.ശിവന്‍കുട്ടി. ആശയക്കുഴപ്പങ്ങള്‍ ഒഴിവാക്കാനാണ് ചര്‍ച്ച നടത്തുന്നത്. സമസ്തയുമായി മാത്രമല്ല, സംശയമുള്ള എല്ലാവരേയും ചര്‍ച്ചയ്ക്ക് വിളിച്ച് നിയമ പ്രശ്‌നങ്ങള്‍ വ്യക്തമാക്കുമെന്നും മന്ത്രി വാര്‍ത്താസമ്മേളനത്തില്‍ പറഞ്ഞു.
മുഖ്യമന്ത്രി മടങ്ങിവന്ന ശേഷം ചര്‍ച്ച ആലോചിക്കും. ഹൈക്കോടതി വിധിക്കു പുറമെ, വിദ്യാഭ്യാസ അവകാശ നിയമവും അടിസ്ഥാനമാക്കിയാണ് വിദ്യാഭ്യാസ കലണ്ടര്‍. വിദ്യാഭ്യാസ നിയമങ്ങള്‍ മാറ്റണമെങ്കില്‍ നിയമസഭയില്‍ ഭേദഗതി വരുത്തുകയും വേണം. കോടതിവിധിയിലും വിദ്യാഭ്യാസ നിയമങ്ങളിലും ചര്‍ച്ചയില്ല..
ഹൈസ്‌കൂള്‍ ക്ലാസുകളിലാണ് സമയമാറ്റമുള്ളത്. എല്‍.പിക്ക് അധിക പ്രവൃത്തി ദിനമില്ല. യു.പിക്ക് രണ്ട് ശനിയാഴ്ചകള്‍ മാത്രമാണ് അധിക പ്രവൃത്തിദിനം. ഹൈസ്‌കൂളിന് 38 വെള്ളിയാഴ്ചകള്‍ ഒഴിവാക്കിയാണ് അര മണിക്കൂര്‍ വീതം വര്‍ദ്ധിപ്പിച്ചതും ആറ് ശനിയാഴ്ചകള്‍ പ്രവൃത്തി ദിനമാക്കിയതും.. കാര്യങ്ങള്‍ മനസിലാക്കാതെ സമരം പ്രഖ്യാപിക്കുന്നത് അംഗീകരിക്കാനാവില്ല.
"
https://www.facebook.com/Malayalivartha
