അമല്‍നീരദും ഫഹദ് ഫാസിലും ഒരുക്കിയ ഇയ്യോബിന്റെ പുസ്തകം ബോറല്ല. സാധാരണ പ്രമേയം സ്വാതന്ത്ര്യം കിട്ടുന്നത് മുമ്പുള്ള കാലത്ത് അവതരിപ്പിച്ചു എന്നതാണ് ചിത്രത്തിന്റെ പുതുമ. നമ്മള്‍ ഇതുവരെ കാണാത്ത മൂന്നാറിന്റെ സൗന്ദര്യം ചിത്രത്തില്‍ തുടച്ച് നില്‍ക്കുന്നു. ഫഹദാണ് നായകനെങ്കിലും ചിത്രത്തില്‍ നിറഞ്ഞ് നില്‍ക്കുന്നത് ഇയ്യോബായ ലാലാണ്. 1939ല്‍ തുടങ്ങി അടിയന്തരാവസ്ഥക്കാലം വരെയാണ് ചിത്രം പറയുന്നത്. അമല്‍ നീരദ് മുന്‍ ചിത്രങ്ങളില്‍ നിന്ന് വ്യത്യസ്തമായൊരു ശൈലിയാണ് ഇയ്യോബില്‍ സ്വീകരിച്ചിരിക്കുന്നത്. സ്‌ളോമോഷനുകളോ ഗിമ്മിക്ക്‌സുകളോ ഇല്ല. ജയസൂര്യയാണ് ചിത്രത്തില്‍ നിറഞ്ഞ് നില്‍ക്കുന്ന മറ്റൊരു കഥാപാത്രം. അംഗൂര്‍ റാവുത്തര്‍ എന്ന തമിഴ് മുസ്ലിം കഥാപാത്രത്തെ ഏറെ പുതുമകളോടെ അവതരിപ്പിച്ചു. സംഭാഷണത്തിലും നടപ്പിലും മാനറിസത്തിലുമെല്ലാം ജയസൂര്യ മികവ് പുലര്‍ത്തി. സായിപ്പ് മൂന്നാറില്‍ വന്നതും തേയീല നട്ടതും തൊഴിലാളികളെയും ആദിവാസികളെയും ചൂഷണം ചെയ്തതും എല്ലാം ഒരുപാട് സിനിമകളില്‍ പറഞ്ഞിട്ടുള്ളതാണെങ്കിലും വിഷ്വലി ഇത്രമനോഹരമായി ഒരു സിനിമയിലും മുമ്പ് കണ്ടിട്ടില്ല. അമല്‍ നീരദ് എന്ന ക്യാമറാമാന്റെ കരവിരുത് തന്നെയാണത്. 
നായകനായ ഫഹദ് ഫാസിലിന് വലിയ സംഭാഷണങ്ങളില്ലാത്തതും രണ്ടേ മുക്കാല്‍ മണിക്കൂറത്തെ ദൈര്‍ഘ്യവും ചെറുതായി അലോസരപ്പെടുത്തുന്നുണ്ട്. പാട്ടുകളില്‍ ദൃശ്യചാരുതയുണ്ടെങ്കിലും മ്യൂസിക്കും വരികളും അത്ര ആകര്‍ഷണമല്ല. പത്മപ്രീയ, ലെന എന്നിവരുടെ കഥാപാത്രങ്ങളും ശ്രദ്ധേയമാണ്. പത്മപ്രീയ മലയാളത്തില്‍ ചെയ്ത ശക്തമായ കഥാപാത്രങ്ങളിലൊന്നാണ് റാഹേല്‍. അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha