ഹോളിവുഡ് ചിത്രം അനബെല്‍: ക്രിയേഷന്‍ കാണാന്‍ എത്തിയ ബ്രസീലുകാരിയായ യുവതിയുടെ ദൃശ്യങ്ങളാണിത്. ചിത്രം തുടങ്ങി കുറച്ചു നേരങ്ങള്‍ കഴിഞ്ഞപ്പോള്‍ യുവതി തിയേറ്ററില്‍ നിന്ന് അലറി വിളിച്ച് പുറത്തുവരികയും സ്വന്തം ശരീരത്തില്‍ ശക്തമായി മര്‍ദ്ദിക്കുകയും ചെയ്തു. മതിഭ്രമം ബാധിച്ചതു പോലെ പിന്നീട് നിലത്ത് കിടന്ന് ഉരുളുകയായിരുന്നു. യുവതിയുടെ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്. എന്നാല്‍ ഇത് യഥാര്‍ത്ഥമല്ലെന്നും പ്രമോഷന്റെ ഭാഗമായുള്ള തട്ടിപ്പാണെന്നും പലരും അഭിപ്രായപ്പെടുന്നുണ്ട്.

ഹോളിവുഡ് ചിത്രം അനബെല്‍: ക്രിയേഷന്‍ കാണാന്‍ തീയറ്ററിലെത്തിയ ബ്രസീലുകാരിയായ യുവതിക്ക് പ്രേതബാധ. തീയറ്ററില്‍നിന്ന് പുറത്തിറങ്ങിയിട്ടും ബാധയില്‍നിന്ന് രക്ഷയില്ലാതെ വന്നതോടെ, ഇവരെ നാട്ടുകാര്‍ ആശുപത്രിയിലെത്തിച്ചു. വടക്കുകിഴക്കന്‍ ബ്രസീലിലെ ടെറെസിനയിലെ തീയറ്ററിലിരുന്ന് പാതിരാത്രി സിനിമ കണ്ട 20-കാരിക്കാണ് പേടികൂടി വട്ടായത്. സിനിമാഹാളിന് പുറത്ത് യുവതി ഭ്രാന്തിയെപ്പോലെ കിടക്കുന്നതിന്റെ വീഡിയോ ദൃശ്യം ഇതിനകം പുറത്തുവന്നു. ഉറക്കെ നിലവിളിക്കുകയും ചുമയ്ക്കുകയും ചെയ്തുകൊണ്ട് ഇവര്‍ നിലത്തുകിടന്നിഴയുകയാണ്. സുഹൃത്തുക്കള്‍ എത്ര ശ്രമിച്ചിട്ടും ഇവരെ ശാന്തയാക്കാന്‍ കഴിഞ്ഞില്ല. സ്വന്തം ദേഹത്തിടിച്ചും പിച്ചിയും മാന്തിയും ഭ്രാന്ത് പ്രകടിപ്പിച്ച ഇവരെ ഒടുവില്‍, ആശുപത്രിയിലേക്ക് മാറ്റി.

ഒരു ഷോപ്പിങ് സെന്ററിലെ തീയറ്ററില്‍ വെള്ളിയാഴ്ച പാതിരാത്രിയാണ് ഇവര്‍ അനാബല്‍: ക്രിയേഷന്‍ എന്ന സിനിമകാണാനെത്തിയത്. സിനിമ കണ്ടുകൊണ്ടിരിക്കെ, പേടികൂടിയ ഇവര്‍ വിറയ്ക്കാന്‍ തുടങ്ങി. തുടര്‍ന്ന് പുറത്തിറങ്ങിയിട്ടും നിയന്ത്രിക്കാനായില്ല. എമര്‍ജന്‍സി സര്‍വീസുകാര്‍ രംഗത്തെത്തിയാണ് യുവതിയെ ആശുപത്രിയിലേക്ക് മാറ്റിയത്. 2014-ല്‍ പുറത്തിറങ്ങിയ അനാബെലിന്റെ തുടര്‍ച്ചയാണ് ഈ സിനിമ. ലോര്‍ഡ് ഓഫ് ദ റിങ്സ് നായിക മിറാന്‍ഡ ഓട്ടോയും വിത്തൗട്ട് എ ട്രേസ് നായകന്‍ ആന്റണി ലാപാഗ്ലിയയും കേന്ദ്ര കഥാപാത്രങ്ങളായെത്തുന്ന സിനിമ ഇതിനകം വന്‍ജനപ്രീതി നേടിക്കഴിഞ്ഞു. പ്രേതം ബാധിച്ച ഒരു പാവയുടെ കഥയാണ് ഇതിലുള്ളത്.

ചിത്രം തുടങ്ങി കുറച്ചു നേരങ്ങള്‍ കഴിഞ്ഞപ്പോള്‍ യുവതി തിയേറ്ററില്‍ നിന്ന് അലറി വിളിച്ച് പുറത്തുവരികയും സ്വന്തം ശരീരത്തില്‍ ശക്തമായി മര്‍ദ്ദിക്കുകയും ചെയ്തു. മതിഭ്രമം ബാധിച്ചതു പോലെ പിന്നീട് നിലത്ത് കിടന്ന് ഉരുളുകയായിരുന്നു. യുവതിയുടെ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്. എന്നാല്‍ ഇത് യഥാര്‍ത്ഥമല്ലെന്നും പ്രമോഷന്റെ ഭാഗമായുള്ള തട്ടിപ്പാണെന്നും പലരും അഭിപ്രായപ്പെടുന്നുണ്ട്.