അക്ഷയ് കുമാര്‍ മുഖ്യവേഷത്തിലെത്തുന്ന \'ബേബി\' എന്ന ഹിന്ദി സിനിമ പാക്കിസ്ഥാന്‍ നരോധിച്ചു. ഇസ്‌ലാമാബാദ്, കറാച്ചി സെന്‍സര്‍ ബോര്‍ഡുകളാണ് ചിത്രത്തിന് പ്രദര്‍ശാനുമതി നിഷേധിച്ചത്. മുസ്‌ലിം സമൂഹത്തെ മോശമായി ചിത്രീകരിക്കുന്നുവെന്നാരോപിച്ചാണ് പ്രദര്‍ശനാനുമതി നിഷേധിച്ചിരിക്കുന്നത്. ചിത്രത്തില്‍ മോശം കഥാപത്രങ്ങള്‍ക്കെല്ലാം മുസ്‌ലിം പേരുകളാണെന്നും അധികൃതര്‍ ആരോപിക്കുന്നു. 
ഇന്ത്യയില്‍ ഭീകരാക്രമണത്തിന് പദ്ധതിയിടുന്ന തീവ്രവാദികളെ പിടികൂടുന്നതാണ് സിനിമയുടെ പ്രമേയം. സിനിമയുടെ സിഡികളും ഡിവിഡികളും നിരോധിച്ചിട്ടുണ്ട്. വെള്ളിയാഴ്ച പാക്കിസ്ഥാനില്‍ ചിത്രം റിലീസ് ചെയ്യാനിരിക്കുകയായിരുന്നു. എന്നാല്‍ സിനിമ പാക്കിസ്ഥാനോ മുസ്‌ലിം സമൂഹത്തിനോ എതിരല്ലെന്ന് സംവിധായകന്‍ നീരജ് പാണ്‌ഡെ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha